الموضوع: انا خلاص حستلم ممكن تساعدونى؟

المشاركة الأصلية كتبت بواسطة dr_alshimaa

أولا انا عايزة احييكم جدا لأنكم ناس ذوق و محترمين و دة اللى شجعنى انى اشارك معاكم و دى أول مرة ليا أشارك فى أى منتدى.

شكرا جزيلا علي زوقك وان شاء الله مش اخر مرة معانا

المشاركة الأصلية كتبت بواسطة dr_alshimaa

اناكان معايا 128 موديل 2006 و حجزت لوجان 2011 و ان شاء الله حستلم فى خلال يومين ثلاثة بالكتير. بس كان ليا بعض الأسئلة أرجو إنكم تستحملونى و تجابونى عليها:

انا كمان من اسكندرية ولو احتجت اي مساعدة انا تحت امرك وممكن نتعرف علي الخاص

المشاركة الأصلية كتبت بواسطة dr_alshimaa

1- اتصلوا بيا من التوكيل( داون تاون اسكندرية ) و قالولى إن السعر حيزيد 500 جنية علشان الوزير طرس غالى عمل ضريبة 9% على العربيات يعنى حيبقى السعر 68500 جنية لو حد يعرف اذا كان دة حقيقى ولا لأ لأنهم لآخر وقت بيأكدولى ان السعر مش حيزيد لأنهم هما اللى أقنعونى استنا و آخد 2011 بدل 2010 .

السعر زاد فعلا 500 جم بس مش بسبب الجمارك لان اللوجان معفية اصلا من اي جمارك

المشاركة الأصلية كتبت بواسطة dr_alshimaa

2- سمعت انه لازم أركب باركينج سنسور علشان الشنطة عالية فياريت اللى معاهم لوجان يفيدونى فى النقطة دى.

لا انا رايي انك حتتعود بسهولة خصوصا ان عربيتك مرايات كهربا وده حيساعدك في الركن كتير وانا شخصيا معايا تريوس واظن ان محدش عده شنطة اعلي من اللي عندي

المشاركة الأصلية كتبت بواسطة dr_alshimaa

3- نوع البنزين المستخدم لأنى سمعت كلام كتير ما بين 80 و 90 و 92 و 95 .

رينو نفسها بتقول 80 لان العربية مصممة للعالم الثالث ورومنيا نفسها (الدولة المصنعة) بتعتمد عليه ونسبة انضغاط المحرك 9.5 مش 10 زي العربيات اللي بتحتاج 92 لكن لازم الوكيل يقولك حط 92 مهو مش دافع حاجة من جيبه وعايز الناس تبقي مبسوطة ويبقي هو في الامان

المشاركة الأصلية كتبت بواسطة dr_alshimaa

4- ايه الحاجات اللى أبص عليها و أنا بستلم أنا شليفة ناس كاتبة انه الكاسيت متغير أو هواية مكسورة ممكن ده يحصل و انتى بتستلم من التوكيل؟

بكرر شكرى ليكم و آسفة على الأطاله.

اعتقد ان الاخوة جاوبو باستفاضة واليك الملف التالي حيساعدك نزله من المرفقات

Hotfile.com: 1-CLICK Dateihoster: RENAULT LOGAN CkeckList.xls