عربية 128 حالة عامة جيدة
موديل 82
جنوط
فرش جديد
بطارية جديدة
مطلوب 19500
ما رائيكم ؟؟؟
عرض للطباعة
عربية 128 حالة عامة جيدة
موديل 82
جنوط
فرش جديد
بطارية جديدة
مطلوب 19500
ما رائيكم ؟؟؟
اخواني
ردودددد لو سمحتم
اية يا شباب ؟رائيكم اية؟
العربية رشة دواخل بيقولي نظافة
انا لسة حاخد السمكري والميكانيكي ونشوف الكلام اية ؟؟
بس انتم شايفين الكلام بعيد ولا قريب يعني ؟
انا شايف السعر كده عالي اوي خصوصا انها راشة دواخل
طيب يا ريت يا باشا تقولي العربية تسوي كام؟؟اقتباس:
المشاركة الأصلية كتبت بواسطة thegoodhacker
حالة ممتازة جنوط اسبور كاوتش عريض فرش جلد رخصة حتى سبتمبر 2008
لا تحتاج اي مصاريف
18000 لو حالة نظيفة
وحسب مستوى الحالة
استاذ احمد خبير ال 128اقتباس:
المشاركة الأصلية كتبت بواسطة ahmed1981
انا رحت بصيت عليها ولسة جاي ناوو قلت اروح اشوف لو الحالة العامة تستاهل اني اخد السمكري والميكانيكي يبصم عليها ولالا
العربية موديل 82 زي ما قلت رشة دواخل الشكل العام مقبول اوي ,ومن جوة الفرش نضيف بس التابلوة عادي محطوط فيها مرايات الشاهين ,معاها كوريك تمساحه ,مفيش كاسيت ,في سمعتين واضح من شكلهم انهم كارهين الحياه,الراجل بيقول العربية مفهاش حاجة غير ان عاوز يتغير لها طقم كهرباء,وبرضة كوبلن
ما رائيكم؟؟
رأيي لو تقدر تشوف موديل أعلى يكون أفضل والسعر مش هيزيد كتيراقتباس:
المشاركة الأصلية كتبت بواسطة hamadaalo2002
لكن لو نويت على دي يبقى تتأكد بالميكانيكي إن الموتور والفتيس والعفشة سلام (هي واضح إنها 1100 CC)
والسمكري يبص على مناطق الشاسيه والصدأ والبرومة
ولو قالوا لك كويس يبقى متزودش عن 18000 ولو قدرت تنزل يبقى أفضل
افتكرت هوة بيقول انة مغير جيربوكس في العربية وهية 1100ccاقتباس:
المشاركة الأصلية كتبت بواسطة ahmed1981
بس هوة رافض انة ينزل عن 18500؟
كتير و برده حسب الحالة لان مش كل العربيات اللي راشة دواخل زي بعضها في حاجات بتبقي معقولة و في حاجات ما تتركبش من اساسه و لو ان الاحسن انك تبعد عن اللي راشش جوة
شكرا لردك بس اية السبب اني ابعد عن اللي راشش جوة وفي رائيك تسوي كام؟اقتباس:
المشاركة الأصلية كتبت بواسطة SS
http://www.masrawy.com/Classfied/upl...0083822852.JPG
منتظر مزيد من الردود يا اخواني ,دي صورة السيارة
مزيد من الردود يا شباب لو سمحتم
بص يا سيدى اهم حاجة فى العربية اساسيتها لانه باختصار شديد هى اقوى عامل مؤثر على كفاءة و اداء العربية او بمعنى اخر ان اى عيوب فيها لا يمكن علاجها يعنى الموتور و العفشة و الصالون و الدهان الخارجى لو فيهم مشكلة ممكن تحلها اى نعم هتتكلف فلوس و وجع دماغ و ممكن ما تلاقيش صانيعى عدل يظبط العربية صح بس فى الاخر هم ممكن يتصلحو او يتغيرو حتى لكن المشاكل اللى فى اساسيات العربية ديه ما بيبقلش لبها حل،زى بالظبط لو فيه عمارة اساساتها و القواعد و العمدان بتاعتها سليمة بس مش متوضبة حلو و لا اقولك مش متوضبة من اساسه تقدر تقول و اخدها هيكل بس فى الحالة ديه ممكن لو ليك مزاج توضبها انت اه هتتكلف وقت و فلوس و مجهود بس معاك فى الاخر حاجة سليمة ما تقلقش منها انما لو العمرة ديه في هبوط فى اساساتها و لا عمود بايظ او الحديد فى منطقة مهمة مصدى ....وبفرض انها متشطبة سوبر لوكس و سعرها رخيص برده مش هاتبقى كويسة لان الحل الامثل لمشاكلها انك تهدها و تبنيها من تانى و فى الحالة ديه كل التشطيب الرائع اللى فيها مالهوش لازمة....عشان كده قلتلك بلاش حاجة راشة جوه و اوعى حد يقولك نضافة و الكلام اياه لانه مادام رش جوه يبقى غالبا فيه حاجة حصلت و بعدين و انت بتشترى عربية مستعملة حط فى حسابك المصاريف وبرده سيبك من الفيلم بتاع مش محتاجة حاجة و مش هتصرف جنيه ومش شرط يكون صاحبها بيضحك عليك بس هو المستعمل كده تبقى ماشى فى امان الله و تلاقى المشالك بتظهر وره بعضها من حيث لا تدرى قصدى انها ممكن ماشية مع صاحبها كويس و تاخدها تلاقيها تانى يوم باظت هو المستعمل دايما بيحتاج مصاريف و بالخص الفيات اسف للاطالة و ربنا يوفقك و تلاقى
