ببساطة : حنفضل نجمع و عمرنا محنصنع - و لازم تكونوا واقعيين !

انا كل شوية بلاقة موضوع او تعليق عن عدم امكانية مصر من صناعة سيارة
وليه فولان سبقنا و علان عملنا ...

ياجماعة انا اتكلمت مع كذا واحد في السوق المصري و الايراني و الماليزي و الانجليزي كمان !
واشرحلكم الاسباب .

اولا :

انتوا فاكرين انا احنا سوق سيارات كبير او علي الاقل موجود و قوي .. عايز اقلك ان انت اضعف في مبيعات السيارات من اليمن و ليبيا و المغرب و تونس و طبعا كل دول الخليج... احنا يادوبك متفوقين علي الافارقة الغلابة باستثناء " جنوب افريقيا " الي هي اكبر سوق سيارات في افريقيا .

و ده موضوع مفيهوش جدال .. دي حقائق و ارقام ..

حتقولوا الصين و ماليزيا و ايران سابقانا ليه ؟

مصر مبيعات السيارات الملاكي فيها لسنة 2007 كانت حوالي 250 الف سيارة . منهم 35% او اكتر مش متذكر بالتقسيط .

- شيري - و هي شركة صينية صينينة جديدة من 1997 باعت في سنة 2007 350 الف سيارة !!!! و هي الرابع في الترتيب في لائحة مبيعات الصين ( مبيعات الصين في 2007 تقريبا 3 مليون سيارة ) .

- ايران خدرو ( بيجو الايراني ) بتنتج 200 الف سيارة سنويا .. يعني اكيد المبيعات في ايران فوق الرقم ده الضعف علي الاقل .

- بروتون في ماليزيا بتصدر فوق ال 100 الف سيارة سنويا لانحاء العالم كما انها من انجح .

يعني لو لاحظته . انا احنا منعتبرش " زلطة " جنب الجبال دي .

ثانيا :
اقتصاديا . وده باجابة الخبراء
علشان تعمل مصنع سيارات مصري مربح
بعد طبعا كم الرشاوي و التظابيط و الوسايط و العك ..
محجتاج اولا تصميم شاسيه سيارة ..
و في الحالة دي يا اما حتحتاج تصمم واحد من الصفر و ده بيتكلف من 500مليون دولار فما فوق !
ياما حتستعين بتصميم قديم من شركة اخلرى و حتفدفع مبلغ محترم بالاضافة الي نسبة من ارباحك حسب العقد .

مفيش مصنع في العالم بيعمل كل حاجة بنفسه بمعنى لازم يكون في منطقة لصناعات مغذية للسيارات ( انتاج فعلي لمعظم اجزاء السيارة )
وده مش موجود في مصر .. فيا اما حتطر تستورد .. وبالتالي حترجع تجمع مش تصنع يا اما عايزلك رأس مال كل اغنياء العالم .

نيجي لاهم حاجة !
اي مصنع سيارات جديد لازم يكون فيه هدف معين مثلا بتصنيه علي الاقل 150 الف سيارة سنويا .علشان ده اقل رقم ممكن يطلع " اقل ربح "

طب اذا كان مبيعات السيارات في مصر كلها مستورد و مجمع - 250 الف سيارة ! حتحط انت 150 الف في السوق مين حيشتريهم ؟ النتيجة : حتقفل المصنع و تفلس !

ثالثا : المنتج
و بما اني خبرة التصنيع شبه منعدمة .. حتيجي مسألة الجودة
شركة زي شيري مثلا عندهم "هامش " يقدرو يبوظوا فيه زي ماهما عايزين .. رأس مال شغال - مبيعات شغالة .. معجبتكش عربيتاهم في 300 الف صيني حيشتريها .

انما انت عندك وقت او مال او زبون ! يستحمل خطأ او عيب تصنيع ؟ لأ !

