هتستلم العربية زي ما بتستلم اي عربية تانية جديدة
و لو حد من ملاك الاكسنت عايز يضيف حاجة يتفضل
1. كاوتش استبن.
2. شنطة عدة.
3. كوريك.
4. وش كاسيت (اذا كان الوش بيتخلع) و العلبة بتاعته.
5. ريموت كونترول جهاز الانذار (اذا كان مجهز) و عدد 2 مفتاح.
6. كتالوج العربية و كتالوج الكاسيت.
7. الضمان للعربية و البطاريه و الكاسيت.
8. ورق المرور.
9. لو العربية جنوط حديد المفروض تاخد الاربع طاسات.
لازم و انت بتستلم العربيه تبص عليها كويس من برة و تشوف البوية فيها جروح او خرابيش او نقر و لذلك يفضل انك تستلمها بالنهار.
بص علي عداد الكيلومتر عشان تشوف العربيه عامله كام كيلو و لما تمشي بيها اتاكد ان عداد السرعة شغال عشان فين توكيلات بتفصله عشان لو العربيه مشيت كتير مايبنش في العداد.
نظرة عامه علي الموتور و دواخل العربيه و الشنطه و روح حط في العربيه بنزين
جهز اي حاجة في دماغك عايز تسألهم فيها و انت بتستلم و اكتب اللي انا قولتهولك في ورقة و خليها معاك عشان متنساش حاجة
و الف مبروك مقدما
المفضلات