ازيكم يا جماعة انا عاوز اعرف اسهل و اسرع و ارخص طريقة لمرواح المهندسينتقاطع شهاب مع لبنان عند ماكدونالدز كدة من مدينة نصر بالمواصلات علشان هيبقى عندي شغل هناك و مش هينفع اخد العربية بشكل دائم
شكرا.........
عرض للطباعة
ازيكم يا جماعة انا عاوز اعرف اسهل و اسرع و ارخص طريقة لمرواح المهندسينتقاطع شهاب مع لبنان عند ماكدونالدز كدة من مدينة نصر بالمواصلات علشان هيبقى عندي شغل هناك و مش هينفع اخد العربية بشكل دائم
شكرا.........
سهلة إنت تركب رمسيس من عندك و بعدين تاخد المترو إتجاه الجيزة ( ساعات بيقولو عليه المنيب) و تنزل محطة البحوث و بعد كده تطلع من محطة المترو علي محي الدين أبو العز من أول هنا بقي في قدامك حلين ممكن تفضل ماشي في محي الدين علي طووووول و تعدي جامعة الدول و تكمل بردوا علي طووووول هتلاقي نفسك دخلت شهاب و بيبقي علي ناصيتة جاد و تفضل تكمل علي طووووول لحد ما يجي لبنان , الموضوع ده لو إنت راجل رياضي و تقدر تمشي ياخد من 15 ل 20 دقيقة إنما ممكن تاخد تاكسي من محي الدين و تديله تلاتة جنية و نص و هو يوديك لحد هناك أو لو بقي تسأل هناك علي أي ميكروباص بيروح هناك من عند محطة المترو و إن شاء الله تلاقي
أسعار المواصلات 150 قرش لحد رمسيس
100 قرش المترو
350 قرش تاكسي
يعني 7 جنية و لو شفت ميكروباص هتبقي 350 قرش بس و أنا من رأيي أمشيها و هو يبقي 250 قرش بس و أهو المشي رياضة و بعد كدة هاتتعود علي الموضوع و أهو بردوا تتفرج علي معالم المهندسين
و لو حد من الأعضاء يعرف سكة تانية يقولها و دي علي فكرة أسرع طريقة للوصول بالمواصلات و الرحلة لو ركبت في الحتة الأخيرة هايكون زمنها من 45 دقيقة بالمشي ممكن تبقي 60 دقيقة
و أرجو إني أكون أفدت حضرتك:ma:
ودي حضرتك خريطة علشان تعرف تمشي إزاي لما تخرج من المحطة
Al Behous to Unknown road - Google Maps
بس حاول تشوف ميكروباص ياخدك لحتة قريبة علشان الشمس و الحر .. هتلاقيهم قصاد محطة المترو عند مقار كدة إسال بردوا هناك
يا باشا و الله مانا عارف اققلك ايه وصف و خريطة و تكاليف ده خمس نجوم و الله =)
بجد ربنا يكرمك يا باشا بس انا شايف من الخريطة انها هتبقى طويلة قوي مشي ولا انا بيتهايئلي؟! انا بحب المشي جدا اصلا لدرجة اني عادي جدا امشي عباس العقاد كلو من اولو لأخرو بس الجو يكون حلو =)
و ياريت لو فيه طريقة تانية احب اعرف الطرق المختلفة و كدة الدنيا هتبقى حلوة ان شاء الله
يا باشا أنا عنينا ليك ... بص هية المشية بتاعتها مش صعبة بس المشكلة إنك لو هاتروح الصبح هاتتعب قوي علشان الشمس بقي و السكة بردوا تعتبر طويلة فا هتعرق و تتبهدل فا إنت حاول تشوف الميكروباصات اللي جنب محطة المترو علي طوول و إسالهم لو فيه حاجة بتروح هناك و هما إن شاءالله يدلوك أنا الصراحة كنت ساعات لما بروح هناك كنت يا باخدها مشي يا باخد تاكسي بس طبعا كان كل فين و فين و كان بيبقي بليل و طبعا إنت لو هتروح كل يوم مش هينفعك موضوع التاكسي علشان هايكلفك كتير و الصراحة دي هي الطريقة الوحيدة اللي أعرفها و جربتها الصراحة فا ياريت يا جماعة لو حد من باقي الأعضاء عنده طريقة تانية يقولها و أهو كله يستفيد
و إبقي طمنا عملت أية يا باشا