الموضوع: بعد 3 سنوات من نزولها السوق المصري....ما رأيك في الكورولا الجنوب افريقي

طبعا الكورولا نجحت , و دة باين جدا , و لغاية دلوقتي مقابلتش مالك للكورولا و الا و كان معجب بيها جدا

و انا والدي كل يوم بيحب العربية اكتر و اكتر و بيشكر فيها جدا

كل اللي اعرفهم و معاهم كورولا بيشكروا فيها لدرجة ان احد أصدقائي كان معاه بي أم باعها و جاب كورولا !!!! (بس أوتوماتيك عادية)

العربية حلوة
لولا mmt
كان زمانها راس براس مع الاوكتافيا فى المبيعات

انا معرفش حد اشتكى منها ...

المشاركة الأصلية كتبت بواسطة محمد محمد

السلام عليكم ورحمة الله وبركاته.

الكورولا الجنوب افريقي
اكثر سيارة مثيرة للجدل في تاريخ الكورولا
منذ نزولها السوق المصري والناس تتوقع (او تتمني) ان تفشل السيارة بسبب تصنيعها في مصنع تويوتا جنوب افريقيا و فتيسها الجديد (mmt ) بسبب مشاكل لهذا الفتيس في موديلات سابقة.
والأن قد مر مايقرب من 3 سنوات واقترب نزول شكل معدل للكورولا الحالية به بعض الأضافات.
في رأيك هل اثبتت الكورولا الجنوب افريقي نجاحها في هذه الفترة وهل قابلتك (بصفتك مالك للسيارة) مشاكل معقدة او يمكن ان يطلق عليها فادحة في السيارة ومما تشتكي من السيارة وما تقييمك لها بعد استخدامها طوال هذه الفترة.

يا جماعة مش التوكيل برده اعلن انه حيصلح الgearbox بتاع ال 6500 عربية اللي باعوهم بعد شكاوي من الناس لجهاز حماية المستهلك . و كان في هنا في قسم تويوتا كلام كتير عن القطع الجديدة و مدى تأثيرها ! , اعتقد ان مافيش مشكلة ممكن تقابل حد اعقد من الفتيس اللي التوكيل نفسه مش عارف يتعامل معاه.

المشاركة الأصلية كتبت بواسطة ahmed_fahmy

ايوا فعلا القطعه الجديده لم تحقق نتيجه واعتقد تيوتا المفروض تغير الفتليس للنظام العادىمهما تكلف وده اضعف الأيمان العربيات اللى فيها مشاكل اتسحبت فى العالم كله عدى مصر بسبب عدم احترام الناس من التوكيل وتعود الوكالاء زى الحكومه كده ان المواطن هو اللى يلبس المصيبه مع ان التوكيل لو محترم كان رجع العربيات كلها وخلى بالكم لو مفيش حماية مستهلك كان زمان عليه العوض اتمنا العندهم المشكله يتجمعو ولو 100 بس من ال6500 راحو بعربيتهم التوكيل ودخلو بعربيتهم جوه وبره وقفلو عربيتهم واخدو مفاتيحهم هيوقفو حال التوكيل وممكن ساعتها يتحرك ويا سلام على كام ماميرا وكام صحفى افتكرو لا يضيع حق وراه مطالب

المشكلة ان الناس لسه بتحاول تقنع نفسها ان مفيش مشكلة ! و الدليل عنوان الموضوع اللي بنتكلم فيه ! , بس في قلة اتحركت و هم اللي فضحوا الشركة و اشتكوا .