يا جماعة حد عندة علم سعر اودي a4 2008 الشكل الجديد ممكن يكون في حدود كام؟
وهل الواحد يشتريها ولا بلاش؟
عرض للطباعة
يا جماعة حد عندة علم سعر اودي a4 2008 الشكل الجديد ممكن يكون في حدود كام؟
وهل الواحد يشتريها ولا بلاش؟
اية يا جماعة مافيش رد ولا اية؟
يا جماعة حد عندة علم سعر اودي a4 2008 الشكل الجديد ممكن يكون في حدود كام؟
وهل الواحد يشتريها ولا بلاش؟
يا جماعة حد عندة علم سعر اودي a4 2008 الشكل الجديد ممكن يكون في حدود كام؟
وهل الواحد يشتريها ولا بلاش؟
ممكن تلاقيها في حدود 155 .. 160 الف ...
هيا طبعاً كماركة و كعربية حاجة تانية و احساس تاني .... كفاية انها اودي .. يعني كفاية الاسم :)
طبعاً هيا ح تديك تميز عن اللي حواليك .... :)
بس في نقطة ...
استعمال يعني :
- لو رحت للتوكيل علشان صيانة , ح تكع مبلغ محترم ......
- و لو رحت له علشان قطع غيار , برده ح تكع مبلغ محترم .....
- و لو فكرت اك تدور في قطع غيار و صيانة برا التوكيل , اظن مش حتلاقي الا واحد او اتنين في الجمهورية بحالها ... و لو لقيت , برده ح تكع مبلغ محترم ......
لو انتا مش هامك المواضيع دي .... خلاص توكل على الله و هاتها , لأنها عربية جميلة بكل المقاييس :)
والله يا جماعة انا محتار فعلا انا شايف اعلان علي كونتاكت كار لعربية 2007 ب 155 الف جنية فتقريبا كدة الكلام صح بالنسبة لسعر 2008
بس معقول الشكل الجديد 1800 سي سي والمحرك الجديد وتكون مستعملة ب 165 الف بس دي العربية دي ملهاش حل
ودة رابط الاعلان اهو
ContactCars | السيارات المستعملة
الأودى معروف انه سوقها مش ماشى فى مصر
و بتنزل جامد فى المستعمل
يعني حضرتك متاكد من السعر دة 165 الف لموديل 2008 امال علي كدة 2009 بكام؟
دي حضرتك الجديدة ب 360 الف
وخلي بالك من حاجة ابتداء من 2008 الشكل الجديد والمحرك الجديد 1800 و i drive
دة معقول فعلا؟وحضرتك تعرف لما احب اشتري واحدة مويديل 2008 او 2009 الاقيهم فين بالظبط؟
واسف علي الاطالة
أولا العربية 2008 هيا الشكل القديم 1600 مانيوال سعرها فعلا كده ويمكن ارخص كانت فى واحدة نضيفة كحلى على 136 تقريبا قريب اما الشكل الجديد 1800 تريبترونيك ده مش سعرها خالص هيا اغلى ممكن تتباع مثلا 200 علشان حدود 160 دى بتاعة a3 مش a4 وطبعا الاثنين شكلهم وامكانيتهم وكل حاجة جامدين جدا مع ملاحظة ان الشكل الجديد فيها شويه عيوب من وجهة نظرى كبيرة جدا زى تسارعها من 1/100 تقريبا اكتر من 10 ثوانى حوالى 12 وكسر تقريبا وده يعتبر رقم كبير وثانيا لو لقيت عربية تشوفها كويس ومش لازم يشدك السعر علشان رخيصة اهم حاجة تكون نضيفة وبالنسبة لقطع الغيار تقريبا كله موجود وكفايه انك راكب اودى ومش منتشرة ودى لوحدها كفايه وشكرا
يا تري بعد اذن حضرتك توضحلي فبها عيوب اية الشكل الجديد غير التسارع؟
و حضرتك متاكد من موضوع التسارع دة ؟ولو علي كدة هل يكون الشكل الجديد افضل من القديم؟
وراي حضرتك اشتريها ولا لا؟متهيالي بنفس المبلغ ممكن اجيب باسات او فنتازيا هاي لاين او بي ام 316 طبعا كلهم غالبا كسر زيرو ؟
فراي حضرتك اية؟
عايز تركب عربية فخمة و تستمتع بكل لحظة في قيادتها هات BMW بدون تفكير , بس حسب ميزانيتك لو ممكن توصل ل230000ج هات 320 2008 (كل الكماليات و idrive ) , لو معاك حدود 180000-190000 ممكن 320 2006 بدون idrive ,و ممكن لو اقل من كده تجيب 316 (manual) في حدود 150000ج , ده كله في الE90 الشكل الحالي للفئة الثالثة , اما الشكل اللي قبله E46 , ممكن تجييب هاي لاين 2005 في حدود ال150000 الى 160000 (اوتو ,فتحة سقف).:satelite: انا طول عمري من عشاق الاودي بس للأسف مصر مش بلدها و محدش بيقدرها.
سلام عليكم
يا جماعة حد عندة فكرة عن سعر تقريبي لاودي a 4 موديل 2009 الشكل الجديد يعني؟
وادور عليها فين؟
وتقيمكم اية للعربية دى؟
ياريت الرد علي بسرعة لوسمحتم
العربيه ميزتها ليك كمشتري ان سعرها بينزل قوي في اعاده البيع يعني تقريبا هتلاقيها في رينج 200-250ألف حسب الحاله والكيلومتر وهتتعب على متلاقي حد بيبيعها فخدها من قصيرها واسأل في التوكيل او في معرض زي المنيب بتاع الميرغني بس هتلاقي اسعارهم اعلى من السوق
هي عربيه لاتقل عن المرسيدس والبيمر بس محدش يعرف قيمتها هنا
شوف البي لم 320 نفس الموديل بكام وقلل عنه مبلغ محترم
ياة معقول بالسعر دة انا لسة شايف عربية علي كونتكت كار عاملة 155 الف وممكن تتهز شوية وكانت موديل 2007 يعني اعتقد الفرق هيكون 20 بااكتير 30 الف ولا راي حضرتك اي؟
ContactCars | السيارات المستعملة
زي ما الأخ قالك موديل 2007 حاجه وده حاجه تانيه مختلفه حتى في الموتور والناقل وتقريبا الشكل وبعدين اللى فهمته من كلام حضرتك انتك عايز العربيه تبقى ب175ألف مثلا؟ ازاي وهي سعرها 350ألف جديده هو فيه عربيه في العالم بتخسر نص سعرها في سنه!!!! حتى لوكانت أودي اللى هيا سوقها مش ماشي هي أقل حاجه خالص تبقى200ألف وده هتلاقيها حاله متوسطه وهيكون موديل 2011نزل(لو لقيتها أصلا)وتقبل تحياتي