الموضوع: عاوز اشترى نيسان وخايف

المشاركة الأصلية كتبت بواسطة harizy

بص يا برنس كل سنة وأنت طيب الأول.

ثانياً أنا اللى خلانى أرد عليك أن فعلاً ردك مستفز وكمان أنا شايف ــ بعد إذنك ــ أن تعليقك لا محل له من الإعراب يعنى صاحب الموضوع دخل قسم النيسان يسأل أصحاب النيسان عن السيارة يعنى اللى امتلكوها واللى ركبوها واللى ـ لا مؤاخذة وبدون زعل ـ بيفهموا فيها، وأنا بصراحة مش عارف موقع سيادتك فين من تلك الفئات بس شكلك كده لا امتلكتها وربما تكون ركبتها ولكن أكيد مبتفهمش فيها وده مش عيب ولا حرام؛ إنما العيب والحرام أننا نجادل أصحاب العلم بدون دليل اللهم إلى المجادلة.

ثالثاً، وأنا بصراحة شاكر سعة صدرك أنك فضلت تقرأ ردى لحد ثالثاً، المهم ثالثاً أن النيسان مش صناعة مصرية إنما هى تقفيل مصرى يا برنس تحت إشراف إدارة يابانية فى مصنع بمدينة ستة أكتوبر؛ يعنى الخامات مستودرة من اللى أنت بتعشقها وبتدافع عنها وبتفضلها عن الصناعة المصرية، يعنى استشهادك بالفيات والادا قياس فى غير محله يا زعيم؛ ثم أن التقفيل مصرى كمثال بسيط زى البى إم والمرسيدس دول برضوا تقفيل مصرى ولا أنت عايز تقول أن أنا لو معايا 500 ألف مشتريش مرسيدس ولكنى اشترى ثلاثة أوكتافيا لأنها مستوردة بصراحة منطق غريب.


رابعاً؛ وأنا مش متخيل أنك هتوصل لحد رابعاً؛ بس المهم رابعاً المقارنة بين السيارات لا تتم من حيث بلد المنشأ أو جنسية الصناعة ولكن من حيث اعتبارات كتيرة جداً من ضمنها الانتشار وقطع الغيار والصيانة والسعر والمعاملة الخاصة بالتوكيل وأماكن انشاره ............ إلخ،

وبعدين أنا عايز أسألك سؤال لو إنت عايز تشترى عربية مستعملة وبتقارن بين نيسان مو 2000، وهيونداى أكسنت مو برضه 2000 ، شوف سعر دى كام وقتها ودى كام وقتها، ثم شوف حالة دى إزاى وحالة دى إزاى، وبعدين سعر وسعر دى الآن، وبعدين إسأل رأى الناس إيه وهيرشحوا لك أى سيارة بين الاثنين، وبعدين خد الجواب وتعال موديل موديل، سنة سنة، واحدة واحدة لحد مو 2010، وإنت تعرف المقارنة تتم إزاى وعلى أى أساس.

وأخيراً وانت بتتقبل تحياتى وردى عليك، عاوز أقولك أن العربيات زى الجواز قسمة ونصيب يعنى كل واحد مكتوب له هيركب عربية نوعها إيه وهيمشى بها فين وقد إيه، يعنى الأمر محدد سلفاً، لو مفهمتش أنا عايز أقولك إيه فإنا بقولك إن أى عربية الواحد بيركبها وبتقضى أغراضه وقادر على مصاريفها تبقى دى أحسن عربية فى الدنيا ومفيش أحسن منه فهمت يابرنس، ومرة أخرى وأخيرة كل سنة وأنت طيب

الله على ردك يا استاذ محمد وموافقك تمام الراى
وحط عليهم الراى فى التيد كمان اللى قاله اللى بيقول عليها فاشلة

واضح ان العضو بيمشى ورا قصة المبيعات وبس
واضح ان مركبش اللى بيقول عليهم دول خالص
واضح ان مسمعش على العيوب اللى قالوا عليها الاعضاء من ملاك النيو اكسنت فى قسم هيونداى
حتى واضح انه مسمعش عن عيوب الاوبترا كمان , والالنترا وكل دول فيهم عيوب
فواضح انه رد بمبدا تعصب وخلاص

