صور سيارتي السيات 133 موديل 1978 بلا خجل وبلا كسوف وبكل فخر

**DONYO** · 09-03-2008 03:51 PM

والله انا مش عارف اية طرنبة المية دي ولا طرمبة البنزين فين بس انا رحت بيها الساحل الشمالي في شهر 8 عادي جدا ومشاواري معقولة تتراوح من 40 الى 50 كم يوميا وانا كنت شاريها غالية شوية بـ9750 جم علشان الجنوط والموتور المتعدل وصرفتلها كاوتش وبطارية وشوية تظبيط حوالي 2000 جم لحد ما وصلت لمرحلة الاستقرار بس اهم حاجة اللى تخليها تصمد الصيانة بانتظام

**DONYO** · 09-03-2008 03:58 PM

اشكركم جميعا على اهتمامكم

**mohamed_rhem** · 09-03-2008 04:07 PM

مبروك يا باشا

**M_HaFeZ** · 09-03-2008 04:23 PM

ربنا يبارك لك فيها ويرزق وتغيرها لاحسن منها

**hfekry** · 09-03-2008 04:28 PM

بص يا سيدى .
طرمبة المياه
دى الجزء المسئول عن دورة المياه فى العربية يعنى هى اللى بتاخد المياه السخنة من الموتور وتعديها على الردياتير علشان تبرد . اما مكانها فين . مش مهم تبقى عارف مكانها فين بس المهم تبقى عارف وظيفتها ايه وايه هى الأعراض اللى بتحصل لما تبوظ .ولاقدر الله لو باظت . العربية هتسخن . ولو شلت الغطاء بتاع الردياتير وزودت بنزين هتلاقى المياه بتتحرك وده معناه ان الطرمبة شغالة كويس .
طرمبة البنزين
دى الجزء المسئول عن دورة البنزين ودى لاقدر الله لو مش شغالة العربية تقطع واحتمال ماتدورش أصلا

**thegoodhacker** · 09-03-2008 05:18 PM

المشاركة الأصلية كتبت بواسطة hfekry

ولو شلت الغطاء بتاع الردياتير وزودت بنزين هتلاقى المياه بتتحرك وده معناه ان الطرمبة شغالة كويس .

كلام سليم بس اياك تعمل الحركة دي و موتور العربية سخن علشان مياه الرادياتير بتبقي سخنة و ممكن لا قدر الله تلاقي المياه تفور في و شك
ممكن تعمل الحركة دي لو انت لسة مدور العربية بعد ما كنت راكنها و موتورها بارد

و ربنا يباركلك في عربيتك و يديلك خيرها و يبعد عنك شرها ........

**hfekry** · 09-03-2008 05:42 PM

المشاركة الأصلية كتبت بواسطة thegoodhacker

كلام سليم بس اياك تعمل الحركة دي و موتور العربية سخن علشان مياه الرادياتير بتبقي سخنة و ممكن لا قدر الله تلاقي المياه تفور في و شك
ممكن تعمل الحركة دي لو انت لسة مدور العربية بعد ما كنت راكنها و موتورها بارد
........

كلام سليم . وشكرا للتنبيه . فاتتنى ان أقول الكلام ده والعربية باردة -

**amr mokhtar** · 09-03-2008 06:07 PM

هقولك على حاجة يمكن مش هتصدقها.. كان عندنا سيات 133 .. و الكلام ده من زمان شوية يمكن سنة 95 والدى كان بيشتغل فى الإسماعيلية وسافرنا بيها إسماعيلية و بورسعيد من الإسكندرية و الرحلة كانت ان إحنا بيتنا فى القاهرة عند ناس قريبنا و تانى يوم يوم نشد الرحال على الإسماعيلية

و الله كتير مش بيصدقوا الرحلة دى بس اللى انا فاكره ان السيات اللى كانت معانا كانت حالتها ممتازة و الله يمكن أحلى سيات شفتها لحد النهاردة (مش غرور يعنى) بس هى دى الحقيقة

و لحد دلوقتى لما بشوف سيات او أركبها أفتكر ايام الطفولة الجميلة

ربنا يباركلك فيها و خد بالك منها و بالصيانة الدورية إن شاء الله العربية هتريحك