الموضوع: اسوأ المواقف اثناء القيادة

هو الشعب المصري ليه بقي في منتهي الغباء في السواقة
اولا: تلاقي واحد ماشي في اليمين و جمبيه واحد في الشمال و تنافس بنهم في يمشي بسرعة التاني و طوز في الوراهم و لو ضربت كلكس او اديت نور عالي يايما يرخم و يبطئ اكتر يايما يكسر عليك عشان متعديش مينوه من الاخر عنده عقده نافسية(الشارع حرتين)

ثانيا: عكس الاتجاه. بجد السواقين في مصر عندهم حالة نفسية في انو يمشي في الاتجاه الصح. يعني النهاردة واحد ركب دايو جولييت ماشي عكس الاتجاه في محور صفط اللبن و في الشمال. و واحد تاني ماشي عكس الاتجاه في محور الشهيد. هي الناس ده اغنياء او عندهم مرض نافسي او عندهم حقد دفين او ........................ ياعني مش عشان ب 2 هو حتي 5 جنيه بنزين يعمل كارثة علي الطريق.

ثالثا: مفهوم الحارات المرورية غير موجود في عقلية الشعب المصري كله. تلاقي و انت ماشي في الدائري ان كل واحد ماشي علي مزاجه. مرة بين الخطين و مرة فوق الخط و مرة جمب الخط حتي لو كان الطريق فاضي. يمكن يكون فاكر ان لما تسوق بين الخطين ممكن تتكهرب او تموت.

رابعا: في اي دوران في احتمالين. ممكن لو الدوران واسع يكسل يلف الدركسيون عشان مايبوسي او يلف الدركسيون علي الاخر عشان في مكان فاضي اودمه.

خامسا: الحارة الشمال مش عشان اللي ماشي بسرعة او التجاوز. ده معمولة عشان النص نقل او المقطورة او اللي عندا عربية مش سريعة و نفسو يشم هواء هو و العيلة. لو عايز تتجاوز حد يبقي من اليمين. عشان انت في مصر

من الاخر مافيش فايدة
مافيش فايدة
مافيش فايدة
مافيش فايدة

و شكرا
و حسبي الله و نعم الوكيل في هذا الشعب الذي انتمي له
و اتمني ان يرقي بسلوكه
بس مافيش فايدة
مافيش فايدة

المشاركة الأصلية كتبت بواسطة m_taha

خامسا: الحارة الشمال مش عشان اللي ماشي بسرعة او التجاوز. ده معمولة عشان النص نقل او المقطورة او اللي عندا عربية مش سريعة و نفسو يشم هواء هو و العيلة. لو عايز تتجاوز حد يبقي من اليمين. عشان انت في مصر

انا ببقى على المحور وعايز امشي بسرعة وادي نور للي قدامي وانا في الحارة الشمال بس لا حياة لمن تنادي اضطر اروح اقصى حارة يمين الاقي الحارة فاضييييييييية طب اللي عايز يمشي براحة خليك في اليمين زي الكتاب ما بيقول انما ازاي.؟؟؟؟؟؟؟
انت في مصر