السلام عليكم ,
يا جماعة حال الكورة فى مصر زى حال البلد بالظبط مفيش حاجة فى البلد عشان خاطر الشعب الموضوع كله مصالح و سمسرة و عمولات فى انتقال اللاعبين و كل مجلس ادارة يطلع يقول شعر و انه بيشتغل لمصلحة النادى و بيدفع من جيبة عشان النادى و كلهم كذابين .
وفروا المناقشة دى لحاجة تانية بدل الناس ما تزعل من بعضها و رمضان كريم عليكوا كلكوا
طيب طالما فاتح الموضوع للضحك و الفرفشة,تعالوا نضحك أكتر.
تيجي نخمن مع بعض مين الشخصية المهمة اللى مارست ضغوط على ادارة الزمالك - كالعادة - عشان تسيب حق النادي؟؟
تعرف حضرتك ان النائب العام عضو سابق في مجلس ادارة الأهلي و صديق شخصي لحسن حمدي؟؟؟
تعرف حضرتك ان الزمالك لو نادي قذر زي غيره مكانش جدو عرف يفلت منها عشان الوصل والعقود مش مزورين و هو ماضي و باصم, و كان بمنتهى البساطة يقدروا يتمسكوا بأنه أخذ الفلوس و يقولوا انها تبرع من ممدوح عباس و جدو يخبط دماغه في الحيط؟؟
تعرف كمان انه الزمالك لو رفع قضية على جدو يتهمه بالنصب كان حيتسجن حيتسجن و ان حتى لو في مسئولية جنائية على الزمالك كان بسهولة أي موظف صغير يشيلها زي ما الأهلي عمل في موضوع شريف أشرف اللي كان فيها تزوير حقيقي لتوقيع الولد, ده لو الزمالك عايز يلجأ للأساليب القذرة زي غيره؟؟؟
تعرف أن الزمالك رفض أنه يبلغ النيابة بالتزوير - الثابت تماما - بتاع عقد شريف أشرف حفاظا على العلاقات بين الأندية و احتراما لحجم الناديين الكبار, على حين ان الأهلي حرض اللاعب محمد ناجي عفش الشهير بجدو انه يبلغ النيابة ضد الزمالك؟؟ عادي جدا ما هو " أنت اذا أكرمت الكريم ملكته و اذا أكرمت اللئيم تمرد".
تعرف حضرتك ان جدو بنقضه للعهود و سرقته لمجهود غيره (يا ريت تتفرج على جونه في ماتش المنتخب الودي الأخير) و طمعه و كدبه المستمر, زي ما يكون متفصل على ناديه الجديد اللي جمهوره طاير بواحد بالأخلاق دي؟؟
كفاية كدة و لا نضحك كمان؟؟؟
يا جماعة من الاخر جدو ده ميستهلش اساسا اننا نتكلم عليه
وانا مع راي الاخوة اللي بيقولوا مصيره دكة الاحتياطي ومش هيعمل حاجة
انا مازلت مصر انه لولا المعلم شحاته وتفكيره الصح انه بينزل جدو في وقت قاتل والاعيبه بتاعة الفرق التانية بدنيا خلاص
ولا كان حد هيسمع عنه .... والدليل لما رجع ولا حد برضوا سمع عنه مع الاتحاد
وحاليا مع الاهلي محدش يقدر يقول انه فلته يعني ويستاهل انه يبقى هداف الامم
عموما الايام هي اللي هتثبت ان الدنيا ولعت على حاجة متستهلش خالص
تدليس وكذب لو كان الكاتب عنده ذرة كرامة ادبية لفرق بين نادي الزمالك العريق والكبير رغم انفه وبين ادارة فاشلةاقتباس:
العـــــــــــــــــار
(منقول من موقع filgoal)
وأتصور أيضا أن الزمالك لم يعد ناديا كبيرا، ليس بسبب موقفه السيء في أزمة جدو، وموافقته على الصلح الودي، بل شديد الود، ولكن الزمالك فقد بالفعل هيبته أمام الرأي العام كله وليس أمام جماهيره المكسورة، فالنادي الذي يزور ويكذب ويضلل لا يستحق أن يقال عنه أنه "كبير" لأن الكبير هو من يحترم نفسه قبل أن يحترم الآخرين، ولكن مجلس إدارة نادي الزمالك لم يحترم نفسه ولا جماهيره، بل أنه لم يحترم مريديه ودراويشه، وكسر عيونهم أمام "بقية خلق الله " وجرسهم أمام الجميع.