---------

ببساطة الي بيفكر في مصنع مصري 100% يصنع ماركة مصرية 100% بيضحك علي نفسه !
سوقنا ضعــييييييييييييييييييييي يييييييييييييف جدا جدا جدا جدا جدا !
حتقلي تجميع محلي عندنا كتير .. حقلك ده للهروب من الجمارك
لو الجمارك اتشالت المصانع دي حتقفل .. و لا حيبقى ليها لازمة !
وجمارك الي فوق ال2000 سي سي معمولة لحمياة السيدة مرسيديس و السيد Bmw
من لكزس و انفنتي و اودي .

فياريت ياجماعة نعيش الواقع شوية الا وهو افتح اي جرنان اتصل بمعظم توكيلات مصر.
السيارة في الخارج بتنزل باكتر من 10 موديلات
ده كمان ممكن تعمل موديل خاص بيك باضافات خاصة و الكلام ده من الماروتي !! لحد الرولس رويس !

ليه مش موجود في مصر ؟ استكراد ؟
لأ ! بس المبيعات لا تكفي علشان التوكيل يفتح علي نفسه باب الموديلات و الاضافات !

سيارة مثل الفيات 500
باختلاف الاضافات ممكن تعمل منها اكتر من 500.0000 موديل مختلف ! والله مش بهزر ! ده بجد !
حتبيع انهي واحد في مصر ؟ و ازاي ؟

قبل منصنع سيارة كاملة
لازم نبدأ بصناعات المغذية للسيارات .

و في فعلا من بدأوا بس في مناطق حرة و للتصدير
شركة ليوني الالماني - محدش يعرفها كتير
فاتحة في المنطقة الحرة ... عارفين بتنتج ايه ؟
اسلاك كهرباء __ عارف لمين ؟
فورد و استون مارتين و جاجوار

و ده مصنع مغذي مباشر ! و الوحيد الي بيورد اسلاك الكهرباء للشركات دي !
بعمالة مصرية مدربة علي ايد المان ! في ارض مصرية ولكن حرة مش مصرية اوي يعني

هيا دي المصانع " الواقعية " الي ممكن تناسب سوقنا و نفكر فيها .. انما كلام الاحلام ده ننساه .. علي الآقل في الوقت الحالي .

كلامك واقعى جداً.

إحنا فعلاً سوق صغير جداً، بس أعتقد الوضع ده فى طريقة إنه يتغير

مبيعاتنا فى 2007 زى ما قلت حوالى 250 الف . بس فى 2006 كانت 70 الف بس!!

أكيد مش هنوصل دلوقتى لصناعة سيارة كاملة "وانا مش عايز نصنع سيارة كاملة :) " بس أكيد الإختيارات هتبقى أحسن من دلوقتى.

اعتقد أصبحت من مصلحة الكثيرين الأن إلغاء تراخيص السياراة القديمة، لان الخطوة دى هتبقى فى صالح المصنعين"المجمعين" و الوكلاء و البنوك و......!!! وأعتقد دى هتزود المبيعات بشكل كبير.

كلامك مظبوت مليون في الميه
لان تكلفه صناعه السياره محتاج مليارات
والبلد مش مستعدة لمشروع عملاق زي ده
انا عن نفسي افرح لما اسمع ان مصر ممكن تصنع عربيه كالمه في مصر من الالف الى الياء
وربنا يكرم

والله لو قعدنا مليون سنه مش هانعرف نصنع عربيه مصريه 30% حتي .. احنا اخرنا نشتري خطوط انتاج ال 128 و الدوجان .. و كان الله في عون المحسنين ..
يا اخ كريبتون ... الناس لسه ماتعرفش ان فيه عربيات بتتصنع بالطلب ... ...
اول ما نزل البي ام الانديفيدوال هنا .... (الانديفيدوال بره يعني تمسك ابليكيشن تملاه بواصفات العربيه اللي انت عاوزها ...و بتتصنعلك مخصوص) قالو دي انديفيدوال (الله يسامح ابو الفتوح و الاعيبه بقي ..)

يا كريم الشركة هى إللى بتخلق السوق بتاعها مش السوق إللى بيخلق الشركة

إذاى - !!!!

