مقترح عملى و مضمون و سهل بالصور للطرق السريعه و الدائريه

المشاكل.
فى 6 مشاكل رئيسيه فى الطرق السريعه:

1- ادينا بنشوف علشان يحلوا مشكله على طريق سريع يروحو حطين مطب فى التقاءالطرق و الطريق السريع يبقى بطيئ و بدال ما توصل فىنص ساعه توصل فى ساعتين مثلا زى المطمبات اللى على طريق الواحات عند دريم بارك و بعدها كل كيلو تقريبا
كده فاكرين انهم حلوا المشكله ده كمان غير تزويد الانبعاثات بسبب المطبات و البيئه
2- طيب انا عارف ان حوادث بتحصل على الطريق السريع بسبب النقل و الملاكى برضو بسبب عدم النظام.و الشمال بدون داعى و السرعه الزائده
3-دور الامن
4- حرمه الطريق السريع
5- المراقبه
6- علامات الكترونيه
الحلول :
1- التقاء الطريق السريع بطريق اخر لازم يكون بطريقه علميه .... اززاى؟

الطريق السريع لما تكون عربيه سريعه و عربيه تانيه داخله بطيئه فى حارتو صعب يفاديها و يقولو السواق مبصش بس ده عيب برضو فى الطريق نفسه المفروض يكون له حاره تديلو المجال انو ياخد سرعته الى 100 كم \س تقريبا و يبقى شكلها زى دى
http://jjbs.files.wordpress.com/2009...pg?w=450&h=626
و ده هيخفف الحوادث لان سرعتو تبقى قريبه لسرعه السريع بدل ما يلاقىى حاجه ماشيه 20 و هوه ماشى 100 فتكون كارثه
و زى ما انتو شايفين الحاره اليمين مش متأثره بالحاره البطيئه
و ادى صوره تانيه لنهايه حاره تجميع السرعه
http://upload.wikimedia.org/wikipedi...deling.svg.png

2- و الصور دى برضو بتوصلنا لحل المشكه الثانيه النظام
زى ما انتو شايفين من اليمين الى الشمال البطىىء فالاسرعو بالطريقه دى هتقل الزحمه على الطرق و مفيش شمال هيبقى بطيئ و هيكون للتخطى فقط
و ده علشان يتطبق هيوصلنا للحل الثالث
3- لازم لجان متحركه مش اللى بتعطل الطرق و ملهاش لازمه و هيشوف مين ماسك شمال و مين زايد على السرعه و كمان العربيات النقل اللى زايده عن الوزن للمحافظه على الطرق و تكون المخالفه عاليه علشان المقاطير بتفلت برضو من الحموله العاليه و قطع الغيار غير المطابقه
و هيلموا فلوس مخالفات برضو و هيشوفو اللى بيعدوا من اليمين بطريقه خطر
و مفيش حد يقرب بعجله او ماشى ناحيه الطريق السريعه او يوقف ميكروباص عليه
هتقولوا و الناس تمشى ازاى وده فى حل المشكله الرابعه

http://nileup.com/up/uploads/nilemotors_13913716471.jpg

4- فى كبارى علويه مش عاليه اوى بتريط الطرق ببعضها زى دى
و تستخدم ايضا كملف يو تيرن يعنى كولو فى واحد
و تكون على اد ارتفاع العربيه النقل علشان برضو نجبرهم ميعملوش حمولات عاليه مش القضاء على النقل
علشان ده شريان التجاره و بيقلل الازدهار مفسش ازدهار بدون تجاره
سيبوه يمشى فى الطرق السريعه بس بقوانين ليه لا
5- حل المشكله الخامسه
مين اللى يتاكد ان الطرق السريعه معموله طبقا للمواصفات و مش خطر على المواطن؟
مين يتاكد ان علامات التحذير محتوطه صح و بتدى العكس السليم مش اللى عملين زى الورق؟
مين يتاخد ان مفيش احجار او نقلهزباله مرميه على الطريق السريع؟
مين الى يتاكد ان مفيش حفره او مطب خطر على المواطن ؟
او ملف غلط؟
الحفر الناتجه عن حموله النقل فى الحاره اليمين و هل هى مناسبه للسير عليها!
الحاجات دى كلها و غيرها لازم يكون ليها لجنه للمراقبه عليها و محاسبه المسئولين!
6- و اخيرا المشكله السادسه لو حصل حادثه على طريق و الطريق وقف فى احتمال كبير ان العربيات السريعه تخش فى اللى فى اللى عاملين حادضثه
نحذرهم ازاى؟
فى علامات الكترونيه تحذّر باى تطور فى الطريق تقول العربيات اللى جايه سريع هدوا شويه زى ما فى الصوره دى
http://headlines.nos.nl/........s/1b...bf95.small.jpg
و فى الاخر مش هيكون فى اى احتياج لملفات يو تيرن اللى بناخد الشمال و سبب للحوادث
و يا رييت الموضوع يكون عجبكم و دى الصوره اللى نفسى اشوف بيها طرق مصر
يا رب الموضوع يتثبت ده من مجهودى الخاص

