مارش الفيكترا و الأوبل عموماً بتفرق حاجات بسيطه
http://www.bradgatemotors.co.uk/spar..._str_motor.jpg
http://image.made-in-china.com/2f0j0...rter-Motor.jpg
http://img8.imageshack.us/img8/5682/dsc02311y.jpg
اولاً مفهوم المارش
هو مسئول عن اعطاء دفعه للموتور تقوم بتشغيل المكونات الميكانيكية و الكهربية لبدء تشغيل السيارة
ثانياً : اعطاله
اعطاله فى الفيكترا محدوده بعدد ضئيل جداً من الأحتمالات
1. جلب بايظه و ساعتها المارش يعتل و ميرضاش يدور بسهوله عشان ترابط اجزاءه مش صح
و المارش بتاع الأوبل عموماً فيه 3 جلب
1. جلبة سفلية و دى مسئوله عن وضع المارش الصحيح بحيث ما يحتكش فى المغتاطيسات اللى بتمثل الملف
2. جلبة وسطى : و دى الرابط ما بين الملف و ما بين الأجزاء العلوية و البوش فيها يكسر ترس نقل الحركه
3. الجلبة العلوية و دى مسئوله عن احكام ترس الحدافه او البندكس و ده بيكون تحته تيله عشان الترس ميكسرش و يطلع من مكانه و دى بتبقى على اول الزور من فوق خالص
== فى حالة تلف الجلب يبقى مقدمكش غير خراط نضيف يملها نحاس و يخرطها او يعمل جلب و يكبسها و الطريقة التانية اصح عشان يبقى قايس الخلوص و الجلب متبقاش محمله او سايبه زى قلتها و تكلفتها بره من 30-40 جنيه حسب الخراط
2. ترس تقسيم التروس :
و ده ترس بيبقى راكب عليه ناقل حركه ما بين الملف الكهربى و ما بين مجموعه من 3 تروس تلف حول بعضها داخلياً ناقلة للحركة داحل ترس الحدافة او البندكس
الترس ده لغاية دلوقتى ناس كتير ما تعرفشى انه بيتباع و بتجيب نص مارش او مارش كامل
الترس ده من 50-60 جنيه حسب اللى بتشترى منه و فيه منه الف شكل و نوع
و سبب تلفه الأساسى الجلب لما تبوظ
3. الشربون :
و ده بينظم الأشارة و يدى كهربة للملف عشان يعكس قطبيته من سالب الى موجب
و ده غالباً بيبوظ بسبب التأكل من الزمن و تلف الجلب و عدم انتظام الدوران
التكلفه من 20-30 جنيه بلحامات القاعده
4. ترس البندكس
http://i106.photobucket.com/albums/m...6/SDC10188.jpg
ده بقى الترس المسئول عن نقل حركة المارش لترس الفلام fly wheel اللى بيدور البساتم و يبدأ الدورة الميكانيكية و يقوم العربية
و ده بيقبقى جزئين
ترس امامى
شياله خلفية شوكه الرفع و الرد و دى المرتبطه بالترس البلاستيك
اعراض تلف
تدور تسمع صوت المارش و بيلف بسرعه و على الفاضى و العربية مش عايزه تدور
الحل الوحيد تغييره و هو سعره مش غالى قوى فى حدود 60-70 جنيه
اسباب تلفه
الجلب الأمامية او العلوية
طريقة اداؤة خاطئة يعنى تدور العربية و هى دايرة
او تقرص عليها فى الدوارة
او تركيب خاطئ للمار ش مش مستريح مكانه يعنى
5 . الأتوماتيك :
و ده الجزء اللى باخد الكهربا و يديها للمارش و بيعشق التروس فى بعضها
اعراض تلفه
تفتح الكونتاكت متسمعشى صوت المارش و العربية مش عايزه تلقط
تخبط عليه ممكن مره يقوم و الف لأ
تغييره هو الحل الوحيد و ملوش حل تانى عشان محدش بيعرف يرص قاعدة السليكونات اللى جوه لما تتحرق
سعره عالى شوية يوصل 120-140 جنيه جديد
استيراد ارخص شوية
6. فارغة المارش
و دى الجراب اللى فيه كل ما سبق بالأضافه الى قاعدة الملفات اللى مش بيحصلها حاجة هى و الملف لأنها مكونات مغناطيسية و ساعتها صعب قوى تبوظ الا ان المارش ميبقاش فيه جلب اصلاً و ساعتها الملف ده من الأحتكاك بياكل فيه و بيكسر الدنيا
و الفارغه دى معرفشى وضعها بس اعتقد انها بتتباع
ياريت اكون افدتكم بس الشرح على قدى و من الذاكرة