127 توب ب 8000

**abdousharkawy** · 28-08-2010 07:10 PM

اخوانى ارجو المشورة معروض عليا 127 توب موديل 78 على 8000 جنية ايه رايكم فى السعر وايه رايكم فى الموديل بصفة عامة وهل تتحمل السفر كل اسبوع برجاء الافادة

**semsem_uno** · 28-08-2010 07:47 PM

حضرتك مش موضح اي حاجة لا اذا كانت ال1300 ولا ال1050 ولا ال950
و الشنطة اللي ورا بتتفتح كلها ولا نصها
ولا الحالة
و عامتا طبعا تستحمل بس انتا تجددها لما تشتريها و هتلاقي عربية فاجرة معاك

**abdousharkawy** · 28-08-2010 08:23 PM

شكرا لرد حضرتك وهى 1050 سى سى بس حكاية الشنطة دى مااعرفش .

**semsem_uno** · 28-08-2010 08:25 PM

المشاركة الأصلية كتبت بواسطة abdousharkawy

شكرا لرد حضرتك وهى 1050 سى سى بس حكاية الشنطة دى مااعرفش .

كده غالبا هتكون اللي بتتفتح كلها
و السعر كويس مش وحي لأن التوب ديه هي الأصل اصلا

**abdousharkawy** · 28-08-2010 08:58 PM

يعنى تقدر تسافر كل اسبوع من المنصورة للاسكندرية والعكس ولا الموتور هيفوت ارجو الافادة

**semsem_uno** · 28-08-2010 09:30 PM

المشاركة الأصلية كتبت بواسطة abdousharkawy

يعنى تقدر تسافر كل اسبوع من المنصورة للاسكندرية والعكس ولا الموتور هيفوت ارجو الافادة

و هو ايه دخل تفويت الموتو بالسفر ؟

هو حضرتك بتفضل ماشي عالأول مش بتنقل ولا ايه

**abdousharkawy** · 28-08-2010 09:43 PM

ياسيدى انا مااعرفش انا بستفسر يعنى تقدر تسافر كل اسبوع

**semsem_uno** · 29-08-2010 01:06 AM

المشاركة الأصلية كتبت بواسطة abdousharkawy

ياسيدى انا مااعرفش انا بستفسر يعنى تقدر تسافر كل اسبوع

عربية دورة التبريد بتاعتها سليمة و الموتو صيانته الدورية مستمرة و زيته كويس و العربية عفشتها تمام مش هتتفكك من بعضها و الزوايا تمام متسافرش ليه ؟؟ هي يعني العربيات ال800 سي سي اللي في السوق جديدة مش بتسافر بردو؟؟؟ انما مش تسيبها تعبانة و تجيبلها رخيص و تلصم فيها و بعدين تسب و تلعن فيها و تقول ماهي كده كده جايبها رخيصة اصرف عليها ليه

و علشان اريحك اي عربية استعمال حطلها في جيبك 2500 جنيه (عفشة و فوانيس و لزوم اضاءة و كهرباء و لو الموتور عايز حاجة او طلعلك حاجة بعد فترة)

و ايوة طبعا تسافر و تدخل اوتو كروس و تأمرك و تعمل كل اللي انتا عايزو بس انتا شوف حاجة كويسة و بقدر الأمكان مش عاملة حادثة جامدة و الباقي مقدور عليه و ادينا يا سيدي معاك هنا عالمنتدي لو في حاجة عايزها بس انتا تدخل تتابع مش تبطل بعد ما تجيبها

و انا شوفت موضوعك التاني اللي بتقول بولونيز او 127
البولونيز كوسية مش وحشة بس متفتكرش انها موديل حديث و مش هتصرف لأننا في 2011 و العربية ديه من 87 ل93 او 92 يعني بردو معمولة من ابل ما انا اتولد

موديل حديث يعني من 2000 ونتا طالع مع ان مش شرط بردو في عربيات بتتقلب منن اول 1000 كيلو و ممكن عربية تكون معدية ال 200 الف و صاحبها مهتم بيها و تشوفها زيرو

**memononos** · 29-08-2010 05:12 AM

المشاركة الأصلية كتبت بواسطة semsem_uno

عربية دورة التبريد بتاعتها سليمة و الموتو صيانته الدورية مستمرة و زيته كويس و العربية عفشتها تمام مش هتتفكك من بعضها و الزوايا تمام متسافرش ليه ؟؟ هي يعني العربيات ال800 سي سي اللي في السوق جديدة مش بتسافر بردو؟؟؟ انما مش تسيبها تعبانة و تجيبلها رخيص و تلصم فيها و بعدين تسب و تلعن فيها و تقول ماهي كده كده جايبها رخيصة اصرف عليها ليه

و علشان اريحك اي عربية استعمال حطلها في جيبك 2500 جنيه (عفشة و فوانيس و لزوم اضاءة و كهرباء و لو الموتور عايز حاجة او طلعلك حاجة بعد فترة)

و ايوة طبعا تسافر و تدخل اوتو كروس و تأمرك و تعمل كل اللي انتا عايزو بس انتا شوف حاجة كويسة و بقدر الأمكان مش عاملة حادثة جامدة و الباقي مقدور عليه و ادينا يا سيدي معاك هنا عالمنتدي لو في حاجة عايزها بس انتا تدخل تتابع مش تبطل بعد ما تجيبها

و انا شوفت موضوعك التاني اللي بتقول بولونيز او 127
البولونيز كوسية مش وحشة بس متفتكرش انها موديل حديث و مش هتصرف لأننا في 2011 و العربية ديه من 87 ل93 او 92 يعني بردو معمولة من ابل ما انا اتولد :oc_sun1[1]:

موديل حديث يعني من 2000 ونتا طالع مع ان مش شرط بردو في عربيات بتتقلب منن اول 1000 كيلو و ممكن عربية تكون معدية ال 200 الف و صاحبها مهتم بيها و تشوفها زيرو

الراجل ده جابلك المفيد

**mody100** · 29-08-2010 02:29 PM

بص طبعا التوب عربية جميلة جدا جدا على فكرة انا معايا توب اتوكل على الله و خدها بص اكشف عليها الاول و اهم حاجة فى 27 عموما انك تبص على الحوض شوف فى شروخات ولا لا و على البارومة والافضل انك ترفع العربية تبص عليها لان اغلبية ال 27 بتكون فيها شروخات فى الارضية ولو عايز حاجة انا تحت امرك