هاقولك إنت لو حبيت تفتح فى الإنتاج و تعمل تصدير للسودان و الدول الإفريقية المجاورة هاتبيع حلو

لو نزلت عربية بسعر حلو و قدرت تخليها عملية و توقع عقود مع شركات التاكسى و مع الحكومة لتفرضها تاكسى ده كمان منفذ

بالإضافة إن فى الحالة دى الناس هاتعمل إحلال و تجديد و يبقى عندنا مقابر سيارات

يا عم بلاش أى حاجة من ده كله

إعمل مصانع متخصصة فى الصناعات المغذية بحق و حقيق و متخصصة و جودة مرتفعه و إبعت إنتاجك لأكبر الشركات (بس محتاج جوده + سعر + تسويق)

مش لازم تصنع العربية كاملة لأ إتخصص فى حاجة تنفع إقتصادك و تقومه و ترفعه

إحنا حاليا ولا ناجحين فى صناعه ولا زراعه و همه دول إللى بيقوموا أى إقتصاد لأى دولة

اقتباس:

---

المشاركة الأصلية كتبت بواسطة memo_hefnawy

يا كريم الشركة هى إللى بتخلق السوق بتاعها مش السوق إللى بيخلق الشركة

إذاى - !!!!

هاقولك إنت لو حبيت تفتح فى الإنتاج و تعمل تصدير للسودان و الدول الإفريقية المجاورة هاتبيع حلو

لو نزلت عربية بسعر حلو و قدرت تخليها عملية و توقع عقود مع شركات التاكسى و مع الحكومة لتفرضها تاكسى ده كمان منفذ

بالإضافة إن فى الحالة دى الناس هاتعمل إحلال و تجديد و يبقى عندنا مقابر سيارات

يا عم بلاش أى حاجة من ده كله

إعمل مصانع متخصصة فى الصناعات المغذية بحق و حقيق و متخصصة و جودة مرتفعه و إبعت إنتاجك لأكبر الشركات (بس محتاج جوده + سعر + تسويق)

مش لازم تصنع العربية كاملة لأ إتخصص فى حاجة تنفع إقتصادك و تقومه و ترفعه

إحنا حاليا ولا ناجحين فى صناعه ولا زراعه و همه دول إللى بيقوموا أى إقتصاد لأى دولة

---

اديك لاحظت بنفسك يا ميمو
" لو " و " اذا " كام مرة في مداخلتك ؟

احنا سوق صغير و راس ماله اصغر ! مفيش راجل اعمال حيبني مصنع علشان " لو " او " اذا " او " ربما "
يا اما حيتخرب بيته !

معاك حق ان السوق لا يصنع الشركة
بس مفيش سوق اصلا يكفي لاقناع شركة بالبيع !
يعني لما يكون عندك متوسط دخل منخقض و مبيعات سيارات منخفضة جدا جدا جدا ! حتعمل مكان لنفسك ازاي ؟ سيارات رخيصة او متوسطة سهلة و معمرة .. بس بكميات محددة جدا ! و الا حتخسر حتى لو السيارة قنبلة ! و رهيبة و رخيصة !

انما التركيز فعلا علي الصناعات المغذية هو الباب .. و في المستقبل لما الجمارك تتلغي .. و يكون في صناعات فعلا ( موتورات مثلا ) حيبقى في الف مليون سبب لعمل مصنع مصري مصري !

@ XPERT
معاك حق .. و الbmw حتفضل محتكرة " سوق السيارات الفاخرة " في مصر طول مالجمارك كدة .. استنى بس في 2010 و لا معرفش جام لما تتلغي .. و حتشوف تويوتا بفرعها " لكزس " و نسيان بفرعها " انفينيتي " و باقي الماركات الفاخرة حتعمل ايه فيهم و في مبيعاتهم
( علي فكرة انا مش بقول انهم سيئين .. طبعا لآ انا بقول انهم محتكرين و السبب الرئيسي ليس لحلواتهم و انما لتفردهم بالمحركات الاصلية للسيارة من 1600 الي 5000 )

علي عكس الباسات و الاودي a4 الغلابة الي راكبين علي موتور جولف 1600 ! و التويوتا افنسيس ال 1600 ! حاجة بقت مضحكة !