الصوره الاخيره علشان مش واضحه

http://headlines.nos.nl/........s/1b...bf95.small.jpg


http://t0.gstatic.com/images?q=tbn:A...0ky1SQzSEeRoA=

http://www.led2.org/images/DSC_1536a.jpg

الكلام ده جميل لكن محتاج شعب تاني يكون عنده ثقافة راقية علشان يفهم أزاي يستخدم الحارات دي الاستخدام الصحيح

ليه شعب تانى
ده الكلام اللى جايبنا ورا يا اخ SE_coralsea طيب مانا مصرى اهو و رخصتى الولو ملهاش لزمه فى اوروبا
اضطريت اعمل رخصه تانيه من عندهم و اتعرفت على الحاجات دى و غيرها من كتاب النظرى
اهو انا مصرى
الشعب المصرى شعب جميل بس يتثقف والله
ده فى علامات محطوطه غلط فى مصر
يعنى مثلا فى 6 اكتوبر فى اليو تيرن على المحور مدينك 20 متر تاخد سرعتك فيهم
ده و غير كده الخطوط الصفره معناها خطوط موقته للعمل و الاظرف من كده انها معناها خطوط طرد يعنى غير مسموحلك اخد سرعتك فيها
بس هما تقريبا الو شكلها حلو و الحاج فلاح قال شكلها حلو ماشيه مع العماير و مفيش حد بيراقبو
و الكتاب النظرى هنا بيبقى كتاب مع صور و سى دى و تمارين للكمبيوتر
مش كتب ممله يعنى
و شكرا

شكرا على الافكار القيمة

موجودة بالفعل في جميع دول الخليج .

افكار حلوة بس الي يفهم وينفذ

الفديو ده ممكن يوضحلكم بطريقه افضل
العربيات لما تبقى ماشيه فى اليمين بس و اسخدام الشمال فى التعديه بس
و ايضا الصور الموضحه بالاعلى على الطبيعه
يا ريت يعجبكم و يا رب يا رب اشوفو فى مصر
الشارع حارتين و زى ما يكون فاضى بسبب النظام و التخطيط

[youtube]http://www.youtube.com/watch?v=h6oi-Ei4Wic&feature=related[/youtube]

و ايضا فيديو اخر يمكن شبيه بشوارعنا الواسعه و العلامات الاكترونيه
و لو تلاحظو ساعات بتبقى شغاله مثلا فيها علامه x بالاحمر تعنى ممنوع السير فى هذه الحاره
و الطريق لما بيديق او يوسع بصو على الاسفلت واضح علاماتو اززاى , و الاسفلت مش بيلمع زى اللى فى مصر
و السلوك البطىء و السريع يمين
و مافيش يو تيرن علشان ميحطولكش البطىئ فى الشمال
و فى كتير تانى شوفو بنفسكم

[youtube]http://www.youtube.com/watch?v=b4_PAxSMaAY&feature=channel[/youtube]

فيديو يوضح العواكس اللى بتدى العكس الكافى
مش اللى عاملين زى الورق البهتان و مش واضحه
مش الاسفلت اللى بيعكس فلى عينك
عيشو ا مع الفيديو
[youtube]http://www.youtube.com/watch?v=F2Os7CSRXc4&feature=channel[/youtube]

انت بتكلم فى ناس مش عارفه معنى الحارات البيضاء اللى على الارض ومش عارفه الفرق بين الخط الابيض المتقطع والخط المتصل

دى لو موجوده اساسا الخطوط البيضاء فى الشارع

احنا والله مش مشكله شوارع او عربيات كتير احنا مشكلتنا ثقافه النظام مش اكتر

وبالنسبه للوحات الالكترونيه اللى بتقول تعليمات فى الطريق

النهارده كنت فى نفق الازهر وكان فى عربيه بايظ فى الحاره اليمين والاشارات الالكترونيه موضحه ده وقفله الحاره اليمين لكن برضوا تقول لمين الناس برضوا ماشيه فى الحاره اليمين اللى مقفوله وجت عند العربيه والطريق بقى زحمه طبعا

مش عيب من الناس هو بس احنا متعودناش على النظام

اقتباس:

---

المشاركة الأصلية كتبت بواسطة mahamedaraby

انت بتكلم فى ناس مش عارفه معنى الحارات البيضاء اللى على الارض ومش عارفه الفرق بين الخط الابيض المتقطع والخط المتصل

دى لو موجوده اساسا الخطوط البيضاء فى الشارع

احنا والله مش مشكله شوارع او عربيات كتير احنا مشكلتنا ثقافه النظام مش اكتر

وبالنسبه للوحات الالكترونيه اللى بتقول تعليمات فى الطريق

النهارده كنت فى نفق الازهر وكان فى عربيه بايظ فى الحاره اليمين والاشارات الالكترونيه موضحه ده وقفله الحاره اليمين لكن برضوا تقول لمين الناس برضوا ماشيه فى الحاره اليمين اللى مقفوله وجت عند العربيه والطريق بقى زحمه طبعا