انا عمرى ما سمعت عن الصنى بامانة اى مشكلة غير مشاكل فردية فقط وبتتحل وعمرها ماكانت مشاكل فى الماتور لقدر الله

والحمد لله عمرى ما سمعت ان فى مركز خدمة وتوكيل محترم غير نيسان
عمرى ما سمعت عن مواتير معمرة يابانى غير مواتير نيسان

فياريت حد يقنعنى بغير كدا
زى ما كل الاخوة الاعضاء اللى ردوا واقنعونا ياريت يكون فى ردود مقنعة , مش لادا وفيات


ههههههههه بقا التيدا فاشلة
من اى ناحية بنتكلم
بنتكلم من ناحية مبيعات
ولا بنتكلم من ناحية ماتور وتقفيل ويابانى بالكامل , ولا من اى ناحية بالظبط

ده الناس بقة بتجرى على العربيات اليابانى دلوقتى من ساعة المشاكل اللى بيلاقوها فى الكورى

والحمد لله الناس كلها اقتنعت بعد ما الكورى اخدله فترة فى السوق , اقتنعوا بركوب اليابانى
والتيدا ابتدت فى الانتشار , وغير كدا الناس سلمت ان الكل بقا غالى ومفيش حاجة اسمها ده ارخص من ده فى قطع الغيار


اركب عربية المانى زى اللى كنت راكبها او اى عربية يابانى وانت تعرف معنى انك تنسى ماتور ل10 سنين قدام ويمكن اكتر كمان


نفسى اعرف حضرتك بتحكم باى مبدا بالظبط حتى التيدا اليابانى بالكامل مش عجباك
فعلا النيوا اكسنت والاوبترا والالنترا والسيراتو افضل من التيدا الفاشلة هههههههههههه :b4_388:


كل مرة تقولنا بكلمة

اقنعنا عن حق الله يباركلك من غير ما تحرق دمنا بكلام مالوش منطق ولا قاعدة

وفعلا الموضوع بجد اخد اكبررررررررر من حقه وياريت يكون بحق مقنع


وياجماعة اسف لعدم ردى بعد كدا لعدم الردود بغير اقناع وتجربة وادلة , عشان الواحد بيتحاسب على الكلام اللى بيقوله , ولازم المعلومة اللى اقولها لاى واحد بيسال على عربية , تكون عن تجربة فعلية وليست كلام من الهواء
عشان متحسبش عليه يوم الدين

وتقبلوا تحياتى

المشاركة الأصلية كتبت بواسطة mmffor

على فكره التيدا منتشررررررررررررررررررره جدددددددددددددداااااااااا ااااااااااا جدددددددددددددددااااااااا اااااا في الامارات و واخده وضعها و سمعه ممتازه ى هناك و والله بيفضلوها عن الكورولا كمان لانها اوسع من الكورولا بمراحل من جوهى واداء موتورها و فراملها فوق الوصف! عربيه واسعه بجد و عمري مفهمتش اعلانها الا لما ركبتها بنفسي! تنذهلت و انبهرت و لو معايا فلوسها لأشتريها بدل ما اشتري سيراتو ولا النترا و ولا كروز!

انا كمان ليا اصدقاء فى قطر قالولى ان التيدا منتشرة هناك كتير جدااااا
وان السيراتو محدش بيجيبها من السكان الا مكاتب التاجير او الشركات عشان الموظفين ومحدش بيركب النيو اكسنت والالنترا ولا الكورى كتير هناك
ولا حتى فى السعودية ومعظم الدول العربية
اللى بركب النيو اكسنت والكورى فى السعودية بيعتبروه راكب توك توك
ابن خالتى اول ما سافر السعودية جاب اكسنت
قالى الناس كانت بتبصلى باحتقار وكنت حاسس انى زى اللى راكب قردة فى مصر
والتيدا ابتدت تنتشر فى مصر وبقينا نشوفها كتير
فى النهاية هى اذواق ولولا اختلاف الآراء لبارت السلع
اللى يعجبنى ممكن ما يعجبش حضرتك
والامكانيات اللى احتاجها فى العربية ربما تختلف عن غيرى
يعنى كل واحد فينا له احتياجات معينة فى العربية اللى بيختارها وبناء عليه بيحدد اختياره
اتمنى تتقبلوا مرورى