حاجة كويسة
شكرا لردك الوافي يا باشا طيب حضرتك تنصحني اعمل اية دلوقت ؟,هل اي عربية رشة دواخل يبقي نبعد عنها؟اقتباس:
المشاركة الأصلية كتبت بواسطة SS
بص لو العربية شاسيها سليم وكارتيراتها سليمه مش ملحمه وحالة الموتور كويسه لا بيبخر زيت ولا حاجه ده بالإضافة لحالة العفشة حالة المساعدين الكبالن لأن عفشة ال 28 بتبوظ على طول لو الحاجات دي كلها كويسه 18500 يبقى معقول بس هل هاتنقل ملكية ولا هايبيع بعقد والرخصة لسه فيها مده عشان لو هاتنقل ملكية هاتدفعلك 500 جنية كمان وما تنساش الإستخارة
على فكره انا شاري عربيتي راشه دواخل بس اتأكدت لما رفعتها فى البنزينه ان الشاسيه بتاعها سليم والقوايم وحوض الموتور والشنطه والكارتيرات وهي دي الحاجه اللي بتقلقك لما تبقى راشه وكل ده بيبان لما العربية تترفع
شكرا لردك يا غالي بس علي كلامة العربية حالتها حلوةةاقتباس:
المشاركة الأصلية كتبت بواسطة zalabany2007
جاري رفع العربية
منتظر مزيد من الردود
مزيد من الردود يا شباب لو سمحتم
18500 علي عربية رشة دواخل كتير الافضل تشوف عربية مش رشة دواخل
لو انت اشترتها بالمبلغ دة لما تيجي تغير هتخسر فيها كتير ومفيش حتجو اسمها رشة دواخل نظافة كلة بيبقي لو سبب
انا اتعرض عليا عربية 128 برضه بس موديل 88 - و فحصتها لقيتها ما تحتاجش اكتر من 500 جنيه مصاريف بس هي كانت راشة دواخل بس سليمة 100 %- صاحبها كان عاوز فيها نهائي 20500 جنيه ......... بس انا سالت عن الاسعار لقيت انها حتبقي غالية الف جنيه .......
اهو عندك موديل 88 ب 20500 جنيه و العربية اللي انت شفتها موديل 82 ب 18500 جنيه .......... ايه رايك بقي ؟
شكرا لردك يا باشاااقتباس:
المشاركة الأصلية كتبت بواسطة wael abbass
شكرا لردك يا باشا بس يا ريت تقولنا فحصتها فين؟؟؟اقتباس:
المشاركة الأصلية كتبت بواسطة thegoodhacker
ودي تسوي لها كام في نظرك علي حالتها كدة؟
ياجماعه العمليه أصلها عرض وطلب يعني لكل عربية حالتها وسعرها وعلى حسب صاحبها بس نصيحه تاخد العربية من حد مضمون وأمين لأن اخر حاجه عرفتها ممكن يكون الموتور متلصب معمله طقم شمبر وهو محتاج عمره عشان يتلم ولو العربية عامله عمره قريب يبقى زي الفل
شكرا لردك يا غالي وربنا يكرم ونلاقي حاجة كويسةاقتباس:
المشاركة الأصلية كتبت بواسطة zalabany2007
لأ في رأيي أبعد أحسن ... لو قدرت تبعد عن المستعمل أبعد خالص المستعمل مشاكله ملهاش حل بالذات في الموديلات المتأخرة شوية ... في رأيي أدفع اللي معاك مقدم 128 جديده أو ماروتي تبقى أسمك راكب حاجه جديده زيرو وأنت أول رجل دخلتها وليها ضمان كمان .... عن نفسي أنا كنت حعمل زيك بس لاقيتها قربت من الجديد فناوي أقسط زي ماقلتلك بس ربنا يكرم بمقدم محترم... حاجه كمان أغلب المستعمل العافشه يعني ... وطبعا شوارعنا ربنا يكرمها .. أرجو يكون رأيي لاقى أستحسانه عندك لأن الواحد القرش مش بيجي بالساهل في الزمن ده فحرام فلوس عالأرض ..وربنا يكرمك ويلهمك الصواب ومتنساش الأستخارة ...
شكرا لردك يا باشااا وفعلا هوة فكر سليم بس انا عاوز حاجة اتعلم فيها وظروفي مش تسمح بقسط ناوو وباذن الله شوية ونبيع ونجيب كليو !والف شكر للنصيحةاقتباس:
المشاركة الأصلية كتبت بواسطة mohamed_88sk