مش عيب من الناس هو بس احنا متعودناش على النظام

---

يا اخ محمد مهو العيب مش فى الناس
الناس قبل ما تروح تمتححن يا بتاخد 500 جنيه يا بتحفظ اشارات و كده و كده برضو مفيش الاشارات دى فى شوارعنا
فالناس مش عارفه ايه دى
و مفيش كتاب تذاكره علشان تنجه و يقولك ده ايه و الامتحان العملى يدوبك تعدى من الاقماع
مفيش حد يطلع معاك و يشوفك بتطبق الحاجات دى اززاى
هيه العمليه متشعبه و بترجع للطريقه اللى بتاخد بيها الرخصه برضو العيب مش فى الناس
فى اللى مسكين المرور و الطرق اللى متختطه غلط
يا رب ارحمنا منهم
العيب فى طريه اخذ الرخصه

[QUOTE=tarekyahia;3872988624]
المشاكل.
فى 6 مشاكل رئيسيه فى الطرق السريعه:





اده ده انت عايزهم يشتغلوا بقي بدل ما يعدوا يقولوا ان المشكلة في الناس والسلوكيات (قال يعني الناس بتدي رخصة السواقة لنفسها )

الدول الي بدأت بعدينا عنده طرق مطابقة للمواصفات

اتفرج علي الدائري (الي اتعمل في الصحراء وكان ممكن تعمل كل الي نفسك فيه ) كلها سنة والاتنين ويبقي أسوأ من 6 أكتوبر

(أقل حاجة كان عملو احساب لطرق الخدمة الجانبية وكان عملوا مكان لمترو ومكان لخظ سكة حديد وبعدين لما يبقي معاهم فلوس يبقي ينفذوها

القاهرة بالطريقة دي حتبقي مدينة متفردة في العالم (20 -- 25 مليون نسمة )

السلام عليكم ورحمة الله وبركاته
احنا عندنا مجموعة مشاكل في فهم طبيعة السواقة و ده اللي مخللي مستوانا من ناحية تنظيم المرور متدني الى أقصى درجة
1- أول حاجة احنا لا يوجد عندنا علم بثقافة المسارات (الحارات ) ده السبب الرئيسي في أي تكدس مروري عندنا , ساعات تلاقي الطريق 3 حارات و نبص نلاقي عندنا 5 صفوف سيارات طبيعي بالمنظر ده هيحصل تكدس

2- مسافات الأمان و دي أخطر حاجة لازم الناس تعرفها , انا ساعات بتفزع لما فجأة ألاقي ميكروباص روش لازق في الاكصدام عندي ببتدي اني أركز في الطريق أكتر من الازم لأني لو فكرت اني ادوس فرامل السواق مع اللي جنبو هيشرفو جنبي على الكرسي

3- موضوع المشي بطيئ على الشمال ده أخطر شيء لأن المتعارف عليه دوليا ان الطريق من ناحية السائق هو الاأمن للتجاوز واتخاذ السرعات العالية , فبالتالي لما الاقي واحد ماشي في الشمال بطئ سأضطر للتجاوز من اليمين و في الحالة دي لازم اني أخرج بنصف السيارةعلى الأقل لكشف الطريق و قد يحصل مالا يحمد عقباه اذا كان هناك سيارة أبطأ منك

4- التجاوز من اليمين يعتبر ايضا من أخطر اسباب الحوادث

5- و نقف هنا مع أحد النقاط المهمة في الطرق السريعة و هي النقل الثقيل و مخاطره و أول هذه النقاط المشي في الشمال بطبيعة السيارة النقل كتسارع و سرعة قصوى ليست كالسيارة العادية لفرق الوزن و الموتور فيؤدي ذلك لنفس المخاطر كما في النقطة 3 مع اعتبار ان السيارة العادية من الممكن ان ترى من خلالها الطريق لكن في حالة النقل فانت في حالة عدم رؤية كاملة لباقي الطريق , ثانيا عدم مراعاة الدقة في تحميل السيارة النقل و يؤدي ذلك لمخاطر سقوط الحمل من المقطورة و يؤدي ذلك لخسائر فادحة (زي الزلط و الرمل ) , تزويد الأحمال فوق طاقة المقطورة و يؤدي ذلك لأنفصال المقطورة عن السيارة و طبعا انتو عارفين الباقي

6-عدم مراعاة المواصفات القياسية للطرق مما يؤدي لتلف الطريق في وقت قصير و عدم اتزان السيارة و شخصيا حصلت معايا كتييييير

