بحس ان مياه الريداتير عندى بتنقص بسرعة

**M.Zaher** · 29-08-2010 12:06 AM

لو عربيتك عدت 80 الف و مغيرتش طلمبة الميه
يبقى هيا اللى بتسبب النقص ده

كانت عندي المشكله دي لحد امبارح و كنت مكبر دماغي عشان النقص كان بسيط خالص
طلمبة الميه ضربت ورحت و غيرتها

**bakkarahmed** · 29-08-2010 04:04 AM

اكبس دوره الميه علشان تشوف مصدر التسريب
ولو لقيت ميه تحت العربيه من الناحيه المعاكسه للسواق(يمين العربيه) هاتكون في الغالب طرمبه ميه

**hawary2** · 28-09-2010 09:29 PM

ممكن اعرف غيرت طلمبة المية بكام
شكراااااااااااا

**محمد الشامي** · 28-09-2010 09:39 PM

المشاركة الأصلية كتبت بواسطة hawary2

ممكن اعرف غيرت طلمبة المية بكام
شكراااااااااااا

طلمبه الميا انا لسا مغيرها من اسابيع وكنت جايبها الماني بـ 165 جنيه والجي ام بنفس السعر , و الايطالى بـ 130 جنيه ومش موجوده والصيني ارخص منهم كلهم طبعا , والاسعار دي من ابو الحسن

وغيرت الطلمبه لاني كنت شاكك بوجود تسريب بيحصل منها , وكان للاسف اكتر من ميكانيكي يقولي طالما مش بتعمل صوت وحركتها ناعمه يبقا سليمه والتسريب من حاجه تانيه , و لكن مع اصراري لتغيير الطلمبه كانت النتيجه كالأتى :-

طبعا الصور خير دليل على ان الطلمبه ليها عمر افتراضي ومفيش علاقه بين ان صوت الطلمبه ناعم وانها تكون سليمه او بايظه

**hawary2** · 29-09-2010 01:57 AM

بس انا عندى مفيش حاجة بتتسرب انا كل يوم انزل تحت العربية علشان اشوف فيه حاجة القى مفيش حاجة خالص وبعدين المية بتنقص شوية قليلين مثلا 5 سنتى

و ممكن اعرف احسن واحد اكشف عنده على العربية و مكانه فين
شكراااااااااااااا

وعلى فكرة الحرارة زى ماهيا مش بتعلى خالص

**M.Zaher** · 29-09-2010 11:41 AM

على فكره يا محمد
نفس الطلمبة دي بالظبط حصلت عندي لقيتها متاكله كانها دايبه زي دي كده
بس دي ماكنتش بتخلي الميه بتنقص بصورة بطيئه كانت عندي تحط الميه من القربه تنزل من الناحية التانيه على طول

**mbisar** · 29-09-2010 07:31 PM

انا يا باشا عندى نفس المشكله و الموضوع فى الآخر هو غطا القربه مفوت فالمياه مع وصولها لدرجه الغليان بطلع البخار بتاعها من الغطا فكميه المياه بتقل فى القربه بشكل ملحوظ و على فكره عمرك ما هتاخد بالك ان غطا القربه فى مشكله لأنه بيقفل عادى و طبيعى بس تحس بيها لما تبقا العربيه سخنه اوى و خصوصا لو كنت مشغل التكييف هتلاقى الغطا بيطلع منه ستيم و بخار و صوت كده المياه بتغلى جامد