السلام عليكم ورحمة الله وبركاته ممكن كل واحد مننا يكتب عن اول مرة عطلت عربيته بعد ما اشتراها وهل عربيته تعبته ولا لأ ومعدل ذهابه للميكانيكي شهريا
السلام عليكم ورحمة الله وبركاته ممكن كل واحد مننا يكتب عن اول مرة عطلت عربيته بعد ما اشتراها وهل عربيته تعبته ولا لأ ومعدل ذهابه للميكانيكي شهريا
بص انا معايا 128 بسم الله ماشاء الله كويسه اول مرة رحت للميكانيكي كان علشان اغير بوجيهات وبعدها كنت بروح مره كل شهرين اطمن عليها ومفيش غير مرة واحدة بس كانت بتقطع وفي الوقت ده غيرنا الرداخ وفلتر البنزين غير كده صيانة فقط ,
اعتقد حتي لو العربية قديمة واهتميت بها هتبقي كويسة معاك
اولا لو اشتريت عربية مستعملة وحالته كويسه جدا وانت لسه جديد فى السواقة هتبقى زبون لدى الميكانيكيا وورش السمكرة
ثانيا لو اشتريت سيارة مستعملة وحالتها جيدة وغير مهتم بصيانتها هتبقى زبون لدى الميكانيكيا برضه
ثالثا لو اشتريت سيارة مستعملة وحالتها جيدة وكنت فاهم باساسيات الصيانة الاوليه وايد فى العربية اول باول هترحم نفسك بنسبه 50 فى المائه من الميكانيكا
نصيحة لكل مستعمل سيارة مستعملة
حاول تعرف اساسيات صيانه السيارات البسيطة وتعرف العيوب التى تقدر تعملها بنفسك وان تهتم بالاتى
1- كن حذرا فى سواقتك وحاول بقدر الامكان تتلافى المطبات وتمشى عليها بهدوء للحفاظ على عفشه سيارتك
2- كن حذرا ومنبها لمؤشر الحراراة الزيادة تؤثر على السيارة وان لا ترفع غطاء الريداتير والا ومعك فوطه مبتله خوفا عليك من المياه المندفعه من الريداتير وان لا تضع مياه باردة وانت مبطل السيارة حتى لا تخسر وش سلندر
3- عند سخونه الريداتير انتبه واعرف سبب السخونه ممكن يكون فيوز المروحه باظ او ممكن يكون الترمستات ملح ولا يشغل المروحه او ممكن يكون الريداتير مسدود ولا تتم دورة المياه كاملة من الريداتير والقربه والماتور فى هذه الحاله ممكن تملا القربه مياه وتضع فمك على فوهه القربه وتنفخ لضغط المياه من القربه الى الريداتير ثم الماتور لان الموقف ده حصل معايا
4- حاول ان تكون معك عده صيانه كاملا لاستخدامها عند الضرورة
5 - حاول ان يكون معك فلتر بنزين وفلتر هواء وفلتر زيت وزيت فرامل وسلك دبرياج اضافى لاستخدامه وقت اللزوم لان كل واحد عمل معى موقف بايخ اثمانهم كلام فارغ لكن عند حدوث موقف وممعكش قطعه منهم ممكن ثمن القطعه فى ذلك الوقت يكون بثمن جميعهم
6- حاول تطمئن دائما على فرده الاستبن
7- حاول دائما ان يكون معك فيوز اضافيه لتلافى فيوز ضارب
8 - لا ترمى قطعه الغيار القديمه مهما كانت حالتها الكل سوف يقول لى لماذا وانت معك احتياطى هقول لحضراتكم كلنا بقول للميكانيكى شيك ولو شىء عايز يتغير غيرة صح وبيكون شغال هذه القطع ممكن تستفيد بيها انت لو مكنتش ضمن القطع التى معك وممكن تكون معك وتجد شخص على الطريق واقف على قطعه مستعملة من التى معك تعطيها له حتى يكمل مسيرته والوصل الى اقرب ميكانيكى يركبله واحده غيرها على فكرة حصلت معايا كتير
9 - اهتم ان يكون معك 2 جركن واحد مياه دائما سعه 5 لتر وواحد بنزين سعه 5 لتر لك ولغيرك على الطريق
10 - اهتم ان يكون معك وصله كهرباء لامدادك بشحن بطاريتك التى تقف مره واحده لان الذى تريد ان يساعدك فى اقامه ودوراة سيارتك من سيارته معندوش استعداد يقف ويفك بطاريته ويضعها فى سيارتك ثم دور وبعدها تفك بطاريته لنقلها فى سيارته
11 - اهتم ان يكون معك غطاء لسيارتك لحماية دهان سيارتك والتابلوة من حرارة الشمس اذا كنت بتركنها فى اماكن معرضه للشمس