7 - عدم الوعي التام لأستخدام الاشارات و دخول الدوارانات و الميادين , احنا هنا بندي الاشارة و بندخل علطول و تيجي تكلمو يقولك انا مديك اشارة و هو محدش قالو ان الاشارة على الاقل بتكون قبل المدخل بحوالي 50 متر على الاقل علشان تقدر تاخد المسار الصحيح انتو عارفين حاجة؟ ان الاشارة ليها 5 خطوات علشان تقدر تتجاوز من حارة لأخرى انا عن نفسي سقط في الاختبارات في الامارات بسببها و لو في أخوة سافرو هناك هيوافقوني على الموضوع ده , الميادين و القاعدة المعروفة عالميا (أولوية المرور للقادم من جهة اليسار ) و دي معناها ايه انت داخل الميدان و لسه مخدتش الدوران و في واحد جي من شمالك(مش معاك في الطريق ) بيلف الميدان لازم تعديه الأول و بعدين تعدي انت .. هتقوللي ما انا واخد سرعة هرد عليك ان انت لازم تدخل الميدان بطئ ماينفعش بأي حال من الأحوال انك تدخل الميدان على سرعة ,تاني حاجة في الميدان انك لازم تحافظ على المسار بتاعك وانت داخل و انت خارج .. ازاي .... انا هحمل صور للموضوع ده
http://www.usi.edu/roundabout/images/roundabout.gif
http://www.tmr.qld.gov.au/Travel-and...image_two.ashx


8 - و ده الأهم و هو استخراج رخص القيادة لغير المؤهلين لها ... انا لما سافرت الامارات كنت بسوق قبلها بحالي 10 سنوات و روحت سقطت 3 مرات رغم ان الحمد لله سواقتي كويسة و اتحسنت أكتر بقوانين السواقة هناك بس الحمد لله مصر يتضيع أي حاجة تتعلمها كويسة بره

9-عدم توعية السائقين و خصوصا النقل و التاكسي لقواعد القيادة السليمة انتو عارفين مدى صعوبة استخراج رخصة قيادة مهنية في انجلترا .... بلاش انجلترا هتقولو متقدمة عننا و ثقافتهم مختلفة .... الامارات .. انا شوفت بعيني ناس بقالها بالسنتين مش عارفين يطلعو الرخصة و صرفو مالا يقل عن 5000 درهم و رغم كده معرفوش .... ليييه ؟؟؟؟ ..... لأن الدولة لم تعتبرهم غير مؤهلين لقيادة النوع ده من المركبات (لأنها بتحافظ على أرواح و مصالح مواطنيها )

و في النهاية انا نفسي فعلا نكون زي الناس اللي برة دوول احنا مش أقل منهم في حاجة بالعكس احنا اللي علمناهم بس للأسف هم سبقونا و احنا فضلنا محلك سر

و أسف على الاطالة

[QUOTE=Astra200;3873028472]

اقتباس:

---

المشاركة الأصلية كتبت بواسطة tarekyahia

المشاكل.
فى 6 مشاكل رئيسيه فى الطرق السريعه:





اده ده انت عايزهم يشتغلوا بقي بدل ما يعدوا يقولوا ان المشكلة في الناس والسلوكيات (قال يعني الناس بتدي رخصة السواقة لنفسها )

الدول الي بدأت بعدينا عنده طرق مطابقة للمواصفات

اتفرج علي الدائري (الي اتعمل في الصحراء وكان ممكن تعمل كل الي نفسك فيه ) كلها سنة والاتنين ويبقي أسوأ من 6 أكتوبر

(أقل حاجة كان عملو احساب لطرق الخدمة الجانبية وكان عملوا مكان لمترو ومكان لخظ سكة حديد وبعدين لما يبقي معاهم فلوس يبقي ينفذوها

القاهرة بالطريقة دي حتبقي مدينة متفردة في العالم (20 -- 25 مليون نسمة )

---

امال هنبدا امتى !
ده فى ناس بتموت كتير و كل ده مش شافع عند المسؤولين
ده كمان فى ناس بتبنى بدون رخص
فى اى دوله بره الدوله بتدى مناقصات بالاراضى اللى دخلها مرافق و تكون مدروسه و يكون معروف كل ابعادها و مستوى الزحام فيها
و طرق تقليله و بعد كده يبداوا البيع فى الاراضى

اقتباس:

---

المشاركة الأصلية كتبت بواسطة speed demon666

السلام عليكم ورحمة الله وبركاته
احنا عندنا مجموعة مشاكل في فهم طبيعة السواقة و ده اللي مخللي مستوانا من ناحية تنظيم المرور متدني الى أقصى درجة
1- أول حاجة احنا لا يوجد عندنا علم بثقافة المسارات (الحارات ) ده السبب الرئيسي في أي تكدس مروري عندنا , ساعات تلاقي الطريق 3 حارات و نبص نلاقي عندنا 5 صفوف سيارات طبيعي بالمنظر ده هيحصل تكدس

