اسئله عن الساجا

**yasserayad** · 28-08-2010 04:30 PM

ان شاء الله نويت اشترى الساجا بعد متابعه طويله ....ولكن فيه عندى استفسارات اتمنى من مالكى الساجا مساعدتى فيها..........
1- استهلاك البنزين
2- التكييف ومدى جودته فى الحراره الشديده
ولكم جزيل الشكر

**abdoumahros** · 28-08-2010 08:41 PM

اولا السلام عليكم
بالنسبه لاستهلاك البنزين في الاول بيكون عالي شويه وبعد الالف كيلو الاولي بيظبط معدل استهلاكها
الان ( العربيه عامله 2500 كيلو) داخل البلد مع التكييف 12كيلو في اللتر وطبعا في الطوالي اكتر
بالنسبه للتكييف ميت فل والعربيه موش بتسخن ومابياثرش اوي في سحب العربيه

**afr80** · 29-08-2010 01:58 AM

كلام مظبوزط، لكن الاستهلاك بيبقى اعلى شويه في الاوتوماتيك، والتكيف تمام

**mixd99999** · 29-08-2010 01:59 AM

توكل على الله ويلا الحق العرض قبل متزيد اربعة الاف جنيه انتا اولى بيهم وكده كده مافيش اي تغير في الموديل الجديد
ان شاء الله انا نازل احجز الاسبوع ده لو مستعد ممكن ننزل مع بعض يمكن ناخد خصم اضافي

**yasserayad** · 29-08-2010 03:02 AM

المشاركة الأصلية كتبت بواسطة mixd99999

توكل على الله ويلا الحق العرض قبل متزيد اربعة الاف جنيه انتا اولى بيهم وكده كده مافيش اي تغير في الموديل الجديد
ان شاء الله انا نازل احجز الاسبوع ده لو مستعد ممكن ننزل مع بعض يمكن ناخد خصم اضافي

ياريت والله.........بس مش حاينفع لانى ان شاء الله حاجيبها قسط مش كاش.........
ايه رايكم فى الالوان ياجماعه....
مافيش غير اسود وابيض وفضى واحمر
ايه رايكم...........

**spiderloking** · 29-08-2010 03:31 AM

كلام الناس اللي فوق كله تمام انا معايا ساجا سوده اوتوماتيك انا عن نفسي بحب اللون الاسود فيها شياكه و حلو اوي في التظبيط لو انت من هواه التظبيط و كمان بصراحه لاحظت حاجه مهمه اوي العربيات اللي لونها فاتح بيبان فيها اي خربشه او اي حك في الصاج لقدر الله هوه الاسود رخم شويه لأنو علي طول لازم تمسحها علشان التراب و بيبان فيه بسرعه بس اتفرج عليها لما تتغسل و تتمسح ملهاش حل و الاسود بتاعها ميتاليك و فيه لمعه غير الاسود اللي بتشوفوا في العربيات التانيه

**ykdl** · 29-08-2010 06:55 PM

انا الساجا بتاعتى مانيول بس حاسس ان استهلاك البنزين بتاعها عالى اوى بالنسبة لعربية 1300
انا حسبتها عملت 52 كيلو ع الطريق وشغلت التكيفف نص المسافة بس وفونت تانى لقيتها استهلكت 4.8 لتر
بيتهيألى ده كتير اوى هى العربية لسه ما كملتش 500 كيلو
هل الاستهلاك هيتحسن من نفسه؟
ولا اقولهم فى صيانة الالف وهم هيظبطوه؟
وفى عضة خفيفة كده فى النقلات هى عادية ولا هيظبطوها فى الصيانة برضه؟

**vsaga** · 29-08-2010 07:08 PM

1-استهلاك بنزين للمانيوال 10 لتر لكل 100 كيلو بالتكيف وده داخل اخنق بلد واخنق مرور فى العالم واقذر شوارع حصلت والله يعين كل العربيات -- معلش مخنوق شوية من كتر المطبات والحفر اللى بخدها والعربية بقت صعبانة عليا
2-كفايا اقولك انى جالى دور برد بسبب تكييف العربية لان تلاجه وكنت بطلع من اخد ضربة الشمس تانى يوم اقعد فى السرير