النوبيرا التوماتيك استهلاكها عالى جداااااا فى البنزين... هل ده نتيجة خلل فيها ولا ايه الحكايه بالظبط
عرض للطباعة
النوبيرا التوماتيك استهلاكها عالى جداااااا فى البنزين... هل ده نتيجة خلل فيها ولا ايه الحكايه بالظبط
الاستهلاك بتاعك قد ايه؟؟
بتسوقى عادتا فى وسط البلد ولا على طريق سريع؟
بتجرى ولا لا؟
فى اوزان فى العربية ولا لا؟
MMamdouh
اهلا وسهلا يااستاذ ممدوح ...ازيك واخبارك ايه ...ميرسى جدا على الرد
الحقيقه انا استهلكت حوالى 40-45 لتر فى 250 كم ...لا مش بشمى على الطريق السريع كله وسط البلد وزحام جدا وانت عارف الشوارع المصريه مطبات وحفر وخلافه؟؟؟ انا كان لى سؤال تانى انى مارحتش اى صيانه لحد دلوقتى والعربيه معايا من ست شهور ويدوب لسه هتكمل 300 كم اصلى بسافر بره ومش بخرج بيها كتير...المفروض اعمل ايه ؟؟؟؟؟؟؟؟؟ اروح الصيانه ولسه ماكملتش 1000كم ولا ايه؟؟؟؟ولو رحت هيعملوا ايه هيغيروا الزيت ولا ايه؟؟؟؟؟؟
نسيت اقولك مافيش اوزان عليها ولا حاجه ....وبرده لاحظت ان مفتاح الكونتاكت ساعات بيزرجن لما بقوم العربيه ( بس مش كتير حصلت الحكايه دى مرتين تقريبا)
هو كدة الاستهلاك كتير بس برضة دة مش مقياس لان العربية مركونة كتير اوى و تعتبر مبتمشيش... لو على كلامك دة يبقى انتى فولتى العربية مرة واحدة مثلا فى الست شهور دول و عملتى 300 كم... صح؟
مقدرش اقول فيه حاجة غلط لان طبيعة استخدام العربية مختلفة خالص عن الظروف اللى الواحد ممكن يحكم بيها على الاستهلاك... دى عايزة مرة تفولى التنك و تمشى مشوار على طريق مفتوح زى الدائرى و تعملى بتاع 100 كيلو ولا حاجة و بعدين تفولى تانى و تقسمى الكيلومترات على البنزين اللى مونتية فى المرة التانية عشان تعرفى الاستهلاك الصح
فى الصيانة الاولى بتبقى على الف كيلو... ممكن تروحى دلوقتى التوكيل و تقوليلهم انك مستلمة العربية من 6 شهور و تشوفى لو ممكن صيانة الالف تتعمل دلوقتى... هى اصلا مش صيانة صيانة لكن بتبقى مراجعة شاملة على العربية و لو ليكى ملاحظات زىموضوع المفتاح دة بلغيهم بية
لما عملت صيانة الالف فى عربية والدى مغيروش الزيت لانة كان موبيل 1... مش عارف لسة بيعملوا كدة ولا بيغيروا الزيت فى الالف
MMamdouh