2- مسافات الأمان و دي أخطر حاجة لازم الناس تعرفها , انا ساعات بتفزع لما فجأة ألاقي ميكروباص روش لازق في الاكصدام عندي ببتدي اني أركز في الطريق أكتر من الازم لأني لو فكرت اني ادوس فرامل السواق مع اللي جنبو هيشرفو جنبي على الكرسي

3- موضوع المشي بطيئ على الشمال ده أخطر شيء لأن المتعارف عليه دوليا ان الطريق من ناحية السائق هو الاأمن للتجاوز واتخاذ السرعات العالية , فبالتالي لما الاقي واحد ماشي في الشمال بطئ سأضطر للتجاوز من اليمين و في الحالة دي لازم اني أخرج بنصف السيارةعلى الأقل لكشف الطريق و قد يحصل مالا يحمد عقباه اذا كان هناك سيارة أبطأ منك

4- التجاوز من اليمين يعتبر ايضا من أخطر اسباب الحوادث

5- و نقف هنا مع أحد النقاط المهمة في الطرق السريعة و هي النقل الثقيل و مخاطره و أول هذه النقاط المشي في الشمال بطبيعة السيارة النقل كتسارع و سرعة قصوى ليست كالسيارة العادية لفرق الوزن و الموتور فيؤدي ذلك لنفس المخاطر كما في النقطة 3 مع اعتبار ان السيارة العادية من الممكن ان ترى من خلالها الطريق لكن في حالة النقل فانت في حالة عدم رؤية كاملة لباقي الطريق , ثانيا عدم مراعاة الدقة في تحميل السيارة النقل و يؤدي ذلك لمخاطر سقوط الحمل من المقطورة و يؤدي ذلك لخسائر فادحة (زي الزلط و الرمل ) , تزويد الأحمال فوق طاقة المقطورة و يؤدي ذلك لأنفصال المقطورة عن السيارة و طبعا انتو عارفين الباقي

6-عدم مراعاة المواصفات القياسية للطرق مما يؤدي لتلف الطريق في وقت قصير و عدم اتزان السيارة و شخصيا حصلت معايا كتييييير

7 - عدم الوعي التام لأستخدام الاشارات و دخول الدوارانات و الميادين , احنا هنا بندي الاشارة و بندخل علطول و تيجي تكلمو يقولك انا مديك اشارة و هو محدش قالو ان الاشارة على الاقل بتكون قبل المدخل بحوالي 50 متر على الاقل علشان تقدر تاخد المسار الصحيح انتو عارفين حاجة؟ ان الاشارة ليها 5 خطوات علشان تقدر تتجاوز من حارة لأخرى انا عن نفسي سقط في الاختبارات في الامارات بسببها و لو في أخوة سافرو هناك هيوافقوني على الموضوع ده , الميادين و القاعدة المعروفة عالميا (أولوية المرور للقادم من جهة اليسار ) و دي معناها ايه انت داخل الميدان و لسه مخدتش الدوران و في واحد جي من شمالك(مش معاك في الطريق ) بيلف الميدان لازم تعديه الأول و بعدين تعدي انت .. هتقوللي ما انا واخد سرعة هرد عليك ان انت لازم تدخل الميدان بطئ ماينفعش بأي حال من الأحوال انك تدخل الميدان على سرعة ,تاني حاجة في الميدان انك لازم تحافظ على المسار بتاعك وانت داخل و انت خارج .. ازاي .... انا هحمل صور للموضوع ده
http://www.usi.edu/roundabout/images/roundabout.gif
http://www.tmr.qld.gov.au/travel-and...image_two.ashx


8 - و ده الأهم و هو استخراج رخص القيادة لغير المؤهلين لها ... انا لما سافرت الامارات كنت بسوق قبلها بحالي 10 سنوات و روحت سقطت 3 مرات رغم ان الحمد لله سواقتي كويسة و اتحسنت أكتر بقوانين السواقة هناك بس الحمد لله مصر يتضيع أي حاجة تتعلمها كويسة بره

9-عدم توعية السائقين و خصوصا النقل و التاكسي لقواعد القيادة السليمة انتو عارفين مدى صعوبة استخراج رخصة قيادة مهنية في انجلترا .... بلاش انجلترا هتقولو متقدمة عننا و ثقافتهم مختلفة .... الامارات .. انا شوفت بعيني ناس بقالها بالسنتين مش عارفين يطلعو الرخصة و صرفو مالا يقل عن 5000 درهم و رغم كده معرفوش .... ليييه ؟؟؟؟ ..... لأن الدولة لم تعتبرهم غير مؤهلين لقيادة النوع ده من المركبات (لأنها بتحافظ على أرواح و مصالح مواطنيها )

و في النهاية انا نفسي فعلا نكون زي الناس اللي برة دوول احنا مش أقل منهم في حاجة بالعكس احنا اللي علمناهم بس للأسف هم سبقونا و احنا فضلنا محلك سر

