اهلا بيك اخ رودت و ان شاء الله تكون بداية خير معانا و تكون اضافة ايجابية لاسرة نايل موتورز
مش عايز اطول عليك و نخش في صلب الموضوع
بص يا سيدي الياريس و اللانسر و اللالنترا كلها سيارات عائلية
نبدأ باللانسر حتلاقيها عائلية قوي و معمرة و عربية بدون مشاكل و لو بتسافر كتير حتعجبك قوي عشان ثباتها و مافيش منها اي شكاوي و بتحتفظ بسعرها اما تفكر تبيعها و صوت موتورها اعلي قليلا من الياريس و اللالنترا
الياريس عربية شكلها جديد و مبتكرو ناعمة جدا و عزل صوت حلو و عالية عن الارض يعني ما بتحكش في المطبات انما الارتفاع ده بيترجم الي قلة في الثبات و ممكن تاخد وقت شوية لما تتعود علي ابعادها
الالنترا عربية شكلها شيك جدا و تحس انها انيقة و سحبها ممتاز و قطع غيار ان ما كانتش رخيصة فهي حترخص كما عودتنا هيونداي .. لو ما عندكش فوبيا الكوري و الفصول الغبورية يبقي اشتريها
ده رأي موجز اوي و ربنا يوفقك لكن رأي الشخصي طبعا اللانسر بس حط في حسبانك ان عربيتي لانسر
محمد فهمي
المفضلات