ارجو المساعده فى معرفة ميكانيكى متخصص للرينو فى الاسكندريه (كليو بالخصوص)
عرض للطباعة
ارجو المساعده فى معرفة ميكانيكى متخصص للرينو فى الاسكندريه (كليو بالخصوص)
هو انا اسمع كتير جدا عن سامح الهواري في شارع45 اول ما تدخله من البحر .. بس بصراحة مرحتلوش قبل كده و ان شاء الله محتاجش يعني :d
بس عموما ده اشهر حد لان كتير قالوا عنه
فى مركز رينو غير معتمد فى فى شارع متفرع من شارع اسكندر ابراهيم ... اخر شارع فى اسكندر وانت جاى من العيسوى
وانتظر رد وحوش الميجان يكون الرأى الافضل والمتجرب
حمدي في الحرفيين , اتعاملت معاه في الميجان 1 وكان فاهم جدا بس متعاملتش معاه في الميجان 2 , وحسب ما اعلم انه كان شغال في التوكيل واعرف ناس بتعمل صياناتها كلها عنده ومش بتروح التوكيل خالص , مش عارف ان كان مسموح اكتب رقم تلفونه ولا لأ , هبعثها لحضرتك على الخاص.
وفيه واحد في الابراهيمية اسمه وائل , انا متعاملتش معاه بس سيادة العقيد خالد بيشكر فيه جدا , هبعث لحضرتك الرقم على الخاص ..
حمدى ممتاز جدا انا كان معايا كليو لمدة 6 سنين بتعامل معاه و بلاش وائل اتعملت معاه مرتين و مش بيفهم اوى فى الحاجات الصعبة اللى فى الكليو بس لو حاجة سهلة ماشى و لو فى اى خدمة انا تحت امرك و ممكن اجاى معاك كمان عند حمدى او وائل:satelite:
سامح الهوارى و دة جاااااااااااااامد اوى و مسمع مع كل صحابى اللى عندهم رينوهات و دة علشان عندو الدكتور ( واحد بينادوة كدة ) و دة كان شغال فى توكيل رينو بس ان شاء الله هيظبطلك الاداء جامد
السلام عليكم . انا شخصيا بنصحك تتعامل مع وجيه وده فعلا معلم وبردو كان شغال في التوكيل . ومكانه بالتحديد : عارف طبعا النبي دانيال الي فيه مركز الثقافه الفرنسي . تتدخل اول شارع يمين بعد المركز وهتلاقي على ناصيته محل عصائر وفي نفس الشارع وانت داخل هتلاقي مسجد على الشمال هو في الشارع الي بعد المسجد شمال وربنا يوفقك .
انا بتعامل مع حمدى من زمان وزى الفل