الى حد ما أنت لمست صلب المشكلة ألا و هى المشكلة الاقتصادية.
مشكلة تصنيع سيارة مصرية هى مشكلة اقتصادية فى الأساس و ليست مشكلة فنية.
فنيا نحن قادرون على صناعة سيارة مصرية بجودة لا بأس بها و لكن ببساطة صعوبة تسويقها و حجم السوق الصغير سوف تضع أمامنا خيارين لا ثالث لهما, اما التصدير و هو غير متاح نظرا لصعوبة صنع سيارة رخيصة, و الخيار الأخر هو بيعها بأعداد قليلة و لكن بسعر يقارب سعر المرسيدس لكى نضمن هامشا من الربح:) طبعا مينفعش.
و على فكرة ايران خودرو و بروتون ليست شركات بمعنى الكلمة, ايران خودرو هى شركة تجميع فقط لموديلات بيجو المختلفة, و كذلك بروتون التى تقوم بصناعة سيارات مرتكزة على طرازات ميتسوبيشى, هم أقرب الى نصر للسيارات.
ليس من الضرورى صنع سيارة مصرية بمكونات مصرية 100%, و لكن ما نريده هو "ماركة مصرية" فقط, بمعنى يمكننا أن نجلب مثلا محرك فيات لانسيا 1600 (محرك الشاهين ال1600 الحالى) و شاسيه من سيارة فيات أخرى مثلا بالاضافة الى بعض المكونات الأخرى من شركات مصرية و أجنبية ثم نقوم بتجميع هذه السيارة تحت اسم مصرى, و هو شىء فى قدرتنا تماما, مثلما فعلت ايران خودرو عندما أتت بمحرك البيجو 307 على شاسيه 405 و أنتجت بيجو بارس. و سوف يكون تسويقها أسهل كما أن رأس مال المشروع أصغر بالاضافة الى ثقة الناس بها لأنها سيارة ترتكز على سيارة معروفة سلفا.

اقتباس:

---

المشاركة الأصلية كتبت بواسطة فادى

كذلك بروتون التى تقوم بصناعة سيارات مرتكزة على طرازات ميتسوبيشى, هم أقرب الى نصر للسيارات.
=.

---

افندم !!!!!!!!!!

يا ناس دة احسن حاجة اننا مش عارفين نصنع عربية ....
والا قرار فتح الجراجات ...هاتبقى (مراكز خدمة ) ..و ياريت تكفى. ...ههههههه :d :d :d

معلهش كوريا لما ابتدت لا مؤاخذة مكنتش بلد

بلد زراعية فقيرة من افقر بلاد العالم ،،

دلوقتي كوريا البلد الخامس في العالم في صناعة السيارات ،،

اكيد مش اعتمادا علي السوق المحلية

رأيي الموضوع سياسي اكثر منه اقتصادي

يعني هيا حاجة ملقيتلهاش تفسير منطقي ،،

غير نظرية م/ فادي ،، إن البلاد اللي بتدور في فلك امريكا مسموح لها تخش اسواقها

و اللي لو دخلتها بأقل نسبة ممكنة ،، تكفيك جدا عشان تعمل صناعة سيارات

و منها تنطلق لباقي العالم

[quote=storm_unleashed;188681]
الكلام ده ايام الويرا و الواجا القديم بس انما دلوقتى حاجة تانية خالص
حبيت اوضح

طبعا مش هاعلق على إن خوردو و بروتون ذى شركة النصر لأن ده كلام مايتردش عليه

هارد بس على نقطة مهمة و هى إن موضوع مين رجل الأعمال إللى هايعمل و ليه

يا جماعه الموضوع لا يمكن تحت أى ظرف يكون بدايته من رجال الأعمال الموضوع لازم يقوم بدعم من الدولة و متخذى القرار و صانعيه

