والله بهزر
طبعا يا طناني انت غني عن التعريف وان شاء الله ربنا هيكرمك علشان ان تستاهل والله
وكفاية مساعدتك لينا وللعصابة ولكل زوار القسم
ربنا يجازيك كل خير يا باشا ويهديك للاختيار الصواب ان شاء الله
عرض للطباعة
شوف ايه هيا العيوب بتاعت مراكز الصيانه اللى موجوده حاليا وحاول تصلحها بحيث تديك ميزه عن انك مش معتمد من التوكيل
شكرا يا ياعم وليد
هيبقى تناوب و زى ما فادى قلكك لازم تتفرغ ليه تماما و لو حد معرفة جايلك هتضطر تتابع العربية بنفسك خطوة بخطوة حتى بعد ال6 شهور
الفكرة فى إيه إنه مش جاى لمكز الصيانة دا جاى لمحمد الطنانى
أصل انا سألتلك على الموضوع دا واحد معرفة فاتح مغسلة و قالى الكلمتين دول و كمان الميكانيكى الى جمبنا
حتى الميكانيكى الى جمبنا عربيتى تتعمل جمب الورشة عشان يبقى باصص عليها مع إنها ممكن تتصلح فى مكانها سير الكاتينة هو الى مركبه بنفسه
مع إنه فاتح بقاله أكتر من 20 سنة و الى شغالين عنده أسطوات يفتحوا ورش
أكبر مشكلة انك تلاقي صنايعي كويس أمين و يستمر معاك
و عشان يستمر معاك لازم يكون ليه عقد و تعيين و ةامينات و تأمين صحي و دول أهم سلاح في ايدك تمسك بيه الصنايعية و العمال
كمان هتحتاج انك تكون ورشة متكاملة يعني على الأقل ميكانيكي و سمكري و كهربائي و ردياتير و عفشة و ممكن بعد كده لو عندك مكان تزود فرن دوكو ...
أو تعمل محل قطع غيار و كاوتش و بطاريات ....
طبعا انت محتاج مكان عشان الزباين تقعد فيه و يكون مكيف و فيه بوفيه و يفضل انك تدي خدمة نت مجانية كدعاية للورشة و عشان التأخير مش مزعج للناس ما انت هتخليهم يسرحوا مع المنتدى و انت شغال براحتك ... كمان مهم تكون الاستراحة دي بتطل على مكان الشغل في العربيات ..
طبعا لو معاك رأس مال مناسب من الأول تجيب محاسب و مهندس سيارات حديث التخرج و دول هيريحوك جدا في التعامل المالي و الفني مع العمالة و مع الزباين و هيدي المركز بريستيج عالي بفلوس قليلة ..
طبعا احنا كده بنتكلم عن مركز صيانة بمساحة مش أقل من 300 متر عشان تقدر تشتغل في 4 أو 5 عربيات في وقت واحد و دي حاجة هتحصل بعد 6 الى 9 شهور لكن مهم تعمل حسابها من الأول...
الله ينور عليكم
و للعلم يا باشا هو ده التفكير اللى فى دماغى تقريباً
ممكن كمان تجيب ونش و يكون خدمة مجانية لزبائن المركز و مدفوعة لو مش عايز يصلح عندك ..
و ممكن تعمل ملف لكل عربية و ده هيساعدك في الصيانة و هيساعد صاحب العربية في بيعها لأن هيكون ليها تاريخ
كمان ممكن تزود مركز زيوت و شحوم
حاضر بعد الفطار اكلمك ان شاء الله
بسم الله
انا استنيت شويه علي الرد لحد ما اشوف اراء اخوانا في المنتدي ايه في الفكره بتاعت مركز الصيانه دا
كل الكلام يا جماعه اللي بتقولوه جميل و محدش يقدر يقول حاجه عليه بس ليا كام سؤال للاخ الي بيقول مكان الناس تستريح فيه و يكون مكيف و نت مجاني و عامل بوفيه و الكلام دا
كل دا جميل بس مكلف و غير انه مكلف حتي لو فلوسه موجوده فهيخوف الزبون منك لانه هيحس انك غالي حتي لو انت مش غالي هيقولك بقي هيبقي عامل كل دا باسعار ميكانيكي عادي !!
تاني سؤال انت عمرك رحت عند ميكانيكي و لقيت الكلام دا ... انت بيبقي همك الاول و الاخير تطلع بعربيتك سليمه من العطل اللي انت رايح بيه مش انك تقعد في تكييف مش كدا و الا ايه ؟
طناني انا شغال في دراسه الجدوي الموضوع مش عايز اكتر من متابعه مستمره علشان ينجح و دا هيبقي بيني و بينك علي حسب شغلنا يعني اللي هيبقي متفرغ هوا اللي هيكون في المركز و كلمت كذا حد امبارح من معارفي في السوق بتوع قطع الغيار و فتحت معاهم موضوع اننا ناخد منهم قطع الغيار باسعار كويسه و علي راسهم محمد سوسو لان الراجل دا بعزه و عنده ضمير من معاملتي معاه ..
بالنسبه للمكان انا بدور و لقيت كذا مكان ممكن ينفع لكدا بس لسه مسالتش علي الاسعار و هيا عباره عن قطه ارض زي ما كنا بنقول انا و انت و هنأجرها و في منهم مهمولها سور و منهم من غير سور و منهم سور بسقف و حاجات كتير و كلهم عند الدائري و متهيالي زي ما قلتلك الدائري هيبقي اقرب حاجه لكل الناس ....
دعواتكم يا شباب و ان شاء الله نقدر نفيد اصحابنا و اخواتنا في المنتدي