لو تركتنا الحكومة الحمراء نختار مجلس ادارة الزمالك بانتخاب حر وديمقراطي لما حدث ما حدث لكنها تتدخل في كل شئ لافساد الزمالك
الله يرحمك يا مرتضي منصور وكم عانيت من الحكومة الحمراء ومن السفلة
و ليه نكتم الضحك انا بضحك بصوت عالى
و على فكره حازم امام اللى قاله انه ماشفوش بياخد فلوس
ماقلش انه ماخدش فلوس
و تصرف عديم الاخلاق من نادى يجرى ولا لاعيب كذاب و ده الطبيعيى من نادى زور عقود لاعيبه قبل كدهاقتباس:
المشاركة الأصلية كتبت بواسطة dr.almaghraby
الله عليكاقتباس:
المشاركة الأصلية كتبت بواسطة hh
ايه الحلاوه ديه
كلمتين فى الجون انا مكسل اكتب و انت كتبت و قلت شعر
صباح الخير يا شاركى
اعتقد ان احنا هنبتدى حصه تاريخ قريب :) خليهم يغنوا
ما شاء الله
حتى النائب العام
دى البلد كلها اهلاوية بقا
ومادام اهلاوى وعضو سابق
يبقا فى دائرة الاتهام
هو الاهلى بقا شبهه دلوقتى ولا ايه ؟
المعلومة أكيدة و ممكن حضرتك تتأكدي منها.اقتباس:
المشاركة الأصلية كتبت بواسطة baskota
الأهلي بالنسبة لي شبهة طبعا. زي كدة ما تقولي عضو مجلس شعب تبع الحزب الوطني, ما نرجعش بقى نقول انه نجاحه دليل شعبيته الطاغية في الدايرة بتاعته, و لا نيجي مثلا نقول أن أحمد عز مثال لرجل الأعمال الوطني العصامي.
زى حسن حمدى لما يقدم ظرف مغلق عشان حقوق اعلانات الاهلىاقتباس:
المشاركة الأصلية كتبت بواسطة hh
يعنى وكالات الانباء كلها بتقدم لحسن بيك حمدى مظاريف مغلقه و يفتح و يتفرج
تانى يوم بيروح الاهرام الصبح و يسـأل ايه اخبار اعلانات الاهلى عازين نقدم المظاريف انهارده عشان المنافسين قدموا امبارح و احنا مش عارفين حاجه و يقعد يباشر عمله
و بعدين يقول للسكرتيره او للخطيب وهو فى الاهرام لازم نبعته للاهلى عشان ماترحش منا الاعلانات بس ولاد اللذين التانيين مش عارفين مقدمين مظاريف بكام
ده بالنسبه ليا كوميدى اكتر من موضوع جدو
هههههههه عندك حقاقتباس:
المشاركة الأصلية كتبت بواسطة hh
والله بحس ان النادي الاهلي والحزب الوطني واحد
علشان كده استغرب من مثقف او متعلم ازاي يشجع النادي الاهلي
اي حد تاني ممكن من غير الفئة المذكورة اعلاه
نفس رأيى من زماناقتباس:
المشاركة الأصلية كتبت بواسطة skybird
ماينفعش واحد مش عاجبه حال البلد و يشجع الاهلى
الغاية تبرر الوسيلة. عايز أفرح و أحس اني بانتمي لحاجة ناجحة, فأعمل نفسي مش واخد بالي من كم الفساد و الافساد الموجود في الحاجة دي.اقتباس:
المشاركة الأصلية كتبت بواسطة human12
ممكن اقول وجهة نظري المتواضعة ( ممكن تكون صح و ممكن تكون غلط )
انا أهلاوي جداً
و معلش انا كل وجهات النظر الزمالكاوية انا حاسس بعكسها تمامً ( ممكن يكون ده سببه انتمائي للنادي الأهلي و الله أعلم )
يعني حوار ان النادي بدون قيم و بدون مبادئ ما اعتقدتش
هو الأهلي عمل ايه غلط
النادي اشترى لاعب من ناديه ( المشكلة كانت بين الأتحاد و جدو و الزمالك )
أتحاد الكرة اقر ان جدو من حق نادي الأتحاد و الأهلي اشتراه من الأتحاد بطريقة طبيعية ايه المشكلة في كدة
موضوع انه بلا مبادئ و انه نادي نصابين و الكلام ده مش بحسه في النادي الأهلي
على الأقل إدارة النادي إدارة واعية و فاهمة مش اي حد يقدر يتكل في اي حاجة
زي نادي الزمالك
كل من هب و دب اتكلم في موضوع جدو