يعنى أنزل قرارات تشجيعية و داعمة للإستثمار فى هذا المجال أفتح قنوات إتصال مع الشركات الناشئة و مع الشركات ذات السياسات التوسعية و و أعرض عليها بناء مصانع بتسهيلات و بمشاركات

الموضوع لازم يبتدى من الدولة كسياسة و رجال الأعمال لما يلاقوا فيها مصلحة هايتهافتوا عليها

اقتباس:

---

المشاركة الأصلية كتبت بواسطة CryptonX

@ XPERT
معاك حق .. و الbmw حتفضل محتكرة " سوق السيارات الفاخرة " في مصر طول مالجمارك كدة .. استنى بس في 2010 و لا معرفش جام لما تتلغي .. و حتشوف تويوتا بفرعها " لكزس " و نسيان بفرعها " انفينيتي " و باقي الماركات الفاخرة حتعمل ايه فيهم و في مبيعاتهم
( علي فكرة انا مش بقول انهم سيئين .. طبعا لآ انا بقول انهم محتكرين و السبب الرئيسي ليس لحلواتهم و انما لتفردهم بالمحركات الاصلية للسيارة من 1600 الي 5000 )

علي عكس الباسات و الاودي a4 الغلابة الي راكبين علي موتور جولف 1600 ! و التويوتا افنسيس ال 1600 ! حاجة بقت مضحكة !

---

برضه البي ام المرسيدس مواتيرهم more efficient & more economical .. بعكس الليكزس و الكلام ده مبني علي المواتير الكبيره ... و طبعاً زي ما قلت الاودي و الباسات علي مواتير 1600 ... تيجي للبي ام بالاخص عملت رينج كبير للمواتير ... و دخلت في كل انواع العربيات بقلب جامد ... انا مش شابف الجمارك عائق في وش اليابانيين .. هم لو ظبطوا نفسهم هاسقدروا يدخلوا برضه السوق المصري ... (بس السوق المصري مش سوق علشان الناس تبقي عارفه ...)

السلام عليكم،

اكشن للمرة العشر الالاف للموضوع الذى قتل بحثا،

ان اول ما اشتركت فى المنتدى فتحت موضوع مشابه وفى الآخر لقيته قلب بتنافر شديد فى وجهات النظر،

وأصلا الغالبية مكنش عندهم الأمل اننا نقدر نعمل حاجه،

وعلى كل حال أحب أقتبس كلمة الأخ سبعاوى ان رأس المال لا دين له ولا ملة،

ودى المشكلة الحقيقية،

يعنى من الآخر مفيش رجل أعمال هيفكر يفيد البلد ابدا، لأن الموضوع كله موضوع مصالح فى الآول وفى الآخر،

والدولة عمرها ما هتعمل حاجه زى كده لأن الحكومة أصلا ملهاش دعوة بالشعب ولا بمصلحة البلد،

وبكده المشكلة مش هتتحل أبدا،

وسيظل العائق الرئيسى هو رأس المال،

ومتهيألى الحل الوحيد ممكن يكون فى تشكيل رابطه استثمارية شعبية كبيرة هيا اللى تقوم على الموضوع ده ،

بس ساعتها الواقع هيصدمنا أكتر وهنلاقى ان مفيش حد من الشعب برضه هيرضى ياخد المغامرة دى علشان البلد،

والغالبية من المتشجعين للموضوع هينسحبوا بأى عذر وخلاص،

فالأول شوفوا حل لمشكلة التمويل بعيدا عن فكرة ان رجل اعمال أو الدولة هما اللى يقوموا بالعمل ده،

وبعدين حكومة ايه وبتاع ايه دول بيبيعوا كل حاجه فى البلد حتى البنوك الوطنية !!

