كتير بيحبوا يروشوا عربياتهم و فيه ناس لأ إنت مين فيهم
عرض للطباعة
كتير بيحبوا يروشوا عربياتهم و فيه ناس لأ إنت مين فيهم
بصراحة انا بحب عربيتى تبقى زى ماهى ( حالة المصنع ) ماحبش احط عليها اى حاجة ماعدا حاجة واحدة ممكن أغير السماعات أو الكاسيت غير كده مابحبش
أنا مش طالب منها روشنة
أنا طالب منها تكون نضيفة وتوحى بالإحترام ومحمية قدر الإمكان من الإصابات العارضة ، يعنى صدادات قدام الإكصدام دى مش روشنة ، جرايد على الأبواب دى برضه مش روشنة..، جهاز إنذار... وكده
وأى فلوس أكتر من كده باعتبرها إسراف وبالذات الصب وووفر والسماعات وشغل الإزعاج ده مالوش أى أى لازمة فى رأيى مع إحترامى لرؤية الجميع
الموضوع ده بيختلف من شخص لآخر
يعنى فى حد يهتم بالمنظر و بس - و حد تانى يهتم بالآداء أكثر و حد تالت مش فارق معاه و حد رابع يهتم بالصوت
أنا واحد من الناس أحب العربية تكون نضيفة جدا و شكلها حلو و هادى + الآداء أنا يهمنى أداء العربية جدا أكثر من منظرها يعنى أنا ممكن أصرف فى تعديلات تحسن الآداء لكن ماصرفش فى الصوت و كده لأنى أصلا ماحبش أعلى و أنا سايق أسمع آه لكن لازم أكون سامع الموتور و صوت الطريق على قدر الإمكان عشان أحس ب سينس الطريق ده طبعى آه بكون قافل الزجاج و مشغل التكييف و الكاسيت بس أحب أحس بالعربية بودنى عشان أستمتع و عشان أركز
أنا ممكن أصرف بدون حساب على performance
لكن المنظر لأ
اول حاجة العربية تكون محترمة يعني تقوم بجميع وظائفها الميكانيكية بشكل كامل خالي من اي شك (حالة المصنع) ولا اغفل اي ملاحظة ايا كانت و صديق دائم للتوكيل
تاني حاجة (مزاجي الخاص) صوووووووت يعني سماعات و صب و جي ام على قد ما الميزانية نجيب
تالت حاجة لو اتممت المرحلة التانية بنجاح يبقى ممكن جنوط و مش اعلى من المقاس المحدد ليها لأحافظ على اول حاجة برضه و بعدين زينون
لكن لعب في البودي و الموتور و ديفل و فلاتر و تيربو يبقى انا بهلك العربية و بنزل قيمتها و بتعرض لأعطال مالهاش لازمة خاصة اني جربت المواضيع دي مع واحد اعرفه و كانت نهاية موتور عربيته
و ممكن ازود و اعدل حاجات دايما في الصوت :) و ده مرض بعيد عن السامعين :)
مفيش حاجة جبتها تقريباً الا انذار ومخدع يد ومراية صالون كبيــــــــــــــــــــــ ـــــــــــــــــــــرة زي بتوع التاكسي:)