و أسف على الاطالة

---

انا سعيد بتعليقك
و انا تطرقت لمعظم الى كتابتو و سعيد باضافاتك والله الناس بتموت كتير و ده مش شافع عندهم
البلد دى نازله ل تحت و مش عارف رايحه على فين و اذا كانت هينفع تتلحئ وللا لا
مش عارف ليه مش عاملين معايير للطرق و لجنه تراقبو
بس برضوا من ناحيه تانيه مش هينفع تعلم الناس على الى مش شايفينو ! مش هيتعلموا حاجه و يختبروا على شوارع مش موجود فيها ابسط مقومات الشارع

[size="5"]

اقتباس:

---

المشاركة الأصلية كتبت بواسطة tarekyahia

انا سعيد بتعليقك
و انا تطرقت لمعظم الى كتابتو و سعيد باضافاتك والله الناس بتموت كتير و ده مش شافع عندهم
البلد دى نازله ل تحت و مش عارف رايحه على فين و اذا كانت هينفع تتلحئ وللا لا
مش عارف ليه مش عاملين معايير للطرق و لجنه تراقبو
بس برضوا من ناحيه تانيه مش هينفع تعلم الناس على الى مش شايفينو ! مش هيتعلموا حاجه و يختبروا على شوارع مش موجود فيها ابسط مقومات الشارع

---

السلام عليكم ورحمة الله وبركاته

حضرتك كلامك صح و زي ما المثل بيقول فاقد الشيء لايعطيه .... ازاي بتطلب مني الالتزام و انا مش بلاقي أبسط انواع الأمان على الطريق , ده يا راجل الطرق بتكون لسه مفتتحنها و تلاقي فيها جمبات هوا , خلي كده دولة برة يحصل في عربيتك حاجة بسبب اهمال الجهة المختصة بالطرق و الله من حقه انه يرفع قضية على الجهة الحكومية دي و بيكسبها و بيعوضوه عن الضرر اللي لحق بعربيتو مش احنا اللي بنضيع ما يقرب من ثمن العربيه على التصليحات و خصوصا العفشة بسبب اهمال البهوات , رغم ان احنا بندفع ضرايب و الله زيهم وبنعمل كل اللي مطلوب مننا و رغم كده ما بنالاقيش حاجة بالمقابل

الكلام كتييييييير بس اللي عندو ضمير و ينفذ هو اللي مش موجود

اقتباس:

---

المشاركة الأصلية كتبت بواسطة speed demon666

[size="5"]

السلام عليكم ورحمة الله وبركاته

حضرتك كلامك صح و زي ما المثل بيقول فاقد الشيء لايعطيه .... ازاي بتطلب مني الالتزام و انا مش بلاقي أبسط انواع الأمان على الطريق , ده يا راجل الطرق بتكون لسه مفتتحنها و تلاقي فيها جمبات هوا , خلي كده دولة برة يحصل في عربيتك حاجة بسبب اهمال الجهة المختصة بالطرق و الله من حقه انه يرفع قضية على الجهة الحكومية دي و بيكسبها و بيعوضوه عن الضرر اللي لحق بعربيتو مش احنا اللي بنضيع ما يقرب من ثمن العربيه على التصليحات و خصوصا العفشة بسبب اهمال البهوات , رغم ان احنا بندفع ضرايب و الله زيهم وبنعمل كل اللي مطلوب مننا و رغم كده ما بنالاقيش حاجة بالمقابل

الكلام كتييييييير بس اللي عندو ضمير و ينفذ هو اللي مش موجود

---

تعرف انا فى فمره جنط عربيتى اتلوح فى طريه الواحات بسبب حفره فيه ... بس هتروح لمين تقولو جنطى اتكسر
و بره الضرائب الى موجوده تقريبا مصر بدات تطبق كل حلجه فيها
بس الضرائب الذياده بتروح لفقراء الشعب
انما فى مصر الضرائب الزياده مبتشوفهاش او بتروح لعجز الحكومه
بس انا مش عارف احنا هنبدا امتى ادى الناس بتقول و تعمل
تعتقد ان فى حد هيعمل و ينفذ؟

معلش اضافه بسيطه فى لطرق السريعه بره مفيش حاجه اسمها لجنه او مطب على طريق سريع
بس فى لجنه متحركه بس
اللجنه دى بتشوف اذا كان واحد ماسك شمال و الموبايل و الحزام و الرخصه و السرعه ... الخ
و الكلام ده اللجنه الثابته صعب تشوفو
و كمان اللجنه دو مزوده بكاميرا و يبث اخطاء السائقين كل اسبوع فى برنامج على التليفزيون لتوعيه الشعب
و تخيل مثلا بدل الجان الثابته اللى كل شويه داخل فيها ظابط و عساكر بيخدموا على الظابط بشاى و قهوه و الذى منه
نمسك طريق اسكندريه مثلا فيه اول 15 شخص فى اللجان الثابته؟
تخيل بس لو 6 اشخاص فى لجنتين متحركتين بسيارتين
مسكوا طريق اسكندريه رايح جاى
تخيل الطريق هيبقى عامل اززاى .... و كمان توفير فى اللجان الثابته و الكهرباء و الشاى و الافراد قلوا للنصف
بص للفيديو اللى انا حطو مش هتشوف لجنه
و كمان فى معظم الدول يوجد طريقه لربط الطريق السريع باخر السائق مبيضطرش يهدى للمطب الصناعى
و كمان الطرق السريعه تقريبا تبقى عباره عن شبكه صياد فوق الدوله يعنى كل مدينه تقريبا بيلف حوليها طرق سريه
و كمان بينمى الازدهار بالتجاره و سرعه النقل
انا بستغرب من اللى بشوفو فى مصر