و المشكلة انهم هما الي شحنوا الرأي العام و المشجعين إلى اقصى درجة ضد الاعب و ضد النادي الاهلي
و صورا ان دائماً هناك مؤامرة تدار في اتحاد الكرة للنيل من نادي الزمالك
و الله كنت لما بشوف ابراهيم يوسف بيتكلم في قضية جدو كنت بموت من الضحك و خصوصاً موضوع بنحضر لمفاجآة و السسبنس و الكلام ده
و إبراهيم حسن الذي ترك مهامه و أنشغل بجدو كأنه أختزل مهمة مدير الكرة في التصريحات ضد لاعب و ضد نادي واحدين فقط
مين يقدر يقولي حد من مسئولي الأهلي صرح تصريح واحد في هذه القضية
مين شحن الراي العام
مين النادي بلا مبادئ ؟؟؟؟
نادي ترك أحسن حارس في افريقيا
نادي ترك لاعب بحجم ابراهيم سعيد ( في وقتها )
نادي ترك عمرو سماكة
نادي ترك ( حسام و إبراهيم حسن في اوج مجدهم )
ام نادي يجدد عقد بملاين للاعب قضى فترة التحضير في شواطئ مارينا و في الحفلات و ماضي عقد مع نادي اخر
إذا كانت إدارة الزمالك نفسها تقدر من لا يحترمها فماذا تنتظرون من الخصوم
للأسف الشحن الزائد من إدارة الزمالك كله جه فوق دماغه ( كالدبة التي قتلت صاحبها )
الزمالك حالة لن ينصلح حتى يهتم بشئونه و ليس شئون الأخرين
ممكن تكون وجهة نظري هذه خاطئة تماماً و لكني مقتنع بها لما اراه من أحداث
للأسف فكرة المؤامرة المسيطر على تفكير مجلس إدارة الزمالك و التي بدورها تصدرها للجماهير هي الي عاملة كدة
الأهلي للأسف ناجح و هذه حقيقة ( محلياً و أفريقياً و دولياً )
النادي الاهلي هو سبب كارثة الكرة المصرية بسلطانه واموالهاقتباس:
المشاركة الأصلية كتبت بواسطة أشرف العدوي
اليس النادي الاهلي من سنين هو في الحقيقة نادي الاسماعيلي مع تغيير لون الفانلة
وحتى لما لاقوا لاعب توسمنا فيه الخير (جدو) اتحرق دمهم وماقدروش يتحملوا انه يروح للزمالك واشتغل لعب الفهلوه وسطوة المال
لو كان الاهلي عنده ذرة مبادئ او اخلاق لترفع عن لاعب ذهب للنادي الزمالك برجليه ولم يتدخل
الاهلي لا يستطيع ان يعيش بابناء النادي الاهلي موسم واحد
يا ريت تكون فهمت وجهة نظري
ليه نادي الاسماعيلياقتباس:
المشاركة الأصلية كتبت بواسطة skybird
هو حسام عاشور و وائل جمعة و شهاب الدين و أحمد شكري و محمد طلعت و شريف أكرامي و أحمد عادل عبد المنعم و أبو تريكة
أحمد حسن مش اسماعلاوي اساساً و لعب في الاسماعيلي تقريباً 4 مواسم
محمد بركات جاي من الخليج هو الي أختار الأهلي
أحمد فتحي كذلك
و تقول ايه على هاني سعيد و الفلم الهندي بتاع عبد المنصف و الكذب و التدليس و ناس طلعه عليه بعربية ضربوه و خدو من العقود و لا كان في عقود و لا حاجة بردو و يلعب في نادي رغماً عنه
اشمعنى دي ما اتكلمتوش عليها
مين مسئول عن تزوير أوراق جدو أكيد في حد مسئول
الموضوع احتراف
الي معاه فلوس يدفع يدفع و يشتري
هو سيد معوض ده مش الأهلي كان عارض انه يشتريه من ألآسماعيلي و الأاسماعيلي رفض مين الخسران و مين الي بيتصرف بتهور
سيد جه الاهلي و الأسماعيلي ما خدتش حاجة
يا جماعة لازم نشوف عيوبنا قبل ما ندور على عيوب غيرنا
هو أجوجو راح فين ما سمعناش انه اتباع و لا جه من وراه فلوس ( هل الأهلي ليه دخل في الموضوع )
كان فيه لاعب اردني بردو و الله ما فاكر حتى اسمه راح فين
حسين ياسر المحمدي في بلجيكا حالياً و مش ناوي يرجع ( ده كلام وكيل أعماله حتى الان )
ما دخل الأهل في فشل الذمالك في كل هذا
بجد يا جماعة يجب اصلاح البيت من الداخل أولاً
