هو المفروض ازود مياة الردتير في القربة ولا في الرداتير نفسة ؟ وما هي طريقة عمل القربة فهي في نفس مستوي الرداتير فكيف تنتقل المياة منها الي الرداتير في حالة نقصها ؟ وشكرا
عرض للطباعة
هو المفروض ازود مياة الردتير في القربة ولا في الرداتير نفسة ؟ وما هي طريقة عمل القربة فهي في نفس مستوي الرداتير فكيف تنتقل المياة منها الي الرداتير في حالة نقصها ؟ وشكرا
تزود ف القربة والردياتير بياخد منها
هى عربية ايه اساسا؟؟
اعتقد ان القربة فى انظمة التبريد القديمة كانت عبارة عن "خزان تمدد" و مش شرط ان القربة فيها ميه يبقى الرادياتير مليان و اعتقد من الافضل متابعة مستوى الميه فى الاتنين
انا مش متاكد اوى لان عربيتى شغالة بنظام مختلف
MMamdouh
يبقا هنا الاقربة خزان تمدد و لازم تراجع على الرادياتير برضة
MMamdouh
لو غطاء الردياتير سليم يبقي زود في القربة
و إذا نقص الماء في الردياتير يتولد تفريغ (ضغط سالب) يسحب الماء من القربة
لو نظام التبريد مش محكم أو غطاء الردياتير مش محكم علي الردياتير يبقي تزود الإثنين القربة و الردياتير
طالما 128 و المياه بتنقص يبقى غير غطاء الردياتير هات نوع نضيف علشان تريح نفسك و يعيش شويه معاك و زود القربه و زود الردياتير كمان
هو المفروض ان لما الردياتير بينقص بيسحب من القربه لحد مستوى معين فى القربه تبدء المياه تنقص فى الردياتير و مش يسحب من القربه علشان كده تابع الاتنين و خصوصا فى الصيف
فيه نظام قديم عباره عن رادياتير وله فتحة تملا منها وعليها غطاء وقربه تعوض النقص في الرادياتير لمستوي معين وبعدها لازم تزود الاثنين . والنظام ده مفيهوش خوف وتزويد الميه مفيهوش مشكله .
وفي العربيات الجديده من التسعينات تقريبا رادياتير بدون غطاء والتزويد يتم من القربه وبيبقي السيستم مغلق . اذا نقصت الميه من القربه الي حد معين السيستم بياخد هواء وفي هذه الحاله اذا زودت ميه في القربه الهواء اللي دخل السيستم يمنع التزويد ويتهيألك ان الرادياتير اتملي وهنا الخطوره لان الميه لاذالت ناقصه . في هذه الحاله هناك جزره او سداده في الرادياتير عليك انك تفتتحها وتملي ميه في القربه ويطلع الهوا من فتحة الجزره او السداده الي ان يخرج منها الميه وبذلك تضمن ان الرادياتير اتملي وكل الهوا طلع من السيستم .
غطاء القربه في هذه الحاله لازم يكون من نوعيه جيده علشان ميسربش ومتنقصش الميه .
والموضوع ده اذا مفهمتوش كويس ممكن يتسبب في وش سلندر .
وربنا يسترها معانا
اشكرك بيرانا على شرح الاساتذه ... اهو كده الاضافه المفيده و الا فلا
ربنا يكرمك