الطريق من الاسكندرية للغردقة _ آخر تطور

فيه مشروع انى اروح الغردقة بالسيارة من الاسكندرية
انا قرأت كل المشاركات عن هذا الطريق
وبمتابعة الطريق على جوجل ايرث , لى استفسارين
1 - الانتقال من طريق مصر اسكندرية الصحراوى الى الدائرى ( محور المنيب )
منين بالضبط وهل مطلع الدائرى فى نهاية الصحراوى بها اتجاه يمين ( فى اتجاه محور المنيب) ؟
وهل الوصله من التقاء طريق الواحات مع طريق الفيوم الى أخر محور المنيب انتهت وصالحة للاستخدام , لانها على جوجل ايرث لم تنتهى بعد

2 - الانتقال من محور المنيب الى طريق القطامية هل هو واضح على الواقع ؟ لانه مكعبل شوية على جوجل ايرث

ارجو ممن جرب الطريق فعليا توضيح النقطتين او احداهما , وشكرا مقدما

انا اقدر افيدك في الطريق من بعد ما تدخل طريق القطاميه - لاني بطلع علي الطريق من الزراعي بنها يعني مش بعدي علي المحاور دي

فلو حضرتك تعوز اي حاجه من اول طريق القطاميه - العين السخنه الجديد انا اقدر افيدك

اقتباس:

---

المشاركة الأصلية كتبت بواسطة m.osama

انا اقدر افيدك في الطريق من بعد ما تدخل طريق القطاميه - لاني بطلع علي الطريق من الزراعي بنها يعني مش بعدي علي المحاور دي

فلو حضرتك تعوز اي حاجه من اول طريق القطاميه - العين السخنه الجديد انا اقدر افيدك

---

اعتقد ان الطريق بعد الدخول الى طريق القطامية واضع و ليس به لبس او توهان
ولا رأيك ايه ؟

انا اقترح على حضرتك تاخد القاهرة الاسكندرية الزراعى ومنة على الدائرى وبعدين تتدخل على طريق القطامية العين السخنة انا بسافر الطريق دة مرة كل شهر زى الفل المشاكل والتنشن كلة بيكون على الزراعى والدائرى وملفات السخنة
رحلة سعيدة

اقتباس:

---

المشاركة الأصلية كتبت بواسطة جمال

اعتقد ان الطريق بعد الدخول الى طريق القطامية واضع و ليس به لبس او توهان
ولا رأيك ايه ؟

---

الطريق فعلا من بعدها سهل، بس خد بالك من الوصله اللي بعد ما تعدي العين السخنه علطول لانها طريق مفرد يعني حاره رايح وحاره راجع قصاد بعض بدون فواصل وكلها ملفات خطيره جدا

وفآآآآآآخر الطريق خالص حتلاقي صينيه خدها شمال كده تدخل عالغردقه

انا كنت لسه عامل الرحلة دى من حوالى شهر

بس و إحنا بيتنا فى القاهرة و تانى يوم كملنا لحد الغردقة
طلعنا من مصر الجديدة لحد طريق العين السخنة بعد كده طريق الغردقة

طريق الغردقة فى أوله سخيف لحد الزعفرانة مسافة حوالى 60 كيلو
عبارة عن حارتين رايح جاى و ملفات و نقل
بعد الزعفرانة الطريق رائع بيبقى مزدوج و واسع مفيش ملفات جامدة

فى الرجوع أخدنا طريق الغردقة بس كملنا لحد السويس و أخدنا طريق السويس القاهرة ثم من بعد الرحاب طلعنا الدائرى (طريق المريوطية تقريبآ ) و كملنا على الوصلة الجديدة اللى بتنزل بعد شارع الهرم ثم الطريق الصحراوى

http://www.nilemotors.net/Nile/86440-a.html

اقتباس:

---

المشاركة الأصلية كتبت بواسطة جمال

فيه مشروع انى اروح الغردقة بالسيارة من الاسكندرية
انا قرأت كل المشاركات عن هذا الطريق
وبمتابعة الطريق على جوجل ايرث , لى استفسارين
1 - الانتقال من طريق مصر اسكندرية الصحراوى الى الدائرى ( محور المنيب )
منين بالضبط وهل مطلع الدائرى فى نهاية الصحراوى بها اتجاه يمين ( فى اتجاه محور المنيب) ؟
وهل الوصله من التقاء طريق الواحات مع طريق الفيوم الى أخر محور المنيب انتهت وصالحة للاستخدام , لانها على جوجل ايرث لم تنتهى بعد

2 - الانتقال من محور المنيب الى طريق القطامية هل هو واضح على الواقع ؟ لانه مكعبل شوية على جوجل ايرث

ارجو ممن جرب الطريق فعليا توضيح النقطتين او احداهما , وشكرا مقدما

---

انا سؤالى ينحصر فى النقطتين دول
اولا

"وهل مطلع الدائرى فى نهاية الصحراوى بها اتجاه يمين ( فى اتجاه محور المنيب) ؟
وهل الوصله من التقاء طريق الواحات مع طريق الفيوم الى أخر محور المنيب انتهت وصالحة للاستخدام , لانها على جوجل ايرث لم تنتهى بعد"

وهذا عن آخر موقف على الارض

ثانيا

"الانتقال من محور المنيب الى طريق القطامية هل هو واضح على الواقع ؟ لانه مكعبل شوية على جوجل ايرث "

ارجو ان يكون سؤالى واضح

اقتباس:

---

المشاركة الأصلية كتبت بواسطة zemos

انا اقترح على حضرتك تاخد القاهرة الاسكندرية الزراعى ومنة على الدائرى وبعدين تتدخل على طريق القطامية العين السخنة انا بسافر الطريق دة مرة كل شهر زى الفل المشاكل والتنشن كلة بيكون على الزراعى والدائرى وملفات السخنة
رحلة سعيدة

---

شكرا على الاقتراح

للاسف انا لاأستعمل الطريق الزراعى الا مجبرا
وبعدين حضرتك بتقول "المشاكل والتنشن كلة بيكون على الزراعى والدائرى وملفات السخنة "
يبقى فاضل ايه ؟ المشاكل و التنشن دول بيكونو اصعب كتير بعد سن ال 65 سنة

اقتباس:

---

المشاركة الأصلية كتبت بواسطة m.osama

الطريق فعلا من بعدها سهل، بس خد بالك من الوصله اللي بعد ما تعدي العين السخنه علطول لانها طريق مفرد يعني حاره رايح وحاره راجع قصاد بعض بدون فواصل وكلها ملفات خطيره جدا

وفآآآآآآخر الطريق خالص حتلاقي صينيه خدها شمال كده تدخل عالغردقه

---

شكرا لك نصائح مفيدة فعلا

اقتباس:

---

المشاركة الأصلية كتبت بواسطة amr mokhtar

انا كنت لسه عامل الرحلة دى من حوالى شهر

بس و إحنا بيتنا فى القاهرة و تانى يوم كملنا لحد الغردقة
طلعنا من مصر الجديدة لحد طريق العين السخنة بعد كده طريق الغردقة

طريق الغردقة فى أوله سخيف لحد الزعفرانة مسافة حوالى 60 كيلو
عبارة عن حارتين رايح جاى و ملفات و نقل
بعد الزعفرانة الطريق رائع بيبقى مزدوج و واسع مفيش ملفات جامدة

فى الرجوع أخدنا طريق الغردقة بس كملنا لحد السويس و أخدنا طريق السويس القاهرة ثم من بعد الرحاب طلعنا الدائرى (طريق المريوطية تقريبآ ) و كملنا على الوصلة الجديدة اللى بتنزل بعد شارع الهرم ثم الطريق الصحراوى

---

اشكرك على الرد بس حضرتك تفاديت الوصلات اللى انا بسأل عليه

اقتباس:

---

المشاركة الأصلية كتبت بواسطة wailik1980

http://www.nilemotors.net/nile/86440-a.html

---

شكرا لك وانا سبق ان قرأت جميع المشاركات عن هذا الطريق بالمنتدى ولهذا سؤالى كان عن نقط محددة وماحدث لها من تطور حاليا لان اغلب المشاركات مضى عليها اكثر من سنة

السلام عليكم ورحمة الله وبركاته
رمضان كريم

اخوك من الفيوم .. بس انا بسافر علي طريق الغردقه كتير علي العموم انا قريت الموضوع من اوله وحبيت افيد
انا بطلع من طريق الفيوم وبعدين الف وادخل دخلة 6 اكتوبر واخد دائري اكتوبر وانزل علي الدائري وبعدين اكمل لحد ما انقل الي الدائري التاني بتاع المعادي ودي قريبه من عند المريوطيه واكمل وفي دخله لطريق القطاميه العين السخنه بس بعد ما تدخلها ليها لفه خلي بالك منها امام محمد زكي كده .
ممكن حضرتك وانتا جاي من الاسكندريه تدخل 6 اكتوبر لغاية ما توصل الدائري وتاخد نفس الطريق
او تكمل لحد شارع الهرم وتاخد طريق المعادي الدائري من اوله

دا كل الي اعرفه واتمني لك رحله موقفه

سيادة العميد

هو الطريق من دائرى المنيب مش حافظه اوى من الطريق الصحراوى لكن انا ها اشرحلك الطريق من المحور الى الدائرى (القوس الشرقى)

حضرتك ها تاخد الطريق الصحراوى وبعدين تطلع المحور وبعد 10 كيلو على المحور ها تلاقى الدائرى قاطع المحور، اول فتحة دى نازلة، تاخد اللى بعديها، يعنى تعدى من تحت الدائرى وتطلع على طول الطلعة اللى بعديها، ها تلاقى نفسك على الدائرى فى اتجاه طريق مصر الاسكندرية الزراعى ثم نزلة الخصوص ثم نزلة طريق الاسماعيلة ثم نزلة طريق السويس ثم القاهرة الجديدة وهكذا، حضرتك اللى يعنيك من كل ده انك ها تمشى على الدائرى حوالى 30 كيلو او اكتر شوية لحد نزلة العين السخنة والقطامية وباقى التفاصيل موضحة فى الصورة المرفقة


ملحوظة: اخر سهم ازرق فى الخريطة عنده بنزية وطنية ودى فى اول طريق العين السخنة، تعدى البنزينة وتدخل يمين على طول.

http://img820.imageshack.us/img820/5...nsokhnamap.jpg

فى النهاية اتمنى لحضرتك سفرية جميلة وتروح وترجعلنا بالسلامة ان شاء الله

اقتباس:

---

المشاركة الأصلية كتبت بواسطة kamose

السلام عليكم ورحمة الله وبركاته
رمضان كريم

اخوك من الفيوم .. بس انا بسافر علي طريق الغردقه كتير علي العموم انا قريت الموضوع من اوله وحبيت افيد
انا بطلع من طريق الفيوم وبعدين الف وادخل دخلة 6 اكتوبر واخد دائري اكتوبر وانزل علي الدائري وبعدين اكمل لحد ما انقل الي الدائري التاني بتاع المعادي ودي قريبه من عند المريوطيه واكمل وفي دخله لطريق القطاميه العين السخنه بس بعد ما تدخلها ليها لفه خلي بالك منها امام محمد زكي كده .
ممكن حضرتك وانتا جاي من الاسكندريه تدخل 6 اكتوبر لغاية ما توصل الدائري وتاخد نفس الطريق
او تكمل لحد شارع الهرم وتاخد طريق المعادي الدائري من اوله

دا كل الي اعرفه واتمني لك رحله موقفه

---

اشكر لك اهتمامك لكنى ابحث عن دخلة مباشرة من الصحراوى الى دائرى المعادى لاختصار القيادة على الدائرى


