السيد اللواء مدير امن الجيزه مظلوم

**yascro** · 29-08-2010 04:17 AM

مبدئيا انا عايش ف اسكندريه ومليش اى حاجه تربطنى بالجيزه
النهارده الصبح وانا بتصفح ملحق اخبار السيارات وبقرا العمود اللى انا بشترى الجرنال كله عشانه عمود الاستاذ خالد اباظه كلامم ف سرك

لقيته شانن هجوم على مدير امن الجيزه عشان الراجل قام مشكورا بالتنكر فى ملابس مدنيه وخلع ملابسه الميرى واصطحب معه احد رجاله برتبه عميد
ونزل بين الناس وركب سيرفيس وبالصدفه السواق اتخانق مع سيده راكبه عشان الاجره فحوله السيد مدير الامن للقسم لعمل محضر ليه
واللى مش عاجب الاستاذ خالد اباظه ان ده مش دور مدير الامن
وده دور المخبرين والامنه
وانا شايف ان السيد مدير امن الجيزه يستاهل انى اخلع له القبعه عشان الموضوع ده

**mtgalx** · 29-08-2010 04:21 AM

هو ده الكلام المظبوط والله لو كل واحد من الناس الي فووووق بتوع المناصب القيادية دي تنزل بين الشعب و الناس و تشوفهم بيتمرمطوا اذاي المشاكل دي حتتحل و الناس حتخاف انها تعمل حاجة ذي الي السواق عملها ينصر دينك يا عم انتا

**hugan** · 29-08-2010 04:25 AM

اكيد المدعو خالد ابا ظه كان ليه مصلحه عنده والسيد محسن حفظي طنشه
خالد ابا ظه مالوش حل
قال انكد عيشته واهاجمه

**dr-mohamed** · 29-08-2010 04:32 AM

طبعا مدير الامن صح
وخالد اباظة كفاية عليه العربيات اللى بيعملها دعاية يحسسك انه بيتكلم عن بي ام ولا مرسيدس اخر موديل ولا فيراري وهو بيتكلم عن عربيات صيني وماهيندرا وكله علشان سبوبة الاعلانات

**naser_56** · 29-08-2010 04:54 AM

ياريت كلها تعمل ذيه علشان تشوف حال البلد وعلشان يردعو البلطجيه شويه

**Abdo_Eldesokey** · 29-08-2010 04:59 AM

بدون هجوم على حد .. أنا بطلت أقرأ ملحق السيارات بسبب إن كله عبارة عن بروباجندا كاذبة ، وخدمة مصالح

**mtgalx** · 29-08-2010 08:33 AM

المشاركة الأصلية كتبت بواسطة yascro

قال رسول الله صلى الله عليه وسلم
انصر اخاك ظالما او مظلوما
قالوا وكيف ننصره ظالما يا رسول الله
قال عليه الصلاه والسلام
ان ترده عن ظلمه
صدق رسول الله صللى الله عليه وسلم

وانا مش عامل الموضوع عشان نهاجم حد لا
عشان نشجع الناس اللى مناصبها كبيره انهم يعملوا كده

هو ده الكلام