الموضوع: الحكومه الذكيه ولعت البلد

طيب و العمل يا جماعة هنعد نهري و نفرك في نفسنا لغاية ما الوحد يطق يموت و لا و العياذ بالله يركبه المرض و هما زي ما هما و لا حاسين بحاجة

ايه المفروض يتعمل ازاي الناس اللي فوق تحس بمعاناة البني ادمين اللي مسحولين تحت

لازم يبقي فيه وقفة

انا خلاص مش قادر و

معقولة امبارح اقف عند تاجر خضار و فاكهة و اشتري
2 ك بطاطس +2 ك طماطم + 2 كم كوسة + 2 ك فلفل اخضر + 2 ك بازنجان + 2 ك عنب + 2ك جوافة +2 ك موز + 2 ك مانجو + بطيخة 5 كيلو
البياع يقولي 130 جنيه

ببالذمة دا كلااااااااااااااااااااااا اااااااااام

انا لولا اني مسؤل عن والدتي و اخواتي البنات انا كنت طفشت بمراتي و بنتي لأي بلد محترم بدل القرف اللي احنا بنصحي و نام فيه دا

حسبي الله و نعم الوكيل

الكلام جه على الوجيعه بتفكرونا ليه يارجاله انا من اول ماتجوزت من عشر سنين لم اشتري اي شئ من طلبات المنزل الان انا المدام عندي حامل في الثامن وممنوع عليها النزول في الشارع لما نزلت اشتري طلبات البيت صعقت من النقله الرهيبة دي في الاسعار كانت المدام تحكيلي ان الاسعار بتغلى وانا ماكنتش مصدق وكنت فاكرها بتحوش لحد مااتصدمت
بس لازم نبص للجانب المشرق يعني مثلا انا شاري خط المحمول بتاعي ب2200 جنيه وكان معايا تليفون اريكسون كنت جايبه ب4100 جنيه وكان في حجم الجزمة البيادة بتاعت الجيش ايضا كنت شاري نظام ستالايت انلوج 2000 جنيه الان ممكن ب 120 ج تجيب نظام كامل ديجيتال ايضا الكومبيوتر كنت جايب واحد 4500 كان موديل 486 هارد 40 ميجا شاشة لونين ونظام تشغيل dos وكان شلل شوف الان احدث واسرع واعلى بنصف القيمة او اقل الملاحظ ان السلع الرئيسية الهامة هي اللى غليت المواد الغذائية المحروقات الذهب الاراضي
البني ادم برضه غلي يعني مثلا الحكومة كانت بتصرف تعويض للمتوفي انهيار منزل او حوادث 500 جنيه لما الورثة بيستلموهم بصفصفوا على 350 جنيه الان التعويض اصبح ب 2000 جنيه بصفصف على 1650 جنيه