عاوز اشترى نيسان وخايف

**ahas79** · 28-08-2010 04:37 PM

اهلا بكل الاعضاء
بجد عجبانى النيسان شكلها(ودى ازواق بقى) وسعرها
بس كل اللى اعرفهم بيخوفونى من اكتر من عيب ليها
1)البنزين بتاكل بنزين لانها تقيلة وموتورها جامد
2)قطع غيار غالية وفى حجات مش متوفرة زى ان ملهاش فلتر بنزين وان اللى بيتغير الطلمبة كاملة ودى تمنها1800
الناس نصحتنى بالنيو اكسنت لانها افضل فى النقطتين

**Youssef.Awad** · 28-08-2010 05:44 PM

المشاركة الأصلية كتبت بواسطة ahas79

كل اللى اعرفهم بيخوفونى من اكتر من عيب ليها
1)البنزين بتاكل بنزين لانها تقيلة وموتورها جامد
2)قطع غيار غالية وفى حاجات مش متوفرة زى ان ملهاش فلتر بنزين وان اللى بيتغير الطلمبة كاملة ودى تمنها1800
الناس نصحتنى بالنيو اكسنت لانها افضل فى النقطتين

ازاى مالهاش فلتر بنزين ؟!!!!!!!!!!!!!!!
انا اول مرة اعرف الموضوع ده
ده فيه عربيات قديمة جداااااااا وليها اتنين واحد قبل الكربراتير والتانى بعد تنك البنزين
هما فاكرين نفسهم فى اوروبا ولا فى اليابان !!!!!!!!!!!!

**Bishoy.Girgis** · 28-08-2010 09:37 PM

المشاركة الأصلية كتبت بواسطة fady_anis

رأيي .. لا وجه للمفاضله بين السيارة اليابانية والسيارة الكورية

حضرتك ذكرت ان العربيه تقيله وموتورها جامد ودى اهم حاجه تدور عليها فى اى عربيه وبالنسبه لقطع الغيار حضرتك بتشترى عربيه جديده يعنى الكلام عن قطع الغيار واسعارها سابق اوى على آوانه

اتمنى اكون قدرت اوصل لك وجهة نظرى

وانا وكل اعضاء المنتدى الكرام تحت امرك فى اى استشاره

كلام مظبوط 100% و حضرتك لازم تقرا المواضيع المثبتة علشان تلم باكتر معلومات ممكنة عن العربية و حضرتك لو بتفاضل بنها و بين اي عربية تانية يبقي ممكن تعمل موضوع مقارنة في قسم المقارنات بالمنتدي
و اي خدمة

**adel1212** · 28-08-2010 09:39 PM

المشاركة الأصلية كتبت بواسطة ahas79

اهلا بكل الاعضاء
بجد عجبانى النيسان شكلها(ودى ازواق بقى) وسعرها
بس كل اللى اعرفهم بيخوفونى من اكتر من عيب ليها
1)البنزين بتاكل بنزين لانها تقيلة وموتورها جامد
2)قطع غيار غالية وفى حجات مش متوفرة زى ان ملهاش فلتر بنزين وان اللى بيتغير الطلمبة كاملة ودى تمنها1800
الناس نصحتنى بالنيو اكسنت لانها افضل فى النقطتين

لو الشكل عجبك توكل على الله بدون تردد
بالنسبة للبنزين معايا بتعمل 200كم/20لتر تقريبا فى ظروف التشغيل العادية
زحمة_دائرى_بالتكيف وبدون
وكفاية انك راكب عربية تحت رجلك
قوة و امان ما شاء الله
بالنسبة لقطع الغيار انتشار العربية بيقول ان اسعارها مقبولة متنساش انها بجد معمرة
لو بتحب السواقة حتستمتع بجد
لو مجرد عربية والسلام كله بعد كده زى بعض