فلنفترض ان الأهلي بكل هذا السوء و الزمالك بكل هذه المثالية
ما دخل الزمالك بسوء إدارة الأهلي
هل خسارة الزمالك من أنبي سببها الحكام و الأهلي
هل خسارة الكأس من بني عبيد من قبل كان سببها الأهلي
للأسف الزمالك فعلاً إدارة سيئة للغاية
ياريت تسمع تصريحات أبراهيم حسن عن الصفقات الجديدة
دايماً بيقارن نفسه بالأهلي
و المشكلة انه بيزيف الحقائق و يقول صفقاتنا احسن من النادي الأهلي
طيب انت مالك بالأهلي
قول انك جبت الصفقات دي علشان انت محتاجها مش علشان أحسن من الأهلي
ياريت تطلعوه الأهلي من دماغكوا
تصدقوا أني لما كنت بتفرج على ماتش انبي قوزلت للناس الي معايا ان الزمالك شكله حلو و شكله هياخد الدوي السنة دي ( لاني مش مقتنع بالأهلي في الفترة الحالية مع انه ممكن ينافس بردو )
لسة ما كملتش الكلمة و الزمالك وقع
و على فكرة دي تقريباً نفس بداية الموسم الماضي
علشان كدة ياريت ما تتعشموش خير في الفريق الموسم ده
و مين قال ان الكرة المصرية في كارثة بالعكس
3 كئوس افريقيا متتالية تبقى كارثة أزاي و المنتخب معظمة من الأهلي
ههههههههههههههههههه
مش عارف فيه ايه مزعل اخواننا الزملكاوية
بدل ما تغلطوا للاعب وهو طبعا غلطان وبدل ما ترموا همكم على ادارة الاهلى شوفوا ادارة ناديكم اللى ماسحة بكرامة النادي الارض
باختصار
1- محمد ناجي جدو لاعب في الاتحاد السكندري لفت الانتباه في مباراة الاهلى والاتحاد الموسم الماضي والقيعي كلم مصيلحي رئيس نادي الاتحاد اللى طلب منه الانتظار لنهاية الموسم لان النادي مهدد بالهبوط
2- حسن شحاتة يقرر ضم لاعبين جدد لتعويض اصابة وانخفاض مستوي عمرو زكي وعماد متعب ويضمن جدو فيمن يضم
3- ابراهيم حسن يفاوض اللاعب قبل سفر المنتخب للامارات في شهر 12 الماضي اي قبل الفترة المسموح بالتفاوض فيها (شغل سرقة يعني) ويتفق معه على كل شئ في حضور حازم امام وعلاء مقلد ويوقع جدو (اللاعب في قريق متوسط المنبهر باللعب للزمالك) كل الاوراق المطلوبة منه على بياض
4- جدو قبل ان يوقع يخبر حازم امام (وفقا لشهادة حازم امام النيابة) انه جدد عقده مع نادي الاتحاد لكن العقد الجديد لم يوثق بعد ويتفق معه على ان ينهوا كل شئ مع نادي الاتحاد ويفعلوا العقد معه
5- جدو يتألق في كاس الامم
6- خالد الغندور يستضيف ابراهيم حسن والمنتخب ما زال في انجولا ومن باب التفاخر والمنظرة يعلن ابراهيم حسن التعاقد مع جدو
7- مصيلحي يكتشف ان الزمالك لعب من وراه وعايز ياخد اللاعب بدون ما يدفع مليم فيسارع بتوثيق مد عقد جدو
8- جدو يعود من انجولا هداف البطولة ليكتشف ان مسئولي الزمالك خالفوا ما اتفق عليه معهم واعلنوا التعاقد معه فيتخبط في لابداية ينكر التعاقد معهم ثم يقر به
9- مصيلحي يعلن ان عقد اللاعب ما زال ممتد لنادي اخر وان اللاعب ما زال ملكه ومن يريده يتفاوض معه
10- مسئولي الزمالك ومش عارف احدد مين فيهم لان كلهم بيتكلموا من صبري سراج لجاسر لابراهيم لحسام حسن لابراهيم يوسف لحازم امام كله بيتكلم المهم كلهم يقولوا اللاعب ملكنا ومش هنشتريه من حد
11- الاهلى يتقدم بعرض مغري للاتحاد السكندري الاستغناء عن لعب واعارة اخر لمدة سنة و7 مليون جنيه بشروط اهمها ان اي غرامة توقع على اللاعب يدفعها اللاعب من جيبه واذا لم يفعل لاعقد يسترد الاهلى نقوده مرة اخري
