المقابلة الأولي لأعضاء نادي شيفروليه - نايل موتورز (مقابله رمضان)

**Usama Nagi** · 27-08-2010 09:23 PM

الزمان: 25/8/2010 الساعة 9.30 مساء

المكان: جراج أكاديمية مبارك للأمن

الحدث: أحلي مقابلة لأعضاء نادي شيفروليه و تسليم الشماسات

الأعضاء المشاركون: 11 عضو من نادي شيفروليه هم :
1- أ/ أيمن aymanmaly
2- محمد عرفه afrtow
3- محمد فتحي mimo116
4- باسم رأفت BassemRaafat
5- أحمد فوزي fawzyyyy
6- هشام عيسوي hse920
7- وائل أمين waelamin123
8- عمرو صادق auto5truck
9- عبد الرحمن مالك abdomalek
10- حسام Hosam_Optrawy
11- أسامه ناجي bluemaneg

برنامج المقابلة:

بعد وصول كل المشاركين اتعرفنا علي بعضنا و سلمنا علي بعض ثم نسقنا السيارات علي شكل قوس حتي نستطيع تصويرها كلها "بسم الله ما شاء الله كنا عاملين زحمة "
و بعد النجاح في تنسيق السيارات اخدنا صور بانوراما بكاميرا الأستاذ ايمن و حصل المحظور !!!!!
كاميرا أستاذ ايمن بطارياتها خلصت فاضطرينا لأستخدام موبايلي ابو 5 ميجا بكسل

و بعدين خدنا صور مع بعضنا و وزع علينا محمد عرفه علب كانز من كل الأنواع ماخلاش نفسنا في حاجة

و جائت اللحظة الحاسمة دخل حسام المدخل السري و قام بتوزيع الشماسات علي اللي كان حاجز الشماسة و يا الدفع يا الحبس و ياعيني كله اعد يدور علي الفلوس و لم حسام غلة حلوة للنايل موتورز و خدنا الشماسات و كنا مبسوطين بيها

بعد كده اعدنا نتكلم عن سياراتنا و تجارب كل عضو مع توكيل منصور و صراحة استاذ ايمن فادنا كتير جدا بخبرته الكبيرة مع توكيل منصور "اي نعم هي كانت مشاكل في كتير منها " بس هو شكر في بعض الفروع بالذات فرع التجمع الجديد
و بعد ما خلص الكلام جاء لحظة الوداع علي امل لقاء قريب ان شاء الله هيتحدد بعد العيد القادم علي شرط ان الناس اللي ما جاتش المرة دي تيجي المرة الجاية

صور الأعضاء المشاركين

استنوا باقي الصور في المشاركة القادمة
ياريت محدش يكتب كومينت الأ لما اخلص

**Usama Nagi** · 27-08-2010 09:28 PM

صور سيارات الأعضاء المشاركين

**Usama Nagi** · 27-08-2010 09:41 PM

تعريف بالأعضاء المشاركين و صورة الشماسة

من اليمين للشمال

محمد عرفه afrtow - حسام Hosam_Optrawy - وائل أمين waelamin123 - عمرو صادق auto5truck

من اليمين للشمال

أ/ أيمن aymanmaly - أحمد فوزي fawzyyyy - أسامه ناجي bluemaneg - باسم رأفت BassemRaafat

من اليمين للشمال

محمد فتحي mimo116 - هشام عيسوي hse920 - عبد الرحمن مالك abdomalek

**Usama Nagi** · 27-08-2010 09:52 PM

كده مشاركتي خلصت مستنيين بس من أ/ ايمن انه ينزلنا الصور اللي مصورها للعربيات قبل ما الكاميرا تفضي شحن

**aymanmaly** · 27-08-2010 10:34 PM

شكرا للجميع المقابلة الجميلة
و شكرا للعرض الجميل دة و المجهود دة فى الموضوع يا أسامة ربنا يخليك
و يارب تكون هناك مقابلات ثانية بعد رمضان
و الصور هاشتغل عليها النهاردة و ان شاء الله تكون جاهزة عند الفجر
بس كان فية صور شخصية كل واحد جنب عربيتة انا عايزها رغم انى ما تصورتش جنب عربيتى

**aymanmaly** · 27-08-2010 10:43 PM

ارجو من الادارة التثبيت
لان هذا الموضوع هام جدا للاعضاء
و هو اول لقاء للاعضاء الافاضل
و يعتبر اللقاء خطوة جيدة للقسم

**fawzyyyy** · 27-08-2010 10:55 PM

الف شكر طبعا علي الموضوع الرائع ده يا اسامة....الموضوع منظم ما شاء الله

و طبعا المقابلة كانت جميلة جدا و اتعرفت و شوفت ناس جميلة و محترمة
و طبعا الف شكر لحسام علي الشماسات الجميلة ديه ((علي فكرة هي احلي شماسة جبتها ..مش عشان هي جميلة و خامتها حلوة ....لأ عشان عرفتني بناس جميلة ))
و ان شاء الله المقابلات تبقي كتير و الاعضاء المشاركيين يزيدوا ان شاء الله

**mhmdalsaadany** · 27-08-2010 11:41 PM

موضوع ممتاز وزي ما قلت قبل كدا يا ريتني كنت معاكوا بس ملحوقة ان شاء الله
وفي انتظار باقي الصور
رجاء من الادارة التثبيت لاهمية الموضوع بالنسبة للقسم
وشكراً

**Bassem Raafat** · 28-08-2010 01:20 AM

100 100 يا باشمهندس ...... وبجد الف شكر على المجهود الرائع ده ..... وإن شاء الله نحدد ميعاد المقابله الجايه قريب ( منخليش الوقت يسرقنا علشان كل الناس تعرف بدرى بدرى وتيجى ) ...

وبجد فرصه سعيدة جداً إنى إتعرفت بالناس الحلوه دى :

أستاذ أيمن aymanmaly ...... ( كبير القاعدة )

محمد عرفه afrtow ...... ( اللى كان ح يعفرتلنا اليوم ميرسى على الكانز يا باشا وعقبال العشاء المره الجايه )

أحمد فوزي fawzyyyy ...... ( حبيبى من أيام الجيزه )

عمرو صادق auto5truck ...... ( وصديقة اللى كان موجود معانا )

عبد الرحمن مالك abdomalek ...... ( اللى بسببه رحمنا أنا والدكتور من الشقاوه على الطريق الدائرى )

حسام أيمن Hosam_Optrawy ...... ( سلام كبير قوى للمعلم حسام )

أسامه ناجي bluemaneg ...... ( صاحب أحلى تنسيق وعرض للمقابله )

هشام عيسوي hse920 ...... ( أحلى سلام لأهل إسكندريه والمنوفيه علشان محدش يزعل )

محمد فتحي mimo116 ...... ( أهدى واحد فى المقابله )

وائل أمين waelamin123 ...... ( تانى أهدى واحد فى المقابله )