تربيه عسكريه 28/8

**mr_safwt** · 28-08-2010 02:33 PM

المشاركة الأصلية كتبت بواسطة korkor

اصل الموضوع على قد الشتيمه تبقى بسيطه الشتيمه مش بتلزق لكن كفايه اقولك حكم النفس على النفس وبالذات لما تكون اشكال واطيه ومتعقده اما بالنسبه لموضوع انك متعلم والجو ده مش بيفرق فى الجيش , الجيش ده انت وحظك انا كنت فى كتيبه مهندسين وكل الظباط كانوا مهندسين والحمد الله المعامله لى كانت كويسه بس دى صدفه او بركه دعاء الوالدين لان فى نفس الكتيبه كان معايا مهندسين تانيين متبهدلين لغايه ماربنا ساعدنى وعرفت اجيبهم فى الحته اللى كنت فيها . ثم بالنسبه لموضوع التدريبات ده مش كل وحدات الجيش بتعمله ده برده حسب السلاح ونوع الوحده وكده فى الاخر انا لا اتمنى لاى حد يمر بالتجربه الهباب اللى كنت فيها

طب شكرا طمنتنى
معاك مهندس اتصالات مرشح ظابط احتياط

**beetleMOSH** · 28-08-2010 03:07 PM

الف شكر يا رجاااااااااااله على المسانده و رفع الروح المعنويه
بس انا كنت حاسس انى هابقى لوحدى
هههههههههههههههههههههه
و انا ماروحتش انهارده اصلا راحت عليا نومه
ههههههههههههههههه
و انا رابعه اصلا يعنى مفيش بقى دى اخر فرصه
يلا ربنا يقدرنا و اهى ايام و تعدى

ربنا يخليكوا ليا يا شباب

**korkor** · 28-08-2010 03:49 PM

المشاركة الأصلية كتبت بواسطة mr_safwt

طب شكرا طمنتنى
معاك مهندس اتصالات مرشح ظابط احتياط

ربنا يكون فى عونك ان شاء الله وتنزل عسكرى وتروح حته كويسه بس على العموم الكلام ده من 10 سنين يمكن الحال اتغير

**mr_safwt** · 28-08-2010 03:52 PM

المشاركة الأصلية كتبت بواسطة korkor

ربنا يكون فى عونك ان شاء الله وتنزل عسكرى وتروح حته كويسه بس على العموم الكلام ده من 10 سنين يمكن الحال اتغير

الله يخليك ادعيلى يمكن اخد اعفاء فى الكشف الطبى بتاع الظباط لانى محول لجنة طبية عليا

**korkor** · 28-08-2010 03:58 PM

المشاركة الأصلية كتبت بواسطة mr_safwt

الله يخليك ادعيلى يمكن اخد اعفاء فى الكشف الطبى بتاع الظباط لانى محول لجنة طبية عليا

ان شاء الله تاخد اعفاء باذن الله

**rocker** · 28-08-2010 04:02 PM

العسكريه مافيهاش شتيمه ولا ضرب
لانه اذا ارتفعت الايادى تساوت الرتب
والى مش متربى فى الملكيه بيربيه الجيش لانه بيعرف قيمه اهله الى كان بيتنطط عليهم وقيمه العيشه الى كان عايشها بره
وبعدين انتوا زعلانين من حلاقه الدقن والوقف صفا وانتباه فى الحر
افتكروا ناس حاربت واتحاصرت وعملت المعجزات وهيا صايمه
ناس شربت ميه بطين واكلت من التراب
بس عاشت اسود بشهاده اليهود نفسهم
الجنديه شرف
الله المستعان

**beetleMOSH** · 28-08-2010 04:49 PM

يا باشا
اولا انا بتكلم على التوقيت ان احنا فى رمضان و فى دورة عسكريه
ثانيا الحياه العسكريه يعنى مش صفا و انتياه
و مش هاخش برضه الحرب بالصفا و الانتباه
ثالثا التربيه العسكريه ده لا هى حياه عسكريه كامله و لا انت حر برضه
هما 12 يوم بيديك فيهم نبذه كده عن الحياه العسكريه و بيعلمك شويه انضباط
و بيفهمك حاجات عسكريه و شكرا على كده
بس الفكره كلها اللى بتكلم فيها التوقيت

تقبل تحياتى

**hazemhassan** · 28-08-2010 05:32 PM

ليا واحد صاحبى معاك بردو اول يوم لية انهاردة ربنا معاكوووووووو
حوار ملوش اى لزمة والله

**rocker** · 29-08-2010 12:06 AM

المشاركة الأصلية كتبت بواسطة beetlemosh

يا باشا
اولا انا بتكلم على التوقيت ان احنا فى رمضان و فى دورة عسكريه
ثانيا الحياه العسكريه يعنى مش صفا و انتياه
و مش هاخش برضه الحرب بالصفا و الانتباه
ثالثا التربيه العسكريه ده لا هى حياه عسكريه كامله و لا انت حر برضه
هما 12 يوم بيديك فيهم نبذه كده عن الحياه العسكريه و بيعلمك شويه انضباط
و بيفهمك حاجات عسكريه و شكرا على كده
بس الفكره كلها اللى بتكلم فيها التوقيت

تقبل تحياتى

باشكرك على تحيتك
بس حاوضح لك حاجه بسيطه
اقرا فى الحرب العالميه التانيه او روح زور مقابر العلمين لقتلى الحرب
حتلاقيهم كلهم اقل من ال عشرين شباب اخد مبادئ عسكريه وركب مركب وجه حارب فى الصحرا
عارف عمليه تحويل الفرد المدنى الى عسكرى ده علم عالمى فى العسكريه
ولورجعت لحرب بورسعيد 56 والسويس 73 حتلاقى قوات الفتوه وقوات الدفاع الشعبى عملت شغل جامد جدا
بلاش بص على جنوب لبنان
ده فيه شباب لو ردت فى كتفه ال الالى 762 ممكن تتكسر عضله الترابيس بتاعته

و حاقفل هنا
رمضان كريم

**M.Osman** · 29-08-2010 02:24 AM

التربية العسكرية دي اثبتت لي قد اية احنا بلدنا ........
و اللي ماسكينها ............
و ان اللي معهوش فلوس ميلزموش

و انك تروح و تتمرمط و تقف في المطر و الطين و كل ده ...( او في عز الشمس لو الصيف ...) و في نفس الوقت لازم تدفع رشوة ... عشان امورك تعدي

ايوا هي دي الحقيقة هي دي بلدنا ... وهو دا اللي اتعلمته من التربية العسكرية ... الحاجة الوحيدة اللي اتعلمتها