12 - يجب التشيك على اطارات سيارتك والوقوف على متانه المسامير جيدا وضغط الاطارات ايضا قبل الانطلاق بسيارتك صباحا
13 - يجب وضع مشمع جيد غير مثقوب بالخروم حتى يتلافى اى مياه توثر على شنطه السيارة ويبعدها عن الصدا
واخيرا
اوعى تفتكر نفسك بيقت سائق ماهر او ان سيارتك بسم الله ماشاء الله ولا تغتر بنفسك علشان الحوادث لانى خيل لى فى يوم من الايام هذه الثقه وكانت الطامه الكبى وعملت حادثه لكن الله سلم
اقسم لكم بالله العظيم عندما حسيت بالثقه الزايدة بان سيارتى فايقة قوى حسيت كأن ابليس عليه لعنه الله جالس بجوارى لا بل بجانب اذنى يوعز فى اجرى اسبق الذى امامك انت تمام وسيارتك تمام المفروض كنت اركن حتى يبعد عنى لكن للاسف مشيت وراء كلامه وكانت الحادثه التى لا ارجوها لكم
هذا كل شىء افتكرة لان كل بند من هذه البنود له معى قصه ولولا الوقت لكنت قصيته عليكم
مع تحياتى لاحبائى اعضاء المنتدى الكرام
ورمضان كريم لجميع المسلمين
وكل عام وانتم بخير
الحمد لله العربية داخلة فى سنة و نص و معملتش معايا اى حاجة لانى مش بستنى عليها وكل ما يكون معايا فلوس زيادة بعمل فيها حاجة حتى لو مش محتاجة
لو اتكلمت عن القيورا بص لو قطعة الغيار الى بتشترها صناعة كويسة زى زمان ممكن تروح للميكانيكى كل 5 شهور كدة الفكرة نوع العربية اية و بقالها كام سنة شغالة و حالتها العامة اية
انا كنت بغلط غلطتين مهمين جدا وكلفونى كتير
الاولى لازم تكون متاكد جدا من اى صنايعى بتروحله بحيث على الاقل 3 صحابك يجمعوا على واحد وبرضه تكون فاهم هوا هايعمل ايه لان فعلا 80% من الصنايعية ياما يشتغلك ياما مش فاهم ياما بيكسل وبجد على قد ماهتتعب عشان تلاقى صنايعى كويس حتى لو غالى بس بترتاح
الحاجة التانية فى العفشة والميكانيكا اوعى نظام مشى حالك لا ركب الاصلى وعلى اصوله ترتاح فى الاخر
انا العربية كلفتنى اكتر من 3000 جنيه على الفاضى ولسه زى ماهيا بس بجد لما بدات اروح لصنايعية كويسين ومتخصصين ممكن اعمل حاجة ب 10 جنيه وتفرق معايا بجد فى ادائها وادعولى ربنا يوفقنى واظبطها ان شاء الله
كان في مثل قديم بيقول اختار الجار قبل الدار
لا دلوقتي قبل معزلت اختارت الميكانيكي وكمان بنزينة فيها بنزين 80
وبعدها اطمنت وعزلت
اما بقي كام مرة
فانا ممكن تسألني بتاخديها من عند الميكانيكي كام مرة مش بتوديهاله كام مرة
على فكرة بجد و الله سبب ان ال 127 و ال 128 بتعطل كتير قطع الغيار المضروبة الى بتتباع و جديدة و على اساس انها ايطالى و هى فى الحقيقة مش كدة لكن لو ركبت قطعة الغيار الايطالى بجد بتعيش يا جماعة و الله بتعيش بس دة دلوقتى مش موجود يعنى مين عارف فيكم ماركة أوكاب بتاعت المقصات دول الاصلى الحقيقى مش المضروب كنت بحطهم فى ال سوبر فيورا بيبوظو بعد سنتسن بس انا كنت بضرب غرزة فى كل تحويدة للدريكسيون متخيلين دول عاشو قد اية لو الاستعمال العادى
مممممممممممم
عندك حق
بس بيكون في فرق جامد في الاسعار دا غير انها مش متاحة فاي مكان لان الاقبال خصوصا فلموديلات القديمة بيكون علي قطع الغيار المضروبة دي
حا أقول لحضرتك انا معايا سوبر فيورا من سنة 90 لحد النهاردة ما بعتهاش عشرة جامدة و بجد و الله لو لقيت قطعة غيار أصلية بجد بجيبها عارفة لية لان دة أوفر تقولى لى ازاى اقولك مثلا القطعة المضروبة النص نص ب 100 جنية مثلا و دفعتى مصنعية تركيب 30 جنية مثلا يبقى الاجمالى 130 باظت بعد 6 شهور لكن لو جبت قطعة أصلية ب 150 جنيى و تركيب 30 جنية الاجمالى 180جنية بس عاشت سنة و نص مثلا يبقى انهى احسن دة غير انى مش ممكن ابدا اشترى بلى عجل و مقصات صينى العمر مش بعزقة هههههههههههههه لآ لآ بجد العمر مش بعزقة ههههههه