12- اتحاد الكرة علشان مش عايز يزعل حد (كأننا قاعدين في الحارة ومفيش لوائح بتحكم الموضوع) يغرم جدو مليون و200 الف لمصلحة الزمالك قيمة ايصال الامانة الذي قدمه الزمالك وغرامة مليون جنيه لاتحاد الكرة
13- اللاعب يقدم شكوي للنيابة ضد كل من حازم امام الذي حضر التفاوض معه وعلاء مقلد مدير النادي ووليد بدر اداري فريق الكرة يتهمهم بالتزوير بوضع بيانات لم يتفق عليها في العقد معه وتزوير ايصال امانة
14- الزمالك يعقد مؤتمر صحفي بحضور كل اعضاء مجلس الادارة ويهدد ويثور ولا تراجع ولا استسلام عن حبس جدو والشرط الجزائي ال30 مليون
15- الزمالك في مفاجأة للجميع يصغي لنصيحة ابو شقة الكبير وبدلا من حبس حازم امام ووليد بدر وعلاء مقلد يوافق على الصلح مع اللاعب الذي يرفض دفع مليم من جيبه فيكون الاتفاق ان يدفع ممدوح عباس المليون و200 الف من جيبه لجدو على ان يسددهم جدوا لاتحاد الكرة
هو ده تسلسل الاحداث ورأيي فيها:
1- جدو غلطان من البداية لانه وقع على بياض
ولانه اتفق مع ادارة الزمالك ثم تراجع في اتفاقه
2- ادارة الزمالك اخطأت:
1- حين اتفقت مع اللاعب من خلف ادارة ناديه حتي لا تدفع لناديه اي مقابل
2- حين تسرع ابراهيم حسن باعلان الاتفاق مع اللاعب
3- حين زوروا في الاوراق دون ان يعرفوا الراي القانوني من اكتر من مصدر بدل مدير الشئون القانونية في النادي اللى غرقهم
4- في ظهور كل اعضاء المجلس وابراهيم حسن وابراهيم يوسف في كل المحطات والهجوم المستمر على اللاعب والتهديد بحبسه وال30 مليون واهانته عن طريق نطق اسم عائلته بطريقة معينة
5- في ايهام الجمهور باشياء غير حقيقية والتسرع في المواقف مرة باعلان عدم التراجع مهما حدث وبعدها التراجع المهين
6- في الفيلم الهابط اللى بيحاولوا يصدروه للجمهور دلوقت ان اوامر من فوق بانهاء الموضوع هي اللى اجبرتهم وهما اول ناس عارفين ان ده كدب كانت الاوامر من فوق دي نفعت لحل مشكلة الحضري مع الاهلى ومتهيالي الحضري وقتها اهم بكتير للمنتخب من جدو
موضوع شريف اشرف علشان الناس اللى بتدخل في الهيصة
لاعب في ناشئ الاهلى وهداف الناشئين وجد ان فرصته ضعيفة في الاهلى لوجود متعب وفلافيو وقرر التوقيع للزمالك
اداري الناشئين علشان يغطي غلطته ان اللاعب بدون عقد اعلن ان اللاعب موقع مع الاهلى
الاهلى اكتشف ان اللاعب لم يوقع وان الاداري هو اللى وقع بدل اللاعب فتم فصل الاداري
يعني ادارة الاهلى لم تكابر او تشتكي في اتحاد الكرة او تعلن اللجوء للفيفا والمحكمة الفيدرالية وانها هتحبس اللاعب
ولم يكن من حق الزمالك او اللاعب تقديم اي شكوي في اتحاد الكرة ضد الاهلى لان الاهلى لم يقدم العقود المزورة
وحتي لو قدمت العقود المزورة كان سيعاقب الاداري
اما في واقعة جدو فمن كان سيعاقب هم اعضاء من مجلس ادارة النادي
الناس اللى شتمت الاهلى وادارته ووصفتهم بالسرقة وانهم حزب وطني ومعرفش ايه مش عايزهم ينسوا ان المشير اللى هو اعلى من النائب العام زملكاوي وان جمال زملكاوي وعلاء بيشجع الاسماعيلي
الزملكاوية الحقيقيين عارفين ان ادارة ناديهم اللى غلطانة وماسحة بكرامة النادي الارض
وللاسف من ايام حسن حلمي لم يصل لكرسي الرئاسة في الزمالك من يستحقه فعلا الا محمد عامر وكان رجل مؤدب جدا ومرسي عطا الله وكان معين
