الموضوع: مالك يامصر؟؟؟

المشاركة الأصلية كتبت بواسطة human12

مصر مرفوعه من الخدمه
حاول الاتصال ببلد اخر

هى فعلا مرفوعة
بس مش من الخدمة بس
هى مرفوعة من كل حاجة تصلح للمعيشة الادمية

عايزك تبص كل يوم على الصحف،قومية و غير قومية و حاتشوف العجب العجاب
الصحف القومية بتسجد و تركع للكام واحد اياهم اللى من ساعة ما الواحد اتولد و هما هما الله يلعنهم فى كل كتاب

و الصحف التانية شغالة على الفضايح الكوميدية للحكومة

ببساطة احنا فى المرحلة النهائية لعملية تخريب منظمة و ممنهجة و مدروسة و متعمدة

و ده مقطع منقول من جريدة المصرى اليوم بقلم دكتور طارق عباس

"المصيبة أن معظم شعوب العالم يساعدها من بيدهم أمرها على نفض الغبار عنها، بينما يُهال تراب الجهل والتخلف على الشعب المصرى حتى أصبح أكثر شعوب العالم مفعولاً به"

ما تيجو نبدا احنا من هنا ياشباب ونغير من نفسنا في موضوع ليه علاقة بالمنتدى
على الاقل بما اننا في منتدى سيارات( حتى عشان محدش يقول بقينا بنتكلم في الممنوع وقلبناها سياسه
وانا راجل دكتور مليش في السياسه دي من اساسو ولا بفهم فيها)

تيجو نخلي تعاملاتنا مع الله في السواقه يعني افضل من اللي هيا عليه في الوقت الراهن بمعنى

لما نبقى راكبين عربياتنا نقف للمشاه وخاصة كبار السن والسيدات نديهم فرصه لعبور الطريق لان الموضوع ده مش موجود في مصر خاااااااااااااااااالص

لما نيجي نركن نراعي حركة سير الشارع لاني والله بشوف شبااااااااب زي الفل وولاد وناس وشكلهم باين عليهم متعلمين مش جهله زي بعض سواقين الميكروباصات بلاقيهم واقفين وشاغلين جزء كبير من الشارع وبيبقى جنبهم اماكن فاضيه والله العظيم والحركه دي حدث ولا حرج كل يوم بشوفها بدل المرة الف او عد واغلط
ولا هيا عنتزة وفشخره يعني ولا ايه انا نفسي افهم؟؟؟

ما نمشيش بسرعه جوا المدن ونبطل شغل الهبل والرعونه ده لانو بصراجه اللي بيعمل كده انا ببص عليه وبشفق عليه جدا والله وبعتبرو اهبل ومحدث نعمه .وعلفكره محدش فينا معاه عربيه من اللي بنسمع عنهم معظم العربيات اللي في السوق المصري من بتاعت مشي حالك بس الشباب بقا عايش الدور حبتين على الفاضي عشان الجمرك اللي اد كده اللي اتدفع في العربيه اللي ماتستاهلش نصف ثمنها في الاساس.

في المواقف الزحمة والعثرات ندي فرصه لبعضنا ونبطل حركه الكبس على البنزين عشان محدش يدخل قدامنا وكده كده بيبقى الطريق وااااااااااااااقف والله

نستخدم الاشارات لتنبيه السيارات اللي جايه في اتجاه متقابل لسيارتنا او اللي ماشيين ورانا على الاقل هنريح بعضنا ومنها بردو بنحمي نفسنا .لان فيه ناس والله بتسوق وفاهمه ان الاشارات دي عشان اللي ورا وبسسس


وفيه حاجات كتير مش على بالي ياريت نتشارك فيها كلنا ونبدا بالتغيير في موضوع القياده لاني بصراحه بقيت اكره السواقه بسبب اللي بشوفو حتى في البيت استغربو مني كتير بسبب الموضوع ده



قال رسول الله صلى الله عليه وسلم: اعطو الطريق حقه