ليه برضه مستنيين حاجة من الحكومة أو المسؤلين ؟

اقتباس:

---

المشاركة الأصلية كتبت بواسطة Xpert

برضه البي ام المرسيدس مواتيرهم more efficient & more economical .. بعكس الليكزس و الكلام ده مبني علي المواتير الكبيره ... و طبعاً زي ما قلت الاودي و الباسات علي مواتير 1600 ... تيجي للبي ام بالاخص عملت رينج كبير للمواتير ... و دخلت في كل انواع العربيات بقلب جامد ... انا مش شابف الجمارك عائق في وش اليابانيين .. هم لو ظبطوا نفسهم هاسقدروا يدخلوا برضه السوق المصري ... (بس السوق المصري مش سوق علشان الناس تبقي عارفه ...)

---

طبعا انا معاك احنا مجرد كشك بيبيع عربيات

اقتباس:

---

المشاركة الأصلية كتبت بواسطة gemino

طبعا انا معاك احنا مجرد كشك بيبيع عربيات

---

اقل كمان .. لو رحت اشتريت حاجه من كشك و جيت ترجعها هاتعرف ترجعها ... هنا علشان ترجع عربيه .. مستحيل ...
الناس هنا بتقول ايه .. نفسنا ان الجمارك تتشال و تنزل و مش عارف ايه و نبقي زي الدول المتقدمه ...
التفكير العقلاني : لو فتحوا الجمارك .. و الناس تنزل عربيات باصل تمن+ مينيموم تشارج .. يبقي كده صناعتنا راحت في الباي باي ... و طالما شركه النصر اتباعت و اتخصخص.. يبقي هم كده فهموا الليله و غالباً صناعه السيارات (تجميع السيارات قصدي) هايبوظ ... لسبب واحد .. تعالوا نحسبها بالورقه و القلم اسعار تقريبيه ...
سعر العربيه التمام بره الايكونوميكال و العاديه في متوسط ال 10 الاف يورو .. يبقي 10 الاف في 7= 70 الف .. + مينيموم تشارج قول 10 الاف .. يبقي كده العربيه واقعه ب 80 الف (دي كده زيرو زيرو حاجه فرونت ويل درايف الماني او ياباني ) ..
في حين ان انت عندك الشاهين هنا بتتباع ب 60 الف ... و الشاهين دي لا تعتبر عربيه .. ده خط انتاج اخنا شاريينه من دوجان و بنعمل اعاده تصنيع "تجميع يعني " ..
يبقي لو فتح الجمارك ... هاتضطر الشاهين ترخص .. علشان هيا مش كومبيتابل انها تنافس العربيات التانيه .. يبقي كده الشاهين راح في داهيه .. في حين ان المصانع الاجنبيه هاتنتشر و تتوغل و تشغل الشباب و هكذا ...دي حاجه ...
تاني حاجه .. احنا نجيبها من الاخر ... احنا ماعندناش ضمير ... لأن لو احنا عندنا ضمير .. كان مصنع زي مصنع النصر ده .. عمل ريبوتيشن الاول وعمل سمعه تمام عشان لو حصل خلل في السوق يعرف يسد ... دي حاجه ... تاني حاجه .. مايشتريش خطوط انتاج عربيه قديمه .. يا راجل .. ده حتي خط الانتاج بتاع ال 128 اللي جابوه .. راحو جابوه من الزستافا باين .. .و كان قدامهم خط انتاج فيات نفسه و مرضوش يجيبوه ! ...
ده المفروض حتي لو اشتروا خط انتاج يجيبوا واحد نضيف و يبدأوا يعملوا تطويرات عليها .. يركبوا مواتير جديده و يشوفوا ايه العيوب اللي فيها و يعالجوها و بتاع ..
ده اصلاً المفروض يبتكروا ... ده احنا عندنا الميكانيكيه بيبتكروا ! ... السمكري تلقا عارف حلول لل 128 المصنع مايعرفهاش ! ... ده الواحد بعت ايميل للاداره بتعليقات لي حاجات معينه .. مافكروش يردوا ! الناس بتشوف الفيد باك قبل ما تعمل حاجه ! ...
الواحد نفسه يلاقي عبيه منتج محلي تنافس العربيات الاجنبيه .. بس مش الاجنبيه الصيني ... لاء انا عاوز عربيه تنافس الفئه المتوسطه و الفئه الاقتصاديه ... يعني حاجه تنافس الجولف .. حاجه تنافس البولو حتي .. و في نفس الوقت تكون مناسبه للاجواء ...
ولا حد عاوز يعمل حاجه و كله همه علي المرتب اخر الشهر ........
بس خلاص