اما مشجعي 2005 زي ما بنسميهم فميشهم ورا حسام وابراهيم حسن هيخرب النادي اكتر لانهم اللى بيحركهم مش حبهم للزمالك ولكن كرههم للاهلى وشايفين ان هم اللى عملوا كل حاجة في الكرة ولولاهم لم يكن هناك كرة في مصر وهم السبب الحقيقي لتوريط الزمالك في ازمة جدو من البداية
خالد سعد يا باشااقتباس:
المشاركة الأصلية كتبت بواسطة أشرف العدوي
وفيه الواد البرازيلي اللى هرب بعد قلم جمال حمزة
وفيه واحد تانى ابرازيلي اسمه اديسون خد حكم من الفيفا امبارح بتعويض 200 الف دولار من الزمالك علشان عمل معها عقد وبعدين مشوه قبل بداية الموسم
هو ليه لما يبقى في منظومة بتشتغل صح - وتكسب يبقى ده دليل ان المنظومة دي بتسرق ولا مسنودة ولا أي حاجة
لما الزمالك يقول انهم انسحبوا علشان مجموعة من الاداريين والاعضاء مايدخلوش السجن - ده دليل تزوير - لما واحد ولا ناس تطلع تقول أصل رئيس النيابة أهلاوي وكان عضو في مجلس ادارة الأهلي - ده يبقى هبل وناس مش عايزة تعترف بأخطاءها الي وصلت لحد الجريمة والسجن
بلاش والنبي كلام ومقارنة على الفارق بين الأهلي والوطني علشان الأهلي كتير أوي لما يبقى عامل كل حاجة صح - وبسبب شغل البيزنس والمصالح في اتحاد الكورة بيفقد حقه - وأعتقد موضوع حسني عبدربه والحضري أبلغ دليل على كده - فبلاش الكلام الخايب ده
كفاية ان اتحاد الكورة عمل عقوبة خيالية على جدو - مليون جنيه - رغم ان حالات مشابهة كتير منها أحمد عمران تقريبا الي مضى لثلاث أندية ومكملتش عقوبته 100 ألف ولا مش فاكر كام
كفاية ان اتحاد الكورة ألزم جدو بارجاع مبلغ ايصال الأمانة المزور للزمالك - الي لم يصمد في النيابة لجلستين تلاتة استماع وكانوا هايتسجنوا فيه - مقارنة بين نادي عظيم - تاريخه بيشهد حالات متكررة على أهمية الاخلاق والقيم - ونادي تاريخه بيشهد بحالات تزوير متكررة آخرها موضوع هاني سعيد وجدو ليس آخرهم - بس مع جدو زودوها شوية - فكانت هاتقلب معاهم بفضيحة - وكل 100 سنة وهم طيبين
مبقاش في حاجة اسمها القيم و المباديء الكلمتين دول الايام دي بقوا عاملين زي القناعه كنز لا يفني شعارات و بس
يعني لا الاهلي و لا الزمالك و لا جدو و لا غيرة عندهم قيم و لا مباديء الفرق الوحيد هي الرغبه في خدمه الفريق و الرغبه في الشو الاعلامي و حب الظهور
99% من المسئولين في نادي الزمالك لما بيشوف ميكروفون و لا كاميرا برنامج و لا بيجيلوا اتصال علي الموبيل مش بيقدر يمسك نفسة و بيبقي عامل زي العيال و بيقول كل المعلومات اللي عنده و بيحكي كل حاجة (( خشوا علي اي موقع رياضة و شوفوا ابراهيم حسن ليه كام تصريح كل يوم لدرجه اني مش عارف هو بيشتغل او بياكل او بينام امتي من كتر التصاريح اللي معظمها فشنك او غلط او هجوم علي الاهلي ))
لو مسئولين و جماهير نادي الزمالك بيحبوا الزمالك زي ما بيكرهوا الاهلي كان الزمالك هيبقي ليه شأن تاني خالص -- لكن مصر دلوقتي جمهورها بقي منقسم اتنين جمهور محبي النادي الاهلي و جمهور كارهي النادي الاهلي
يا عالم جدو اخطأ خطأ كبير اوي لانه وقع لنادي و هو متعاقد مع نادي تاني و اخطأ اكتر انه وقع مع حسام و ابراهيم علي وعد منهم ان التوقيع كأن لم يكن لو الاتحاد اتمسك بيه لانه ميعرفشي حسام و ابراهيم بيكرهوا الاهلي اد ايه (( علي فكرة دة دليل انهم بيعشقوا النادي الاهلي جدااااااا ))
