المشاركة الأصلية كتبت بواسطة ahmed.tv
اخى الكريم واضح انك متعصب جدا للكورى ولكل ما هو كورى
بس عاوز افهمك نقطة
مفيش حاجة كاملة ابدا لان الكمال لله
واذا كان مش حيفرق معايا خامات تقفيل ورزع ابواب لكن اللى حيفرق معايا ماتور محترم ومعمر لسنين قدام وقطع غياره الاصلية بتعيش وبتشيل
انا كان قدامى كل العربيات الكورى وكل اليابانى ومن فئة 80 الف لغاية 115 الف
وكان قدامى الاكسنت والالنترا والسيراتو والصنى والاوبترا والتيدا
كل دول فيهم عيوب , ولكن انت بتاخد اللى بتتغاض عنه والمهم معاك يعيش لسنين
بمعنى
الصنى بغض النظر عن كلامك اللى انا شايف انه فيه ظلم كبير ليها وعن رزع الابواب ولا اكنها عربية نقل , كنت حختارها , عن النيو الاكنست , والاسباب , ان التوكيل ومراكز الخدمة محترمة جدا ومش زى غبور ابدا
والحاجة التانية عربية ماتورها يابانى مش ملعوب فيه غير فى الضفيرة مصرى ,واذا كان فيها مشكلة بتتغير وبيابانى كمان
قطع غيارها يابانى ومعمرة جدا
يا فرحتى لما اجيب عربية تقعد معايا كام سنة وابتدى اغير فى قطع غيار والعربية تتعب معايا , وحتى قطع الغيار المنتشرة بره التوكيل مش اصلى , ومش معمرة
خالينا نتفق , ان لكل واحد فينا قاعدة , ولكل واحد فينا نظرية ومبدا ماشى عليه , وكل واحد مننا بيقدر يتغاضى عن حاجات فى سبيل حاجات اهم , وهكذا
انا زى ما قولتلك كنت حجيب الصنى ومحصلش نصيب, عشان محتاج عربية واسعة وجبت التيدا ,
ولو سالتك دلوقتى
هل التيدا اليابانى بالكامل مش افضل من الالنترا والسيراتو , حتجاوب عليه وتقولى ايه !!!!!
بردوا حتقولى الكورى يكسب ولا ايه ؟!
وحتقنعنى بقصص اخرى مثل الشكل والثبات , والكماليات العديدة
اللى كل دول مش بيفرق معايا ببصلة , لان الثبات مش محتاجه لان محدش بيمشى اكثر من 100 فى البلد دى , وكمان يا فترحتى بالكماليات قدام عربية عفشتها ناشفة ومش مرتاح فيها وكمان ممكن الكماليات دى تبوظ بعد فترة وابقا عملت ايه
فواضح ان الفكرة فكرة تعصب منك
وصدقنى انا مش متعصب لاى حاجة ابدا , بالعكس انا بحب اشوف الالنترا قدامى , وبحب اشوف السيراتو وكل العربيات
ولكن كل واحد فينا بيركب من منطلق شخصى عايش بيه ومن منطلق اللى حيريحه لسنين قدام
تقبل تحياتى