**harizy** · 29-08-2010 02:43 AM

استاذنا الفاضل عاوز أشير إلى أن كل العربيات فئة 1600 سى سى مش موفرة فى البنزين، واخد بالك كل الفئة دى، شوف حضرتك هى بتفرق فى الاستهلاك يعنى فيه عربيات بتعمل 200 كيلو بـ 20 لتر، وفى غيرها ممكن يعمل 220 كيلو، و240 كيلو برضه بعشرين لتر وده داخل المدينة، فهل الفرق ده يستاهل بالنسبة لك يعنى لو قلنا عشرين لتر بحوال 37 جنيه ده مبلغ جامد لا يمكنك أنك تضحى به وتتمسك بيه وفى سبيل توفيره ممكن تدفع كذا ألف جنيه زيادة، احسبها أنت بطريقتك ورد.

اللى ممكن أقوله لحضرتك بالنسبة لاستهلاك البنزين أن العربية مش غول بنزين بالعكس هى عادية وممكن تتظبط لو فيها مشكلة لا قدر الله، وبالمقارنة لعربيات آخرى هى أحسن من سيارات أخرى فى نفس الفئة السعرية مش اللترية، يعنى بتاخد أوبشن ووسائل أمان قصاد فلوسك لا أكثر ولا أقل يعنى لا حلوة أوى ولا سادة إنما مضبوطة (أنا أصل نفسى فى فنجان قهوة بس الكلام عن العربية).

أخيراً أنصحك بالقيام بجولة داخل قسم النيسان وداخل أى قسم حضرتك تحب تشترى منه، وقارن بين العربيتين من حيث كل حاجة وأهمها بالنسبة لك موضوع البنزين ده واحسبها ثم استخر ربنا وتوكل على الله ومرة العربية زى الجواز قسمة ونصيب، وربنا يوفقك فى اللتى تشتريه ويبارك لك فيه.

**Ahmed.TV** · 29-08-2010 04:09 PM

انا مش حضيف حاجة بعد اللى قالوه الاعضاء المحترمة استاذ محمد عباس واستاذ فادى واستاذ عادل وحبيبى بيشوى اى اضافة بعد كلامهم عن الصنى
بس بخصوص العضو اللى مستغرب على موضوع فلتر البنزين
فعلا مفيش فلتر بنزين الا فى الموديلات القديمة , وكل الحديث دلوقتى طلمبة بنزين , وبتقعد فترة كبيرة عشان ما بيحصلها حاجة ,مش زى الفلتر اللى كنت بتغيره كل فترة صغيرة
وطول ما انت بتحافظ على العربية وبتحط بنزين 92 يبقا كله تمام ومش حيكون فى اى مشكلة باذن الله

**fady_anis** · 31-08-2010 11:34 AM

المشاركة الأصلية كتبت بواسطة ahas79

شكرا لكل الاعضاء على الافادة
ارجوا ايضا افادتى عن موضوع اعادة البيع
وهل تنقص من ثمنها كثيرا

يا استاذى العزيز حضرتك هتشترى عربيه معمرة اوى ومن العربيات المحترمه فى السوق دلوقتى
وفى تصورى انك مش هتفكر تبيعها إلا على الاقل بعد 3 او 4 سنين وطبيعى ان السعر عند البيع هينزل بس اعتقد انه مش هينزل جامد لأن العربيه دلوقتى انتشرت ورجعت لوضعها بتاع زمان تانى

اتمنى اكون قدرت افيدك

**ahas79** · 01-09-2010 03:51 PM

طيب ممكن اسألك هل ممكن احط بنزين 90 واللا لازم 92
وياريت لو حد يقولى الصنى واللا الاكسنت

-

الموضوع: عاوز اشترى نيسان وخايف

LinkBack

أدوات الموضوع

عرض

-

-

-

-

-

المواضيع المتشابهه

عاوز اشترى سيارة نيسان صنى لوالدى

عايز اشترى اسبكترا وخايف

بفكر اشترى فيرنا وخايف - طمنونى

عايز حد يساعدنى لانى تعبت بجد وخايف انى اشترى فيات

عايز اشترى فيكترا 97 وخايف طمنونى

الكلمات الدلالية لهذا الموضوع

المفضلات

المفضلات

ضوابط المشاركة