هوه فيه وصلة من الصحراوى ( طريق الواحات مع طريق الفيوم )الى اول محور المنيب ( على جوجل ايرث ) يظهر ان فيها شغل لسه و بما ان خرائط جوجل قديمة شوية فكنت اعتقد انها قد تكون جاهزة الآن
ياريت حد يأكد لنا الكلام ده

اقتباس:

---

المشاركة الأصلية كتبت بواسطة damasry

سيادة العميد

هو الطريق من دائرى المنيب مش حافظه اوى من الطريق الصحراوى لكن انا ها اشرحلك الطريق من المحور الى الدائرى (القوس الشرقى)

حضرتك ها تاخد الطريق الصحراوى وبعدين تطلع المحور وبعد 10 كيلو على المحور ها تلاقى الدائرى قاطع المحور، اول فتحة دى نازلة، تاخد اللى بعديها، يعنى تعدى من تحت الدائرى وتطلع على طول الطلعة اللى بعديها، ها تلاقى نفسك على الدائرى فى اتجاه طريق مصر الاسكندرية الزراعى ثم نزلة الخصوص ثم نزلة طريق الاسماعيلة ثم نزلة طريق السويس ثم القاهرة الجديدة وهكذا، حضرتك اللى يعنيك من كل ده انك ها تمشى على الدائرى حوالى 30 كيلو او اكتر شوية لحد نزلة العين السخنة والقطامية وباقى التفاصيل موضحة فى الصورة المرفقة


ملحوظة: اخر سهم ازرق فى الخريطة عنده بنزية وطنية ودى فى اول طريق العين السخنة، تعدى البنزينة وتدخل يمين على طول.

http://img820.imageshack.us/img820/5...nsokhnamap.jpg

فى النهاية اتمنى لحضرتك سفرية جميلة وتروح وترجعلنا بالسلامة ان شاء الله

---

اشكر لك اهتمامك لكن كده انا بلف حول القاهرة والقيادة على الدائرى صعبة جدا
انا كنت اعرف ان ممكن اوصل لنفس النقطة اللى حضرتك ذاكرها على الخريطة بس من الاتجاه الآخر هيكون مختصر شوية على الدائرى
هوه فيه وصلة من الصحراوى ( طريق الواحات مع طريق الفيوم )الى اول محور المنيب ( على جوجل ايرث ) يظهر ان فيها شغل لسه و بما ان خرائط جوجل قديمة شوية فكنت اعتقد انها قد تكون جاهزة الآن
ياريت حد يأكد لنا الكلام ده

اقتباس:

---

المشاركة الأصلية كتبت بواسطة جمال

اشكر لك اهتمامك لكنى ابحث عن دخلة مباشرة من الصحراوى الى دائرى المعادى لاختصار القيادة على الدائرى


هوه فيه وصلة من الصحراوى ( طريق الواحات مع طريق الفيوم )الى اول محور المنيب ( على جوجل ايرث ) يظهر ان فيها شغل لسه و بما ان خرائط جوجل قديمة شوية فكنت اعتقد انها قد تكون جاهزة الآن
ياريت حد يأكد لنا الكلام ده


اشكر لك اهتمامك لكن كده انا بلف حول القاهرة والقيادة على الدائرى صعبة جدا
انا كنت اعرف ان ممكن اوصل لنفس النقطة اللى حضرتك ذاكرها على الخريطة بس من الاتجاه الآخر هيكون مختصر شوية على الدائرى
هوه فيه وصلة من الصحراوى ( طريق الواحات مع طريق الفيوم )الى اول محور المنيب ( على جوجل ايرث ) يظهر ان فيها شغل لسه و بما ان خرائط جوجل قديمة شوية فكنت اعتقد انها قد تكون جاهزة الآن
ياريت حد يأكد لنا الكلام ده

---

سيدي العزيز

إنت لو مشيت في أتجاه الخصوص يبقى إنت كده هاتروح من الناحيه البعيده جداً جداً.