شباب انا بعت ايميل رئاسه الوزراء و ده كان ردهم على اقتراحى
نشكركم على اقتراحاتكم البناءة، وسيتم النظر للاستفادة منها.
تعتقدوا انهم واخدينها على محمل الجد؟

يااه .. دا احنا ناقصنا كتيــــــــــــــــــــــ ـــــــــــــــــر
بس الواحد لو هنده طرق زي كده ممكن ينام و هو سايق أو يحس بالملل !!

[QUOTE=tarekyahia;3873064693]

اقتباس:

---

المشاركة الأصلية كتبت بواسطة Astra200

امال هنبدا امتى !
ده فى ناس بتموت كتير و كل ده مش شافع عند المسؤولين
ده كمان فى ناس بتبنى بدون رخص
فى اى دوله بره الدوله بتدى مناقصات بالاراضى اللى دخلها مرافق و تكون مدروسه و يكون معروف كل ابعادها و مستوى الزحام فيها
و طرق تقليله و بعد كده يبداوا البيع فى الاراضى

---

نبدأ امتي -- معروف نبدأ امتي -- لما يكون في دولة مسئولة
عملوا قانون مرور جديد الجديد -- ونفذوا منه ايه ؟
النقل لسه ماشي مضلم وماشي شمال -- الميكروباس لا يقف الا علي النواصي ومطالع الكباري
انا كنت في دبي واكتشفت انك ما ينفعش توقف تاكسي الا في محطة التاكسي

الناس بتموت علي الطرق -- عادي جدا -- ما احنا كتير --

النقل نازل حش في العربيات -- ايه المشكلة بعني المهم ان الاقتصاد ما يتهزش علشان لو منعوا المقطورة يعني

مخارج طريق زي الدائري تتعمل غلط فتقفل الطريق- وايه يعني

نبدأ امتي ----

يعني لما يحصل تضخم أكتر من 100 % في خلال شهر و ما حدش يتحرك -- ووزارة الزراعة لا أري لا أتكلم -- تفتكر انهم ممكن يفرق معاهم المرور

عندك سحابة سودا بقالها أكتر من 10 سنين

بس الصراحة هما عملو حسابهم وبنوا مستشفي لسرطان الأطفال وكما بيلموا علشان يبنو معهد للاورام

وطبعا ماتنساش الأستثمار الي خلا سعر متر الأرض من 200 جنيه ل 3000 جنيه -- انبسط يا مواطن --- وأصغر شقة في مدينتي الي وقفا علي صاحبها ببلاش ب 700 ألف

اقتباس:

---

المشاركة الأصلية كتبت بواسطة tarekyahia

تعرف انا فى فمره جنط عربيتى اتلوح فى طريه الواحات بسبب حفره فيه ... بس هتروح لمين تقولو جنطى اتكسر
و بره الضرائب الى موجوده تقريبا مصر بدات تطبق كل حلجه فيها
بس الضرائب الذياده بتروح لفقراء الشعب
انما فى مصر الضرائب الزياده مبتشوفهاش او بتروح لعجز الحكومه
بس انا مش عارف احنا هنبدا امتى ادى الناس بتقول و تعمل
تعتقد ان فى حد هيعمل و ينفذ؟

---

لو بتمشي علي دائري المنيب عند كوبري المنيب المتجه للمعادي في كسر في الحارة التانية بقاله أشهر وكل يو م أخد هدر فيه --- تفتكر مافيش حد شافه ؟ ولا هو أصلا مافيش فحص للطرق والكباري

احنا هنا لو انت عايز تاخد شمالك اويمينك -- ما تديش اشارة --- لانك لو اديت اشارة الي وراك حياخد باله من نيتك السيئة فبقوم دايس بنزين علشان يقفل عليك