و نادي الزمالك ارتكب غلطة كبيرة و فضيحه فعلا ان الناس دي كلها اللي المفروض انهم رموز لنادي الزمالك يرضوا علي نفسهم انهم يحطوا مبلغ في وصل امانه فاضي و يملوا الدتيا صريخ و زعيق و اهات علي الظلم اللي وقع عليهم
الاهلي بيعرف يستغل ثغرات اتحاد الكورة اللي هي كتير جدااااا و بيدرس الموضوع من كل جوانبه و بعدين بيخش فيه لكن مسئولي نادي الزمالك بيبصوا تحت رجليهم و بس يعني محدش منهم كلف خاطرة انه يدرس الموضوع كويس قبل ما كل الناس دي تيجي المؤتمر الصحفي العالمي لنادي الزمالك اللي تم فيه تقطيع جدو و بهدلته و سبه و قذفه و توعده بالويل و الثبور و عظائم الامور و في النهايه يتم التصالح لحمايه مسئولي نادي الزمالك من السجن
من بدايه الموسم الزمالك و حسام و ابراهيم عملوا كام مؤتمر صحفي علشان حاجات هايفه و النادي الاهلي عمل كام مؤتمر صحفي
لو جمهور و مجلس ادارة نادي الزمالك طنشوا النادي الاهلي و ركزوا مع نادي الزمالك و بس و سابوهم من الشماعات اعتقد حال نادي الزمالك هيختلف كتير اوي
اما بقي قصة نادي الاسماعيلي و لعيبه الاسماعيلي اللي عملوا النادي الاهلي و بطولاته فأنا ليا سؤال واحد
لو اي حد فينا جاله عرض شغل في شركه مستقرة بمرتب اكبر و مميزات اكتر و الشركه بتعمل مشاريع اكتر و يبقي عارف راسة من رجله و مستحقاته تتصرف في معادها و يوافق و يسيب الشركه اللي هو شغال فيها اللي كلها صراعات و خناقات و تأخير في المستحقات و عدم استقرار و كل مشاريعها صغيرة علي الاد يبقي دة ذنب مين ذنب الشركه الكبيرة و لا ذنب الموظف اللي اتنقل و لا ذنب الشركه اللي كلها صراعات جاوبوا السؤال دة و هتعرفوا ليه كل لعيبه الاسماعيلي اللي جم الاهلي جم من غير اي انجازات و خلال سنه و لا اتنين كل واحد فيهم بقت السيرة الذاتيه بتاعته شايله دوري و كأس و كأس افريقيا و كأس عالم للأنديه
مش ذنب الاهلي انه بيبحث عن مصلحته و مصلحته فقط مش ذنب الاهلي ان المسئولين بتوع الاسماعيلي و الزمالك اللي فيهم ناس معاهم فلوس اكتر من وكاله الاهرام نفسها (( ممدوح عباس - يحيي الكومي - نصر ابو الحسن ... الخ ))) بيبقي همهم الاساسي الشو الاعلامي يعني واحد من مجلس ادارة الاسماعيلي دفع الفلوس اللي كانت هتدفع في المعتصم سالم من جيبه لان انتخابات مجلس الشعب علي الابواب و واحد زي محمد عبد الوهاب اللي حسن حمدي خرجه من قايمته في الانتخابات الاخيرة و مع ذلك كان قاسم اساسي في معظم مفاوضات الاهلي الموسم دة
مش ذنب الاهلي ان واحد بحجم و موهبه حسني عبد ربه بيتعالج علي حسابه من الرباط الصليبي و بقي مثال لاي لاعب يفكر انه يسيب الاهلي و يفضل في فرقته يعني المسئولين بتوع الاسماعيلي هما اللي بيجبروا لعيبتهم علي التوقيع للأهلي لما بيشوفوا معاملتهم مع زمايلهم التانيين
سؤال تاني تفتكروا بعد مشكله جدو و تصرفات مسئولين الزمالك فيها ليه اللعيبه بترفض تروح الزمالك و بتوقع للاهلي حتي لو قعدوا احتياطي و هل تتوقعوا ان في لعيبه كويسة هترضي توقع للزمالك بعد كدة
كنت ناوى ادخل ارد على الاستاذ اللى بيقول ازاى واحد متعلم ومثقف يشجع الاهلى بس بسم الله ماشاء الله لقيت الاهلاويه قايمين بالواجب اخر حاجه , الاخ اللى بيقول ازاى واحد متعلم ومثقف يشجع الاهلى انا بقى بقوله ازاى واحد بيفهم ومش عاوز يجيلوا سكر وضغط و بله مغولى انو يشجع نادى الزمالك الا اذا كان مازوخى وغاوى يعذب نفسه ومافيش تعذيب احلى من كده .
