اروح المهندسين مواصلات ازاي

**gebreel** · 29-08-2010 04:39 AM

ازيكم يا جماعة انا عاوز اعرف اسهل و اسرع و ارخص طريقة لمرواح المهندسينتقاطع شهاب مع لبنان عند ماكدونالدز كدة من مدينة نصر بالمواصلات علشان هيبقى عندي شغل هناك و مش هينفع اخد العربية بشكل دائم
شكرا.........

**البرنس** · 29-08-2010 06:31 AM

ودي حضرتك خريطة علشان تعرف تمشي إزاي لما تخرج من المحطة
Al Behous to Unknown road - Google Maps
بس حاول تشوف ميكروباص ياخدك لحتة قريبة علشان الشمس و الحر .. هتلاقيهم قصاد محطة المترو عند مقار كدة إسال بردوا هناك

**gebreel** · 30-08-2010 03:35 AM

يا باشا و الله مانا عارف اققلك ايه وصف و خريطة و تكاليف ده خمس نجوم و الله =)

بجد ربنا يكرمك يا باشا بس انا شايف من الخريطة انها هتبقى طويلة قوي مشي ولا انا بيتهايئلي؟! انا بحب المشي جدا اصلا لدرجة اني عادي جدا امشي عباس العقاد كلو من اولو لأخرو بس الجو يكون حلو =)

و ياريت لو فيه طريقة تانية احب اعرف الطرق المختلفة و كدة الدنيا هتبقى حلوة ان شاء الله

**gebreel** · 30-08-2010 06:00 AM

المشاركة الأصلية كتبت بواسطة mohabzengar

يا باشا أنا عنينا ليك ... بص هية المشية بتاعتها مش صعبة بس المشكلة إنك لو هاتروح الصبح هاتتعب قوي علشان الشمس بقي و السكة بردوا تعتبر طويلة فا هتعرق و تتبهدل فا إنت حاول تشوف الميكروباصات اللي جنب محطة المترو علي طوول و إسالهم لو فيه حاجة بتروح هناك و هما إن شاءالله يدلوك أنا الصراحة كنت ساعات لما بروح هناك كنت يا باخدها مشي يا باخد تاكسي بس طبعا كان كل فين و فين و كان بيبقي بليل و طبعا إنت لو هتروح كل يوم مش هينفعك موضوع التاكسي علشان هايكلفك كتير و الصراحة دي هي الطريقة الوحيدة اللي أعرفها و جربتها الصراحة فا ياريت يا جماعة لو حد من باقي الأعضاء عنده طريقة تانية يقولها و أهو كله يستفيد
و إبقي طمنا عملت أية يا باشا

الف شكر يا باشا و ان شاء الله كلها يومين و ابقى اطمنكم هعمل ايه =) و ربنا يسترها بقى =) =)