معاك 700 جنيه وعايز تعمل حاجه مفيده اوى فى الياريس تعالى
جيت فى يوم وقولت العربيه كدا شكلها مش تمام بدون فوجات شبوره طب ايه الحل ؟؟؟؟
.
.
.
.
نركب فوجات شبوره طبعا لا ومش كدا وبس نركب كمان زينون كدا درجه واحده
.
.
بصوا انا هقولكم على الماركه بتاعت الحاجات والسعر ومش هقولكم مكانه لانى ركبتهم من عند ادريان فى مصر واتسرقت جااااااااااامد موت وكنت مركبه الطقم دا ب 1000 جنيه لكن هوا بره ب 700 لو دورت حبه
نيجى بقى للخطوات ادى شكل العربيه بدون فوجات
http://store1.up-00.com/Aug10/XKV97336.jpg
شكلها مقرف صح ؟؟؟؟ دى مش عربيتى على فكره بس نفس لونها
.
.
نيجى بقى لما نركبلها الفوجات:3mla:
http://store1.up-00.com/Aug10/zaC97578.jpg
.
.
حلوه صح ؟؟ قولوا بقى بسم الله ماشاء الله علشان العيييييييين :fdsa: وربنا يزيدنى من خيرها ويكفينى شرها :F_eyeb1[1]:
.
.
نيجى بقى للخطوات اللذيذه جدا
1-روح لاى حد محترم بجد بتاع كماليات ( ابعد عن ادريااااااااااااان ) حرامى جدا
2- دور على الفوجات نفس العلبه دى نضيفه وصناعتها تايوانى وزى الكريستال من جوا كدا وخامتها حلوه اوى
http://store1.up-00.com/Aug10/x9p97996.jpg
.
وتمنها 450 جنيه ( انا شاريها من الحرامى ادريان ب 650 جنيه )
جاى معاها الزرار وبيركب جنب زرار المرايا الكهربا والضفيره بتاعته و2 فوج لايت والمسامير و 2 ااغطيه الفبر الى بتتحط مكان الفبره الى مقفوله بتاعت الفوجات الى فى الاكصدام
3- نيجى بقى للزينون روح هات زينون درجه واحده انا مركب الى فى الصوره دا من عنده برضو
http://store1.up-00.com/Aug10/Cks98242.jpg
.
تمنه من عند الحرامى ربنا يجحمه 450 جنيه ال درجه اولى ال صينى كله
نيجى بقى للتركيب
1-قبل اى حاجه اتااااااكد ان اللمبات بتاعت الزينون مقاس h11 ليه بقى لان لو مش مقاسها هتدخل ميه جوا الفوجات ودا الى حصل معايا وغيرتها ل H11 وكان كله تمام
2- روح لكهربائى محترم وامين وشغله نضيف وخليه يركبلك الليله دى كلها
3-اديله بتاع 50 جنيه وانتا وكرمك بقى
نيجى بقى للنتايج
1- تعالى بالليل وشغل النور وشوف كدا ايه النظام
الصراحه معايا كان النور نواااااااسه يمكن لمبه الطابلوه اعلى منها بكتير
اتضايقت جدا ( دا كان اللمبات القديمه الى دخلت ميه علشان مقاسها مش مظبوط ) رحت لواحد بتاع كماليات تانى هاتلى لمبتين مقاس H11 بكام يا عم ب 75 جنيه طب هات يا باشا ورحت ركبتهم
2- جيت بالليل برضو وبنور كدا واذا بالمفاجاه الكبيره
من الاخر ابقى قابلنى لو شغلت اللمبه العاليه الى فوق لان الفوجات مع الزينون اعلى منها بكتير وبترعش بيها تعمى الى ادامك والى جاى فى وشك فى شارع اتجاهين هيطلع راسه ويشتمك من كتر الاضائه :POINTIy2[2]:
غير طبعا منظرها حلو وبصراحه كفائه فى الشوارع الضلمه والمنوره والطرق السريعه الضلمه وكل حاجه وفارش على الطريق ممتاز
.
.
يعنى ايه الحوار كله كان فى اللمبات لو مش عاجباك اللمبات روح شوف نوع تاانى وانا عن نفسى جبت اللمبات من المنصوره من واحد اسمه هادى الفلاح مشهور هنا جنب سور المحطه
وبكدا يبقى انا انجزتلكم الحوار وممكن تعملها قبل الفطار اهو تسليه وااى خدمه يا معلمين :colsmil:
.
.
.
ولو سمحتواا
ماتنسوش الدعاء اهم حاجه وادعولى بالصحه ويبعد عننا العين علشان بجد واخد عين وكل حاجه بتبوظ ويكتبلنا الجنه ان شاء الله
