الموضوع: اماكن بيع قطع غيار الشاريد

السلام عليكم ورحمة الله وبركاته

بصراحة كويس جدا إن حضرتك اكتشفت أسماء الناس دى، لإنك طبعا عارف حاجة الديهاتسو نادرة قد إيه

نصيحتى لحضرتك تشوف مين قالك على أسماء المحلات دى وتخليه يوصفلك حتى وصف تقريبى لأماكنهم، وبعدين تفضى نفسك فى يوم وتنزل تدور عليهم بنفسك، لإن واضح إن مفيش حد يعرف عنهم حاجة، وده تقريبا لإن مفيش حد فى المنتدى عنده ديهاتسو موديلات قديمة غير العبد لله وحضرتك

الو يا بتوع الشاريد
فيه ايه يا اخوانا انا كمان عندى شاريد.. موديل 90 انتم حسستونى اننا راكبين جمال مش عربيات.
يا عم محمد يا رحيم.. لو عاوز اى حاجة للشاريد حتلاقيها عند فاروق اللى فى باب اللوق ومحله فى شارع اسمه عبد الحميد الرمالى لازق فى الغرفة التجارية اللى فى باب اللوق
كمان لو نزلت شارع شمبليون حتلاقى محل زيزو ومحل انيس برضه عندهم حاجات شاريد
اوعى تيأس ههههههههههههههههه
والحاجات متوفرة وباسعار كويسة والله

انا نزلت شارع دمشق جبت تببل فرامل اسباني انما يقرف الكلب و رايحه بكره التوكيل اغيره و اعملها صيانه كامله ادعولي ما اشحتش بعد العامله دي