الموضوع: كلاكيت تاني مره العربيه اتخبطت

امبارح الصبح
الساعه اتناشر الضهر
كنت معدي من عند جامع الفتح في شارع 9 بالمعادي
ودي حته زحمه
ودايما الناس بتمشي عكسي فيها
و نصيبي
كان ماشي قدامي
تاكسي فيرنا
لقيتو بيهدي وبيحضن عشان ينزل الركاب
لقيت قبل ميقف الباب الوراني الشمال ال ناحيه الشارع اتفتح

وطبعا
قمت خابط الباب بالرفرف اليمين
ولميت نفس بسرعه عشان مايخدش الجنب كلو
الرفرف اليمين عندي اتعجن
ورجع لوره
وحتت فيبر اتكسرت
واتحك الجنب كلو
لانو مشي معايا
بس الجنب يتلمع
لكن الرفرف اتعجن
اما الراجل المسكين سواق التاكسي
الباب الوراني
راح النار
والباب بتاعو ال انا مخبطوش مبيتقفلش
غالبا القايم اتعوج
طبعا طلعت ست غلبانه عندها فوق ال 75
سنه
ومعرفناش نعمل حاجه قمنا مشينا
مش عارف انا ليه بيحصل معايا الحوارات دي
دي تاني مره تتخبط العربيه من غير ذنب ليه

نشكر ربنا علي كل ال بيديهولنا