ما هو ميزانية الإكسسوار في سيارتك

**sab3aawy** · 09-03-2008 10:08 PM

الإكسسوار بالنسبة لى ينحصر فى فرش لكراسى السيارة وهى جديدة ، وطاقم جنوط سبور لما يتكسر عليها موديل بعد سنتين او تلاتة

**fahd_628** · 10-03-2008 01:52 AM

مفيش حاجة جبتها تقريباً الا انذار ومخدع يد ومراية صالون كبيــــــــــــــــــــــ ـــــــــــــــــــــرة زي بتوع التاكسي:)

تصدق انها احلى مراية والله :) بتشوف بيها كل الشارع :) و بتبقى مش محتاج تبص فى المرايات الجانبية بس انا مش عاوز اركبها لأنها كبيرة اوى :)

انا عن نفسى احب اعمل الحاجات التالية لو فية ميزانية بالترتيب

- فى المقدمة تسقيط محرك لو ينفع للعربية + فلتر سبور
-سماعات و كاسيت و صب و جى ام
-جنوط سبور حسب العربية لأن فية عربيات علشان الجنط يبقى كويس يبقى 16 و فية عربيات لازم 17 او 18 :) و لازم عفشة سبور علشان تستحمل الشغل و مش مهم عندى الراحة خالص خالص المهم الشكل و الأداء

**mada121977** · 10-03-2008 02:07 AM

اهم حاجه عندى العربيه تكون( مميزه) يعنى بأقل اكسسوارات ممكن العربيه تكون مميزه جدااا ومن غير مصاريف كتير او زياده عن اللزوم
وترتيب الاكسسوارات بالنسبه لى الفرش الجلد والانذار والصدادات على الاكصدامات والجنوط الاسبور والعدادات الليزر الزرقاء وحليات نيكل من بره اما بالنسبه للكاسيت والسماعات فمش بتفرق معايا اى حاجه بتقضى الغرض

**major_memo** · 10-03-2008 11:26 AM

لولا اختلاف الاذواق لبارت السلع
انا عن نفسي يا جماعة بحب عربيتي تبقي مميزة عن اي عربية ماشية في الشارع يعني اولا اولا لون السيارة بحبوا يبقي مختلف وشاذ غير باقي الالوان المنتشرة
ثانيا بحب شكل العربية من جوة يبقي شيك ومريح نفسيا فرش جلد اكسسورات بسيطة علي الطابلوة تغير اضاءة الطابلوة طارة سبور شيك بلون العربية وفرش الصالون يكون جلد ولونين بلون العربية والطابلوة وفي كفر دواسات بتتباع بتنور بتدي شكل شيك بالليل
حاجات بسيطة بقي علي بدي العربية تنكيل الاوكر صدادات علي الاكصدمات زينون واطي للكشافات جنوط شيك بس نفس مقاس الجنوط الموجودة اخر حاجة عندي الصوت لاني بحب فعلا احس بالطريق وانا سايق وسرعة العربية ومش بعلي خالص الا وانا واقف بالعربية طول منا ماشي مش بعلية خالص
بس خلاص ادعولي بقي اكمل تظبيط في العربية قربت تخلص

**Islam_galal** · 10-03-2008 11:29 AM

أنا نسيت أقول رأيي
أنا بحبها بحالة المصنع قدر الإمكان

العربية بالنسبة لي وسيلة و ليست غاية - أي مصاريف غير أساسية بعتبرها إسراف

آخري فرش جديد أو كاوتش مقاس مختلف لتحسين الفائدة و ليس الشكل

**sa3dawy** · 11-03-2008 12:57 AM

هوا بس جنط 17" كروم كدا وزينون وطقم صوت جامد وكويس اوى على كدا

**Noha.M** · 11-03-2008 04:40 AM

انا بحب عربيتي زي ماهي بس نفسي اروشها و خايفة يضحك عليه عشان انا بنت بأة و

هيقولو عليه هبلة فمضطرة اسيبها زى ما هية

بس نفسي في الزينون دة اوى و نفسي في spoiler حلو ونفسي افرش العربية بفرش

جلد غامق عشان البيج دة مبهدلني و دايما ماشية بالليفة و الجينيرال D:

مممم ...بس كدة

**eng_mkhalaf** · 11-03-2008 01:09 PM

ترويش سينبل وبسيط وبعيد عن أساسيات العربية هو دة المطلوب يعنى
فامية 00 و زينون وجنوط وعدة كاسيست فى المعقول خالص ودخان على الفوانيس على أسبويلر وفرش جلد ومخدع وغطاء للفيتس وغطاء للطارة مع حبة دباديب فى المعقول مع شوية أستيكرز برة على الزجاج بس ويتلزق من جوة - يبقى كدة تمام
أنا بعتبر الأعتناء بالعربية ومظرها زى الهدوم بالظبط لأنها منظرك أولا وأخيرا - يعنى لما أركب عربية مجردة كأنى لابس لبس عادى لكن مع ترويشة صغيرة تمثل كأنك ماشى ولابس نضارة شمس سودا وهكذا

**Moh.Fahmy** · 21-10-2008 03:39 AM

اهم حاجة بالنسبة لي في العربية هي نظافتها يعني الاهتمام بشامبوهاتها و كريماتها و فوطها الفيبر و سلاطتها و بابا غنوجها ..... مهم جدا الاهتمام ببريق و رونق العربية حتي تبقي شابة علطول يعني مامع الكاوتش مهم جدا و ايضا ملمع التابلوه و ايضا الغطاء فيجب ان يوجد غطاءين واحد صيفي يكون قماش خفيف و الاخر ووتر بروف للشتاء حتي يحميها تماما من المطر
يأتي ايضا الاكسسورات الضرورية مثل فرش الكراسي و الجرايد داير ما يدور
المعطرات مهمة جدا و لكن نصيحة يجب الابتعاد تمام عن معطرات التكييف اللعينة و انا شخصيا اعشق معطر برائحة الفابريكة للعربية فهو دائما يذكرني بأول خروجة لي مع سيارتي الحبيبة

محمد فهمي

**OZYDREAMS** · 21-10-2008 03:55 AM

المشاركة الأصلية كتبت بواسطة ahmedateya

اول حاجة العربية تكون محترمة يعني تقوم بجميع وظائفها الميكانيكية بشكل كامل خالي من اي شك (حالة المصنع) ولا اغفل اي ملاحظة ايا كانت و صديق دائم للتوكيل

تاني حاجة (مزاجي الخاص) صوووووووت يعني سماعات و صب و جي ام على قد ما الميزانية نجيب

تالت حاجة لو اتممت المرحلة التانية بنجاح يبقى ممكن جنوط و مش اعلى من المقاس المحدد ليها لأحافظ على اول حاجة برضه و بعدين زينون

لكن لعب في البودي و الموتور و ديفل و فلاتر و تيربو يبقى انا بهلك العربية و بنزل قيمتها و بتعرض لأعطال مالهاش لازمة خاصة اني جربت المواضيع دي مع واحد اعرفه و كانت نهاية موتور عربيته

و ممكن ازود و اعدل حاجات دايما في الصوت :) و ده مرض بعيد عن السامعين :)

انا زيك يا احمد برده فى نفس الرأى

مشاهدة نتائج الإستطلاع: ما درجة إهتمامك بإكسسوار سيارتك

الموضوع: ما هو ميزانية الإكسسوار في سيارتك

LinkBack

أدوات الموضوع

عرض

-

-

-

-

-

-

-

المواضيع المتشابهه

ميزانية مصر الخفية

نموذج لملف ميزانية شخصية

ميزانية كل سيارة

ميزانية 75000 نيو أكسنت1600 أو نوبيرا

فيرنا 1600 ولا لانوس (ميزانية 65,000)

الكلمات الدلالية لهذا الموضوع

المفضلات

المفضلات

ضوابط المشاركة