اقتباس:
المشاركة الأصلية كتبت بواسطة أشرف العدوي
انا رديت عليك فوق بالازرق عشان الرد يبقى منظم.
اقتباس:
المشاركة الأصلية كتبت بواسطة أشرف العدوي
يا باشا ده الاهلى اللى بدع النصب و السرقه و التهليب و الفساد ودخول المال العام فى الجيوب و التوريث
حضرتك مش بتشوف غير اللى بيقوله الاهلى و ده اللى مخليك تقول كده
معلش راجع مين الكبار فى مجلس اداره الاهلى و شوف مين فيهم فى وكاله الاهرام للدعايه و الاعلان
حسن حمدى - الخطيب - حجازى
الله يكرمك بلاش تقول كده على الاهلى
يا سيدى الزمالك كخه و الاسمعيلى كختيى
بس لو دول نصابين - الاهلى شيخ منصر و الكبير بتاعهم
حضرتك الزمالك اللى خايب فى التزوير و مش راضيه تمشى معاه و الاهلى محتل التعلام ففضايحه سهل السكوت عليها و ماحدش يفتح بقه و الزمالك عصايا موسى اللى بتخلى الناس عماله تتكلم و ملهيه
وحد الله و بلاش حكايه نادى المبادئ ديه
الاخ hh رد كويساقتباس:
نادي ترك ( حسام و إبراهيم حسن في اوج مجدهم )
بس بجد مش قادر اصدق ان فيه حد يقول ان الاهلى ساب ابراهيم و حسام
ديه معروفه الاهلى اعد يضايق حسام عشان يجددوا لحسام بس و يمشوا ابراهيم و هو اتمسك بموقفه! و هو اللى اصر ان لسه قدامهم تاريخ يقدموه و فعلا كانوا صح
الكلام ده مش سر و كلنا عاصرناه!!! و مش تاريخ قديم
و موضوع الحضرى ده لوحده كسب الاهلى كتير جدا و الاهلى بتعنته هو اللى وصله لكده و فى سلوك انتقامى بهدله و مش اتنازل ولا حاجه ولولا المحاميين الشطار كان ممكن مايلعبش فى بطوله افريقيا
و ايه المشكلة هو لازم الزمالك يعلق غلطاته على غيره !!اقتباس:
المشاركة الأصلية كتبت بواسطة hh
لو فيه دليل يا ريت حضرتك تقدمه مافيش يبقى بلاش افتراءات و خلاص
حضرتك الزمالك مزور بإعتراف إدارة الزمالك وليد بدراقتباس:
المشاركة الأصلية كتبت بواسطة hh
أمال ايه اللى خلى الزمالك يجرى على التصالح و عباس يدفع من جيبه و يخلى جماهير الزمالك شايطه !!!
الزمالك مسئوليه هما اللى كانوا حيتسجنوا و دا معروف للجميعاقتباس:
المشاركة الأصلية كتبت بواسطة hh
واضح ان حضرتك مش عارفه حاجة عن اللى حصل !!!
حضرتك ماقراتش المقال كويساقتباس:
المشاركة الأصلية كتبت بواسطة human12
وليد بدر ادارى الزمالك اعترف ان جدو مضى على ورق ابيض مش ايصالات و عقود
يعنى الزمالك زور :)
و هو المفروض المثقف و متعلم يشجع نادى مزور و متخبط !!اقتباس:
المشاركة الأصلية كتبت بواسطة skybird
و هو المحترم يزور و يعاند و يكابر لحد ما يتفضح برده !!
أظن واضح قوى ان عكس كلامك هو الصحيح
يعنى ماسمعتش عن اى حد زملكاوى اتكلم عن موضوع شيكابلا اللى وقع برضه لناديين و الزمالك بيجرى وراه لحد دلوقتى !!
لكثرة التجاوزات و عدم الإيمان بقيمة المحتوى
تم غلق الموضوع
مشرف عام .2