السنة دى ماعرفتش اطلع مصيف علشان ظروف الشغل كانت مضغوطة حبتين ، و فوجئت ان البنات زعلانين منى فقررت اتكل على الله و احاول آخدهم يوم او يومين سواء فى العيد او بعده علشان يبقى تغيير جو ليهم و فى نفس الوقت مالخبطش شغلى.
فكرت اطلع فايد لأن شفت عروض القرى السياحية فيها مش بطالة ، بس يا ترى هل حد جربها ؟؟
فيه قرية بونيتا ، و فندق بالما ابو سلطان ، و دول اكتر اتنين لقيت ليهم اعلانات ، ده غير قرى سمعت كلام بسيط عنها زى أصيلة و الشموسة و ريهام ، و غيرهم.
هل يا ترى حد جرب اى قرية منهم ، او حد جرب غيرهم و كانت كويسة (فى نفس المنطقة) ؟؟:girlsthink:
شكرا لكم و فى انتظار الردود ان شاء الله..
و تحياتى