بسم الله الرحمن الرحيم
كل سنه وانتم طيبين
بقالي فترة كبيرة عاوز اكتب الموضوع ده بس كل ما اجي اكتبو اقول يمكن انا اللي لوحدي اللي شايف كده
قعدت فترة كبيرة اكبر من8 سنوات على الحال ده لحد ما تعبت نفسيا من الوضع الراهن
ولما قلت تعبت ....فعلا والله تعبت نفسيا
انا دكتور ممارس عام لسه في بداية حياتي
قضيت كل عمري برا مصر ولما كنت لسه برا مصر كنت بسمع عن مصر كلام حلو وزي الفل
بس بصراحه اول ما نزلت مصر لاقيت الوضع غير كده خالص.انا بتكلم على 8 سنين فاتووو واكيد كلامي زاد دلوقتي
المهم كان لازم اتاقلم مع الوضع بس بمرور الوقت بدات الاحظ كل حاجه فمصر متجهه نحو الاسوأ
وسنه عن سنه بلاحظ الفرق عمال بيزيد
افتكرت ان انا شخصيه متشائمه او يمكن مش شايف الدنيا كويسه
بدات اتكلم مع اهلي اللي عايشين هنا لاقيت انهم ولا في بالهم ولاو واخدين بالهم من اي حاجه وعايشين وخلاص وكلو على الله
هما اكيد عارفين كل حاجه بس زي ما تقول نفسيتهم خدت مناعه من الوضع لانهم عايشين فيه طول الوقت او يمكن عشان عينهم ما شافتش غير كده..وبرغم كل ده كنت بحمد ربنا على كل حاجه اديهالي لاني كنت قاعد في مكان كويس وكانت كل السبل ميسرة لي وكنت بحمد ربنا دايما ومكنتش ساخط على حياتي ولا على بلدي
بس مع الوقت لاقيت نفسي بدات اتعب وبدات اخد رأي اصحابي المتربيين هنا لاقيتهم بالظبط زي اهلي مش في دماغهم وعايشين حياتهم مية فل و الف شمعه منورة على راي عمرو اديب
بعد فترة اتعرفت على مجموعة شباب مصريين وعرب كانو معايا في كلية الطب.ولما قربنا من بعض بدات احكيلهم على اللي حاسس بيه عشان اشوف وجهة نظرهم لاقيتهم زيي بالظبط واكتررر كمان ..عرفت ساعتها اني مش تعبان ولا متشائم ولا حاجه من دول خالص
انا دلوقتي متخرج بقالي سنتين وبشتغل ممارس عام بصراحه بشوف حاجات بشعه لا يمكن حد يتصورها تحصل من دكتور.كل ده بلاقيه من الدكاتره الاكبر مني سنا سواء كانو شباب او اساتذه كبار طبعا مش بعممم كل كلامي فيه قلة ممن رحم ربي عندهم ضمير ومباديء
رجعت اقعد مع نفسي وابص في كل حاجه في البلد دي. اللي ربنا ذكرها في القران 5 مرات
لاقيت كل حاجه ماشيلة بالمقلوب الايام دي
بصراحه ياشباب انا عامل زي احمد حلمي في فيلم عسل اسود بالظبط
بس انا عاوز مصر تبقا كويسه لانها صعبانه عليا فعلا والله وعشان هيا بلدي اللي بنتمي ليها
قلت اجي اتكلم معاكم ايه اللي خلى مصر بقت كده..سالت ناس كبيرة في السن قالولي مصر كانت زمااااان يابني
وفيه دكتوركبير في السن قعدت معاه قعده طويلة قاعد يحكيلي ويحكيلي ع اللي كان في مصر ايام شبابو
لاقيت فعلا ان مش انا لوحدي اللي كده
ليه مصر فمجال التعليم بقت سيئة ومبقاش فيه تعليم في المدارس وكلو بياخد دروس خصوصيه برا والمدرس المربي للاجيال مهنة بدات تنقرض
ليه مصر في مجال الصحه بقت ورا وانا اكتر واحد اشيف الوضع غير اي حد منكم وموخرا سمعنا عن سرقات لقرارت علاج ع نفقة الدولة من اعضاء في مجلس الشعب وووووووووووو
ليه مصر في مجال الاعلام بقت مش كويسة والدليل على كلامي اللي حصل ايام ماتش الجزائر ومصر من فوضى اعلامية هدامة خلت الجزائر العدو اللدود لمصر اكترمن اسرائيل وفي الاخر وعلى مراى الجميع طلعنا احنا الغلطانين واحنا اللي اتعاقبناااااااا قدام العالم كلوو
ليه المخدرات طغت على شباب كتيييييييييير من شبابك يا مصر.بقالي 8 سنين ماسمعتش عن حملات توعية ضد المخدرات ابدااااااااااااااا غير في رمضان ده الاايام دي تحديدا قعدت اضحك والله وقلت لسه فاكريييييييين؟صحيح عمرو خالد عمل حملة من فترة بس كانت فين الحكومه والاعلام
ليه الفوضى بقت سمة من سماتك يامصر .تروح اي مكان او حتى في الشوارع تلاقي السمة السائده هيا الفوضى والعشوائية وبقا فيه مبدا عند الكل : القوي بدراعوو
ليه مصر في مجال النظافة بقت سيئة والزباله تلاقيها في اي مكان في الشارع وفين وفيييييين ما على تلاقي حاجه اتعملت للتطوير سواءا مستشفيات او طرق او او او
او تمشي في الشارع تلاقي الناس مكشرة ومش طايقة بعضها او وانت سايق محدش طايق نفسو وكلو عمال بيدوس على كلو
ليه وليه وليه
انا عارف اني طولت اوي عليكم بس عاوز اشوف رايكم يمكن نوصل لحل مش للتغيير !!!!!ولكن انا عاوز اعرف حل لسوالي... ايه اللي خلا مصر كده؟؟؟؟