واضح ان استهلاك العربيه جوه البلد 9 لكل 100 من غير التكيف و10 بالتكيف ومن 6 الى 7 على الطريق ده اخر كلام
عرض للطباعة
واضح ان استهلاك العربيه جوه البلد 9 لكل 100 من غير التكيف و10 بالتكيف ومن 6 الى 7 على الطريق ده اخر كلام
معلش انا عندى كام سؤال كمان
حضرتك بتسخن العربية كل يوم الصبح ؟؟؟
حضرتك بتركن وتفضل مشغل التكيف كتير ؟؟؟
انا عن نفسى
تقدر تقول بطلع بيها على طول .... بس هو التسخين ايه بالظبط او ازاى اقصد ؟؟ وهل قصدك يعنى اما الحرارة تبقى شرطتين او اربعة ؟؟؟ .... عموما بالمناسبة يعنى انا اعرف ان مش المفروض انى ازود بنزين للعربية علشان تسخن متهيقلى قريت ان ده غلط للعربيات الجديدة ؟؟؟؟
لا لو حصل بيبقى ممكن فى الاشارة بس ده مبيعديش اعتقد حاجز ال5 دقايق لان الاشارة لو طولت بستحرم وبقفله وساعات بتخنق وبوقف العربية خالص ...... بس القصة دى قليل بصراحة بتحصل فى اسكندرية ان الاشارة تبقى غبية ... :)
بس عادى ساعات الطريق بيبقى زحمة والواحد ماشى اول وتانى وببقى مشغلاه !!!
لالا يا هبة انا مش قصدى كده خالص
أصل أول حاجة صاحب الموضوع مصفر العداد من 2500 كيلو رقم وهمى يعنى المفروص عشان نحسب الإستهلاك نصفرة ونطلع على طريق سريع وهكذا
لما سألت موضوع التسخين قصدى انه لو كل يوم الصبح بيفضل مشغلها وهيا قفه بتسحب بنزين + موضوع التكيف ده تقريبا الساعة الواحدة بيكون استهلك لتر ونص والعربية واقفة
يعنى مثلا لو العربية عنده بتعمل 8 لتر لكل 100 كيلو وفى الفترة بتاعت ال 100 كيلو هنقول انه وقف ساعة واحدة على فترات كده هتبقى اخدت 9.5
ولو بيسخنها ومشاويرة قريبة زودى كام مرة العربية دارت تسخن عشان يعمل 100 كيلو
طبعا بالإضافة ان لو التكيف شغال فى وسط البلد بيسحب بنزين كتير عشان بيزود بنزين كل مرة عشان يطلع بالعربية
انا بس بحاول احلل إيه اللى مخلى الإستهلاك عنده كده
غير طبعا التست اللى يعملة انه يمشى 80 90 ويصفر العداد ده اللى هيحكم
بالنسبة ليا
انا عمرى فى حياتى مدورت العربية وسخنتها
بالكتير قوى ادورها 20 ثانية واكون ماشى :-)
العداد بيتصفر ازاى انا قعدت اعمل فى دراع الكمبيوتر وماعرفتش
من تجاربى العمليه بقالى شهر بحسب الاستهلاك لقيت ان الموضوع يتوقف على حاجات كتير عشان تحسب الاستهلاك مظبوط اولا ظبط الاطارات على 32 ورا و 29 قدام ثانيا التموين ببنزين 92 ثالثا عدم تشغيل التكيف رابعا مراعاه اتك تكون مشيت فى اماكن زحمه جدا وده عادى طبعا واماكن مفتوحه شويه زى صلاح سالم عشان فى النهايه تحسب المتوسط داخل المدينه بدون تكيف احسن طريقه هى الحساب بالشرط اختار اى شرطتين غير اول شرطه عشان التنك واخر شرطه اللى بتحسب البنزين اللى فى الزور والمواسير واول ما الشرطه تختفى مون وصفر عدادك من الزرار اللى فى تابلوه العداد وحط عشره لتر هيعملوا شرطتين تحسب عليهم ده احسن طريقه عمليه ولا كمبيوتر ولا غيره والمفروض المتوسط من 7.5 الى 8 لتر لكل 100 كيلو بدون تكيف داخل المدينه
أنا ظبط ضغط الكاوتش ومونت من بنزينة غير اللي كنت بمون منها ، وجاري التجربة هشوف هتعمل ايه معايا
حضرتك اضبط الهوا 29:32 ..وياريت يكون تيتروجين....بعد كده ادخل على بنزينه محترمه...وحط بنزين 92....وصفر العدد بعدها على طول
بعد كده اصلع على طريق سريع على انا تكون سرعتك لا تقل عن 90..........المفروض يكون الاستهلاك بدون تكيف 6.2 الى 6.5