ازاى اروح ساقية عبد المنعم الصاوى ال فى الزمالك من مصر الجديدة و بالذات بقة من مستشفى هليوبليس
ازاى اروح ساقية عبد المنعم الصاوى ال فى الزمالك من مصر الجديدة و بالذات بقة من مستشفى هليوبليس
انا مش عارف فين مستشفي هليوبوليس بالظبط بس لو انا مكانك هوصل لطريق المطار-صلاح سالم وبعدين اطلع كوبري 6 اكتوبر من صلاح سالم وبعدين افضل ماشي فيه لحد مخرج 15 مايو وهناك عل كوبري 15 مايو في اقصي اليمين هتلاقي نزلة الزمالك...انزلها وامشي طوالي تحت الكوبري لمسافة 500 متر كده واسأل-مكن تسأل قبل كده وكده كده انت هتلاقي اعلانات بإسم ساقية الصاوي علي عواميد الكوبري- اركن هناك كده وهتلاقي الساقية جنب مسجد كده علي ايدك الشمال مش فاكر اسمه ايه , وعشان متّهش الساقية عبارة عن كوبري متقفل من تحت.
من عند المستشفى خد عبدالعزيز فهمى و كمل المحكمه روكسى الخليفه المأمون و خش صلاح سالم من عند شارع جهاز الرياضه و كمل و اطلع اكتوبر و بعد رمسيس فوت اول يمين (منزل شارع شنن) و خش تانى يمين (15 مايو) لمل تكون فوق النيل خليك يمين و انزل و كمل من تحت الكوبرى طوالى
الساقيه تحت اخر الكوبرى من الناحيه التانيه على الشمال بس مشكلتك الركنه .... انا لو مكانك اول ما انزل ادور على ركنه و الموضوع كله 10 دقايف مشى من اول الكوبرى لاخره ... او تاكسى ب 2-3 جنيه
هو شكراً اوى للرد بس هو لو موصلات يبقى ازاى معلش متقل عليكو
مواصلات ... انزل رمسيس و من عند مستشفى الجلاء خد اى حاجه رايحه ميت عقبه و انزل اخر الزمالك (قوله اخر الكوبرى قبا ما يعدى النيل) و انزل على السلم هتلاقى الساقيه قدامك
من عند مستشفى هليوبلس خليها على يمينك وتحود بعدها يمين هيبقى صيدناوى على شمالك تمشى شويه على طول هتعدى على مستشفى ومن بعدها على نادى الغابه كل ده على يمينك وبعد كدا هتلاقى تحويده يمين(تطلعك على ميدان هارون) وتحويده شمال (تطلعك ميدان سفير) تحود شمال بقيت فى ميدان سفير,بعد كدا من الميدان ده هتحود يمين فى شارع على نصيته محل كبير بتاع اجهزه منزليه الشارع ده شارع النزهه....تفضل ماشى على طول هتلاقى ابو مازن على يمينك تفضل على طول برضو...هتلاقى فى وشك تحويده يمين وتحويده شمال وفوقك كوبرى....تحود يمين وتمشى شويه هتلاقى كوك دور على يمينك ومن بعده فيه U Turn على شمالك تلف منه كدا بقى كوك دور على شمالك...تمشى شويه الكوبرى قدامك بالعرض تحود من تحت الكوبرى يمين بقيت فى صلاح سالم موازى للكوبرى...وتمشى بقى على طول على طول....هتقابل نفق تمشى برضو زى مانت....تفضل على طول لحد لما هتلاقى كوبرى اكتوبر فى وشك....تطلع الكوبرى...تمشى برضو على طول متنزلش اى نزلات...زى مانت على طول هتمشى كتير اوى هيقابلك نزله شبرا....متنزلش....تفضل برضو على طول لحد ما تعدى على ميدان رمسيس هتلاقى على يمينك باين اوى محطه القطار تمشى زى ما انت من بعد محطه القطار تأخد بالك هيقابلك اوى يمين تعديه ومن بعده شويه هتلاقى تانى يمين تدخل منه(كل ده على الكوبرى) بعد لما حودت يمين تمشى شويه وهيقابلك نزله يمين متنزلش منها تكمل زى ما انت ده كوبرى 15 مايو هتلاقى نفسك وانت ماشى بقيت فوق النيل وهتلاقى نزله يمين تنزلها دى نزله الزمالك...نزلت الزمالك هتفضل ماشى على طول هيقابلك اشارتين هتعديهم وفى اخر الشارع ده هتلاقى ساقيه الصاوى وحمدلله على السلامهاقتباس:
المشاركة الأصلية كتبت بواسطة fathyalazhary
لو مواصلات من عند مستشفى هليوبلس تأخد اى اوتوبيس يوصلك ميدان سفير او حتى تاكسى ب2 جنيه ومن سفير تأخد مينى باص رقم 76...سكته كويسه مش بيلف كتير بيمشى صلاح سالم وبعد كدا عباسيه ورمسيس وبعد كدا بولاق ابو العلا وبعد كدا الزمالك هينزلك عند الساقيه وهو بيطلع من شيراتون تقريبا فهتعتبر واخده من اوله هيبقى فاضىاقتباس:
المشاركة الأصلية كتبت بواسطة fathyalazhary
تحياتى
بجد يا جدعان شكراً جداً على الردود ربنا يجعلة فى ميزان حسانتكم ان شاء الله :)
تقدر توصل لحد منطقة الاسعاف و بعدين تركب من هناك عربيات بولاق الدكرور و تنزل سلم ابو الفداء و هتلاقى نفسك قدام الساقية بالضبط و فى موضع فى موقع اسمه سى مرسى دوت كوم بيشرح ازاى تروح لساقية الصاوى من اى مكان بالمواصلات او بالمترو و اى معلومات تانية عن الساقية
يا رب تستفيدوا منه
ساقية الصاوى | seemoresee
و نسألكم الدعاء