ميكانيكي - كهربائي - كاوتش >> اسبوعيا بالتناوب
+ عفشجياقتباس:
ميكانيكي - كهربائي - كاوتش >> اسبوعيا بالتناوب
علشان تشتري دماغك أولا العربيه اللي تشتريها تكون حالتها كويسه وثانيا لازم تظبط فيها كل حاجه علشان تقدر تعتمد عليها و متتعبكش وكل شويه حاجه تعطل وتبقي ماشيه متلصمه تكرهك في نفسك وفي اليوم اللي شوفتها فيه
وبرضو متستناش لما حاجه تعطل يعني لو لاقيت أي حاجه مش طبيعيه لازم تعرف سببها ولو حاجه أساسيه يبقي تعملها قبل ما تتعطل بشكل كامل ، أي حاجه حتي لو صوت مش عارف مصدره لازم تشوفه
كده بنسبه كبيره جدا هتريح نفسك وتتجنب المواقف السخيفه والأعطال المفاجئه ، وطبعا نقطه قطع الغيار الأصليه غايه في الأهميه مهما كان فرق السعر بالنسبه للحاجات الأساسيه لأن الأصلي هيقعد معاك فتره أطول بكتير ولو حسبتها هيبقي أرخص وأوفر وأريح من الأعطال وتضييع الوقت وقرف الميكانيكيه
بروح للميكانيكي كل قد ايه مش فاكر بصراحه لأن الحاجات البسيطه مش محتاجه ميكانيكي والأعطال قليله ما شاء لله وأحيانا بيعدي شهور من غير ماشوفه
بس اتعلم الأساسيات علشان مش كل ما يحصل حاجه تضطر تروح للميكانيكي (تنظيف بوجيهات - تغيير ابلاتين وكوندينسر وظبط الأبلاتين وظبط الكهربا ) دي أكتر حاجات ممكن تحصل وعلي فترات كبيره برضو لو قطع الغيار كويسه حتي الكاوتش لو كويس مش هتحتاج تظبطه غير كل 10 ايام او اسبوعين تقريبا وغالبا هيبقي مظبوط برضو لكن للأطمئنان
ياه يا جماعة اغيب شوية الاقي كل الحبايب دول بيشركوا طب عندي فكرة ياريت كل حد يكتب نوع عربيته والموديل عشان الاستفادة تبقي اعم بحيث نعرف الانواع اللي ف الاغلب فيها اكتر المشاكل .........ايه رأيكم؟
اقولكم على حاجة انتو عارفين الفيات القديم شوية لية انت عامل تعاقد مع الميكانيكة و عامل عندة ابونية لان يا جماعة بجد ناس كتير جدا مش بتعمل صيانة للعربية الا لما حاجة تبوظ يصلحها و ممكن يفضل ماشى بيها بايظة كام شهر و بعدين يغيرها و طبعا الكلام دة لو فى الموتور او العفشة لما مدة المشى بتطول بشيى بايظ بيفسد شوية حاجات معاة بالمرة يعنى مثلا العربية بتصفر فى الملفات يقوم حد يقولك أة عادى الفيات كدة طبعا لآ النتيجة يفضل ماشى 4 شهور كدة و بعدين يقولك خا اروح أظبط زوايا النتيجة المقصات بقت شوربة و بالمرة لو كاوتش الكوبلن كان مقطوع ممكن جدا الكوبلن يبوظ و أخيرا الكاوتش أتاكل من جنب و جنب لآ عرفت بقى انت كدة خربت كام حاجة و المحصلة النهائية العربية وحشة و قديمة و بتقرفنى لآ انت الى أهملت و بتجنى ثمرة الاهمال و كلة فى النهاية من جيبك انت وصلت القصة و شكرا ليكم
فعلا حكاية الصيانة والوقاية خيرمن العلاج كتير بتغيب عننا
في المتوسط مره كل سنة لكل عربية
بس بتكون هيه المره تظبيط من كله و بميزانية مفتوحة لكل الصنايعية
لما احتاج اروح له يضبط حاجه
انا الحمد لله رب العالمين مارحتش للميكانيكي من 10 شهور لكن رايح الاسبوع الجاي علشان اغير سيور
بس الكهربائي بروح كتير لكن كلها مشاكل بسيطة الحمد لله
بالمناسبة العربيه كورولا 94 1600 سي سي
انا مغير ليها موتور
ايام الموتور القديم كان كل اسبوعين اروح لا العربية مخنوقه لا البنزين عامل مشاكل لكن مع الموتور الجديد الحمد لله انعدمت المشاكل
مع الصيانة الدورية البسيطة من قبل صاحب السيارة تحد من الذهاب الى الميكانيكى