عندي مشكلة في الافيو هتجنني

**joe_techno** · 28-08-2010 04:49 AM

يا جماعة انا عندي مشكلة في الافيو و واضح انها مظهرتش غير في عربيتي انا بس انا عربيتي 2009 و عامله 28000 الدركسيون في بوش مخلي العربية بعد 90 مهلبية دي تبقي علبة دركسيون ولا ايه؟ عشان انا سمعت ميت رأي و هل لو هي علبة دركسيون وروحت التوكيل هيرضوا يغيروها؟؟
مع العلم اني مروحتش التوكيل ده غير اول 5000 و مكررتهاش

**eng_sherif_00** · 28-08-2010 09:27 AM

لازم تروح التوكيل وهما هيحددو المشكلة ده افضل حل وطبعا لو حاجة برة العفشة هيغيروها ببلاش لكن لو فى العفشة هيقولولك العفشة ضمانها 20 الف كم وطبعا ما تسكتش على الكلام ده وبهدلهم وهى محاولة نفعت نفعت

**waelamin123** · 28-08-2010 09:53 AM

المشاركة الأصلية كتبت بواسطة joe_techno

يا جماعة انا عندي مشكلة في الافيو و واضح انها مظهرتش غير في عربيتي انا بس انا عربيتي 2009 و عامله 28000 الدركسيون في بوش مخلي العربية بعد 90 مهلبية دي تبقي علبة دركسيون ولا ايه؟ عشان انا سمعت ميت رأي و هل لو هي علبة دركسيون وروحت التوكيل هيرضوا يغيروها؟؟
مع العلم اني مروحتش التوكيل ده غير اول 5000 و مكررتهاش

واضح جدا انك اخدت مطب جامد وانتا ماشى ممكن تكون حاجة فكت من مكانها اللى متحكمة فى علبة الدريكسيون او تكون علبة الدركسيون نفسها فيها مشكلة روح احسن مركز اتو ماستر هناك ناس محترمين ومحدش هايكلمك على الصيانة اللى قبل كدة

**joe_techno** · 28-08-2010 09:26 PM

بجد يا جماعة العربية دي مقلب انا كنت ماشي النهاردة علي 130 علي الاوتوستراد كنت حاسس اني هتقلب ولا كأني راكب توك توك

**aymanmaly** · 29-08-2010 02:40 AM

اول حاجة
عدم عملك الصيانة الدورية كدة اديت فرصة للوكيل انة يخرج العربية برة الضمان
ثانى حاجة
ضمان العفشة 20000 و بعد كدة بتعتبر عمر افتراضى
ثالثا
انصحك انك تروح بريدجستون فرع عمارات العبور فى ش صلاح سالم يكشفولك على الكاوتش و العفشة و بعد ما يقولوا لك فية اية اعملة و بالمرة اكشف على الطنابير و تيل الفرامل و بعد كدة روح تانى بعد ما تخلص العفشة اعمل ترصيص و اضبط ضغط الهواء و ضبط زواية فى نفس الفرع تحديدا و بكدة يبقى انت ضبط الموضوع دة باذن الله
ولو عايز حد كويس يضبط موضوع العفشة ممكن اوفلك حد كويس بس فى مدينة نصر
و سهل على نفسك الامور و يارب تكون حاجة بسيط
ياريت بعد ما تخلص تطمنى على الاخبار

**fawzyyyy** · 29-08-2010 03:28 AM

بص لو المشكلة من علبة الدريكسيون ..............لازم الدريكسيون يتقل معاك في الحركة و يبقي فيه خبطة كده و انت بتلفه و انت واقف

لو مبيحصلش كده.....يبقي ممكن يكون زي ما استاذ ايمن قالك ترصيص عجل او عيب كاوتش او طنابير او او او......

**joe_techno** · 29-08-2010 08:16 PM

شكرا يا جماعة علي الردود بس انا فعلا عملت كل ده و العربية زي ما هي انا ظبت زوايا و رصصت و مفيش حاجة اتصلحت و من قريب اوي مغير تيل و مربط عفشة فاستحالة يكون العيب من الطنابير او العفشة انا حاسس اني العيب من الدركسيون لأني البوش واضح اوى بمعني اني بنسبة معينة ممكن احرك الدركسيون و العربية مبتتحركش و بتبان جدااااا مع السرعة العريية ببقي حاسس اني هتقلب انا مش عارف العيب ده بقي عيب ايه و خايف لتكون علبة دركسيون يقولولي مش هنغيرها عشان مبتعملش صيانة دورية في التوكيل و انا سألت علي علبة الدركسيون برة لقيتها بـ 1800 جنيه ربنا يستر بقي
و شكرا يا استاذ ايمن علي اهتمامك

**aymanmaly** · 30-08-2010 03:27 AM

المشاركة الأصلية كتبت بواسطة joe_techno

شكرا يا جماعة علي الردود بس انا فعلا عملت كل ده و العربية زي ما هي انا ظبت زوايا و رصصت و مفيش حاجة اتصلحت و من قريب اوي مغير تيل و مربط عفشة فاستحالة يكون العيب من الطنابير او العفشة انا حاسس اني العيب من الدركسيون لأني البوش واضح اوى بمعني اني بنسبة معينة ممكن احرك الدركسيون و العربية مبتتحركش و بتبان جدااااا مع السرعة العريية ببقي حاسس اني هتقلب انا مش عارف العيب ده بقي عيب ايه و خايف لتكون علبة دركسيون يقولولي مش هنغيرها عشان مبتعملش صيانة دورية في التوكيل و انا سألت علي علبة الدركسيون برة لقيتها بـ 1800 جنيه ربنا يستر بقي
و شكرا يا استاذ ايمن علي اهتمامك

العفو على اية احنا كلنا يهمنا ان المشكلة تتحل
طيب اية رأيك تروح لحد فنى يشوف اية الموضوع انا ارشحلك واحد فى مدينة نصر لو انت موافق ابعتلك عنوانة
انا بروح عندة لما يكون فية حاجة برة الضمان هو كان مهندس فى منصور و استقال و فتح مشروعة الخاص

**joe_techno** · 30-08-2010 10:30 PM

مش عارف انا بقول اجرب التوكيل الأول و اشوف هيقولوا ايه حتي لو مرضيوش يصلحوها هيقولولي العيب اللي فيها بعدها اروح عند اي حد كويس ممكن اللي انت بتقول عليه ده يا ايمن لو انت شايف انه كويس بس الأول اجرب اروح التوكيل

**aymanmaly** · 31-08-2010 01:44 AM

المشاركة الأصلية كتبت بواسطة joe_techno

مش عارف انا بقول اجرب التوكيل الأول و اشوف هيقولوا ايه حتي لو مرضيوش يصلحوها هيقولولي العيب اللي فيها بعدها اروح عند اي حد كويس ممكن اللي انت بتقول عليه ده يا ايمن لو انت شايف انه كويس بس الأول اجرب اروح التوكيل

مافيش مشكلة طبعا تفكيرك صح
و ابقى طمنى