طيب انا معاك بس لما الجمارك على الزيرو تنزل حاتنزل كمان على القطع اللى احنا بنجبها من برة و نقعد نلزقها و نطلع عربية ( كاننا بنجمع مكعبات لعب اطفال)

الشركات دي ليها تخفيضات يا باشا ....

اقتباس:

---

المشاركة الأصلية كتبت بواسطة Xpert

اقل كمان .. لو رحت اشتريت حاجه من كشك و جيت ترجعها هاتعرف ترجعها ... هنا علشان ترجع عربيه .. مستحيل ...

---

طيب ممكن تجيبلي بره حالة غيروا فيها العربية بالكامل !!!!

بيعملوا استدعاء و يغيروا القطعة المعيبة

بره لو رحتلهم هاترحلهم كل تغييره زيت ... في اوروبا او اقلك في سويسرا مطرح ما كنت انا عايش ... كنت تلاقي كل العربيات فرز اول ... و مافيش عيوب ... و يوم ما تلاقي عيب .. بيدوك عربيه تركبها بدل العربيه .. و يوم ما يمون عيب كبير ... بيبعتلك يقولك العربيه فيها كذا كذا و هانغيرها .. و لو اصريت انك تصلح .. هايصلحوهالك ...
يا راجل دول بيعملوا سحب كل 3 اشهر علي عربيات زيرو ! ... هنا ناقص ............ كمل انت الفراغ بقي ..

اقتباس:

---

المشاركة الأصلية كتبت بواسطة Ahmed Anwer

طيب ممكن تجيبلي بره حالة غيروا فيها العربية بالكامل !!!!

بيعملوا استدعاء و يغيروا القطعة المعيبة

---

فورد من كام سنة لما كانت بتنزل الاكسبلولر بكاوتش فايرستون معيوب و كان بينفجر و يقلب العربية كانت بتعوض الناس بعربيات جديدة + مبلغ محترم و فى الاول و الاخر السبب الكاوتش يعنى مش العربية نفسها

ام في سنه 96 نزلت موتور 8 سلندر معيوب ...(تخيل لما موتور بقي ينزل معيوب ... ) الموتور ده كان متصمم للسوق الاوروبيه ... و رجعوا نزلوه السوق الامريكيه بناء علي طلب فرع بي ام في شمال امريكا ... الموتور ده عيبه انه : البلو بتاعه الشميز منه فيه .. و كان متصنع من ماده الالوسيل .. و الماده دي بتتفاعل مع البنزين رديء الجوده ... و بعد ما نزل الموتور ده .. لقوا فيه العيب ...راحوا لمين العربيا ( الموديل اسمه 540 اي ) من السوق و بدلوا المواتير علي حسابهم (شوف لما يبعتوا لكل واحد اشتري منهم عربيه .. يشرحوله العيب و يغيروا الموتور ....... و دي سبب ازمه خساره بي ام في سنه 97 - 98 .....افرا عنها لو ماتعرفهاش ;)

ما هوا ده اللي بنقراه علي النت ،،

بيتم عمل استدعاء و يتم تغيير الجزء المعيب ،،

مش بيغيروا العربية بالكامل ،،

و في مصر بيغيروا برده بس انسي انهم يعملوا استدعاء ،،

احنا اللي بنعملهم استدعاء في القسم و كل واحد ياخد حقه

أكيد حضرتك أدري مادام عن تجربة

لاء يا عم الله الغني .. الزيرو مابركبهووش ...انا عدو الزيرو :d