أسهل طريق وأقرب طريق هو إنك تطلع الدائري من آخر الطريق الصحراوي، هاتطلع في الإتجاه اللي رايح على الطريق الزراعي وبعد كده هاتخش يمين إلى وصلة المريوطيه الجديده (خلي بالك عشان هي مش أول يمين بعد أما تطلع). وبعد أما الوصله تخلص هاتبقى إنت كده على الدائري المؤدي إلى محور المنيب. هاتعدي النيل وبعد كده بكام كيلو هاتلاقي كارفور المعادي وبعده مخرج طريق السخنه الغردقه.

فعلاً كلام حضرتك مظبوط وفي طريق تاني من عند طريق الواحات وده بتخشله من دخله كده عند حازم حسن، لكن أنا مش بارشح الطريق ده دلوقت عشان هم دلوقتي ظبطوا طريق إسكندريه نفسه كويس وما بقاش في داعي تخش وصلة حازم حسن دية عشان أطول.

سيدى الفاضل
توصل بالسلامه من الصحراوى لغايه مطلع الدائرى اللى قبل الرمايه وتطلع الدائرى من هناك حوالى 3 كيلو هتلاقى نزله يمين بعدها على طول بحاولى 200 متر هتلاقى دخله يمين تانيه وعليها يافطه تقولى الى المنيب تمشى فيها على سرعه 80 كيلو علشان عليها رادارت هتلاقى نفسى فى محور المنيب هتفضل ماشى حوالى 8 كيلو لغايه ما تعدى كارفور بعديه ب 3 كيلو هتلاقى نزله القطاينه العين السخنه
وتكلم عادى الى الغردقىة
ده باختصار شديد واى سؤال

اقتباس:

---

المشاركة الأصلية كتبت بواسطة marsguy

سيدي العزيز

إنت لو مشيت في أتجاه الخصوص يبقى إنت كده هاتروح من الناحيه البعيده جداً جداً.

أسهل طريق وأقرب طريق هو إنك تطلع الدائري من آخر الطريق الصحراوي، هاتطلع في الإتجاه اللي رايح على الطريق الزراعي وبعد كده هاتخش يمين إلى وصلة المريوطيه الجديده (خلي بالك عشان هي مش أول يمين بعد أما تطلع). وبعد أما الوصله تخلص هاتبقى إنت كده على الدائري المؤدي إلى محور المنيب. هاتعدي النيل وبعد كده بكام كيلو هاتلاقي كارفور المعادي وبعده مخرج طريق السخنه الغردقه.

فعلاً كلام حضرتك مظبوط وفي طريق تاني من عند طريق الواحات وده بتخشله من دخله كده عند حازم حسن، لكن أنا مش بارشح الطريق ده دلوقت عشان هم دلوقتي ظبطوا طريق إسكندريه نفسه كويس وما بقاش في داعي تخش وصلة حازم حسن دية عشان أطول.

---

شكرا لاهتمامك
واضح ان دى اسهل دخلة من الصحراوى لمحور المنيب

اقتباس:

---

المشاركة الأصلية كتبت بواسطة mramzy

سيدى الفاضل
توصل بالسلامه من الصحراوى لغايه مطلع الدائرى اللى قبل الرمايه وتطلع الدائرى من هناك حوالى 3 كيلو هتلاقى نزله يمين بعدها على طول بحاولى 200 متر هتلاقى دخله يمين تانيه وعليها يافطه تقولى الى المنيب تمشى فيها على سرعه 80 كيلو علشان عليها رادارت هتلاقى نفسى فى محور المنيب هتفضل ماشى حوالى 8 كيلو لغايه ما تعدى كارفور بعديه ب 3 كيلو هتلاقى نزله القطاينه العين السخنه
وتكلم عادى الى الغردقىة
ده باختصار شديد واى سؤال

---

شكرا لاهتمامك
اكيد ده اسهل حل للوصول الى محور المنيب من الصحراوى