الحقيقه كلام جميل جدا وربنا يبارك في حضرتك...
احييك عالموضوع وبانتظار امثاله ان شاء الله
تحياتي
الحقيقه كلام جميل جدا وربنا يبارك في حضرتك...
احييك عالموضوع وبانتظار امثاله ان شاء الله
تحياتي
شكرا على النصائح يامان
السلام عليكم ورحمه الله وبركاته
استكمالا لموضوعنا السابق نتمنا ان ننصح بعضنا البعض لنتعلم من اخطائنا
وانشاء سوف اسرد خطا وقعت فيه واتمنى ان لا تقعوا فيه وسوف نتابع اخطائنا وكيفيه تلافى تلك الاخطاء التى توقعنا فى مشاكل كثيرة
حاول ان تكون الاشياء التى على التابلوه الخاص بسيارتك قليله جدا حتى لا تقع فى الخطا الذى وقعت به مع سيارتى القديمة
كنت واضع ظرف ورق على التابلوة وقع على ارض السيارة وانا ماشى وطيت اجيبه بس فقط
وقت احضار الظرف لا يتعدى ثوانى لكن مع قياده السيارات ثوانى الغفلة تأتى بما لا يحمد عقباه
النتيجه السيارة خبط فى الرصيف - والرصيف كان عالى حبتين امشى ياسيارة لا نزلت بصيت اجد شداد العجلة اليمين اتكسر والركبه محتاجه فكت ومحتاجه لحام وخلافه
علشان كده انصح نفسى اولا وانصحكم ثانيا حاولوا الا تضعوا شيئا يقع ويلفت انتباهكم ويلهيكم ولو ثوانى عن الطريق
فى رعايه الله
وانتظرونى وسوف انتظركم لنتبادل النصائح المفيده التى نتعلمها من اخطائنا
لا تفقد الوقود اهتم بالاشياء الاتية
لا تضغط بنزين اكثر من اللازم فى سرعه اقل من ضخ البنزين
اضبط كهربه سيارتك حتى لا يضيع هباء
شيك على ضغط الاطارات
اختر الاوقات المناسبه لنزولك وسط البلد حتى لا يضيع وقد سيارتك فى الوقوف فى الاشارات والزحمه
جميل جدا الموضوع
ربنا يبارك فيك
من ضمن النصائح برده دايما حاول تعمل مسافة بينك وبين اللي قدامك وحاول تتنبأ بحالة العربية اللي قدامك من حيث الوقوف او الاتجاه
الصبح النهردة كنت ماشي وعربية قدامي وكان بيني وبينها مسافة كافية وهو بدأ يهدي انا قلت جايز حاجة عابرة فهديت بس مش جامد
لقيته هدا جامد فكنت هلبس فيه يا دوب بفاديه من على اليمين خبطت اكصدامه اكصدامه اتكسر
انا عربيتي سليمة الحمد لله بس لو انا كنت انتبهت وهديت شوية محترمين مكنش دا حصل
فعلا في التأني السلامة
وربنا يحمي الجميع يارب
افضل شىء انك تمشى واللى امامك بينك وبينه مسافه 15 متر
بالنسبه لى هى ده المسافه اللى بجعلها بينى وبين اللى قدامى لانى معرفش هو ممكن يحصل ايه امامه ويضظر يفرمل فجاه اقدر انا الم نفسى فى تلك المسافة
واكره اللى بيكون ماشى ورايا لازق فيا بيكرهنى فى حياتى
اظرف موقف لواحد كان لا زق ورايا المهم اكلت مطب حلو وبالطبع هو كمان اكله لقيته راح باعد عنى
اكيد قال لحاله اكيد ده غشيم ويللى يمشى وراه هينوبه من الحب جانب
بارك الله فيك
موضوع ممتاز جزاك الله خير
ألف شكر استاذamro1965 جزاك الله خيرا وجعله في ميزان حسناتك
ايه ده انا قلقت كده
انا لسه م اشترتشي عربيه
وشكلي كده هشتري اتنين
واحده اركبها
والتانيه افككها واستخدمها قطع غيار
شكرا أستاذي علي الموضوع اللي اربكني وخوفني
بس ميهمكش
اخرها دواء للمغص
ههههههههههههه