مع ذلك برضه دايما بدي اشارة -- يمكن في يوم من الأيام الناس يبقي عنده ذوق


طبعا القيادة في الدائري مغامرة يومية ---

النقل ابو مقطورة الي واخد الطريق لحسابه

والشباب الي فاكر ان السواقة باقصي سرعة ممكنة والتغريز بين العربيات يطولة ( محتاج بصراحة لراي دكتور نفساني هما ليه بيعملوا كده --- طبعا هو مش مقدر أو مش فارق معاه انه لو لمس عربية من بوزها وهو ماشي بالسرعة دي الي ممكن يعمله -- العربيه بتفقد التوجيه وتلف حوالين نفسها --- بس مش مهم المهم انه يثبت انه بطل و مروع كل الناس --- وبعدين تلاقية واقف بيكلم واحد صاحبه -- (يعني ماكانش مستعحل ولا حاجة ) او لو حاول يطلع منك بالغلط وانت ما اختفتش من قدامه -- يقوم بعد ما يعدي يفضل ماش قدامك بطيء (بغلس عليك )

بصراحة محتاجين رأي أخصائي نفسي ليه الناس بتتعامل بعدائية في السواقة

واحد صاحبي كان معاه واحد ياباني -- بيقوله انت ليه بتكرهوا بعض كده ؟

اقتباس:

---

المشاركة الأصلية كتبت بواسطة astra200

احنا هنا لو انت عايز تاخد شمالك اويمينك -- ما تديش اشارة --- لانك لو اديت اشارة الي وراك حياخد باله من نيتك السيئة فبقوم دايس بنزين علشان يقفل عليك


مع ذلك برضه دايما بدي اشارة -- يمكن في يوم من الأيام الناس يبقي عنده ذوق


طبعا القيادة في الدائري مغامرة يومية ---

النقل ابو مقطورة الي واخد الطريق لحسابه

والشباب الي فاكر ان السواقة باقصي سرعة ممكنة والتغريز بين العربيات يطولة ( محتاج بصراحة لراي دكتور نفساني هما ليه بيعملوا كده --- طبعا هو مش مقدر أو مش فارق معاه انه لو لمس عربية من بوزها وهو ماشي بالسرعة دي الي ممكن يعمله -- العربيه بتفقد التوجيه وتلف حوالين نفسها --- بس مش مهم المهم انه يثبت انه بطل و مروع كل الناس --- وبعدين تلاقية واقف بيكلم واحد صاحبه -- (يعني ماكانش مستعحل ولا حاجة ) او لو حاول يطلع منك بالغلط وانت ما اختفتش من قدامه -- يقوم بعد ما يعدي يفضل ماش قدامك بطيء (بغلس عليك )

بصراحة محتاجين رأي أخصائي نفسي ليه الناس بتتعامل بعدائية في السواقة

واحد صاحبي كان معاه واحد ياباني -- بيقوله انت ليه بتكرهوا بعض كده ؟

---

ههههههه تسدق ان فى اوروبا دروس متخصصه لكده
لما يشوفوك بتسوق برعونه يقولولك لازم تاخد القرص ده و تعديه و بعد كده تاخد رخصتك
اما بالنسبه للحفر الى فى الطرق
تخيل لو فى عربيتين فى مصر ماشيين مسح فى الطرق مش ممكن يبقى المنظر احسن
والله انا حاسس انى بنفخ فى اربه مقطوعه ادينا بنتكلم مين هيسمع
المراقبه اساس نجاح اى عمل يا اخ استرا
بس زى ما كتبت برضو انا ساعات بمشى شمال علشان خايف من مفاجاات اليمين
بس بحاول اتجنبو على قد ما اقدر
الطرق زى الزفت بجد تمووت انا بشوف كل اسبوع على الاكثر حادثه
المشكله برضو فى وعى الناس مش عارفين ان المكله منهم ولا من الطريق يعنى مثلا لو مشيت شمال علشان اليمين مكسر
اذا واحد مسك شمال اتاخد مخالفه هيقول فى دماغه عندو حق الشرطى مع ان الطريق مكسر

اسف اقصد على الاقل حادثه

موضوع جامد أوي ،، و حيوي ،، طيب ليه مجرتش تعرضه على الحكومة الجديدة حالياً ؟؟؟

متشكرين جدا يا باشا على الاقترحات الحلوة دى

ويا رب البلد تاخذ بالافكار القيمة دى لان البركة فى شباب مصر

واخيرا السلام عليكم ورحمة الله وبركاته

السلام عليكم ورحمة الله وبركاته


جزاك الله خيرا اخي الموضوع اكثر من رائع بجد والله اللي يسوق عربية انا كنت باسوق في السعودية ولما نزلت القاهرة ركبت جنب زميلي اتفاجات بالمنظر اللي بيدخل يمين يدخل براحته اللي يدخل شمال عادي ومفيش اي اعتبار للحارات المرورية ولما تيجي تكلمه يقولك انا مطلع ايدي اهي يا حلاوتك في اختراع اسمه الاشارات بجد الواحد بيشوف غباااء من اللي عمل الطرق مش صممها دلو لو بيصمم علي الاقل كان بيفهم انه لما يعمل يوتيرن يعمل حارة تباطي علشان مااثرش علي اللي ورايا ولما الف اخد سرعتي وابقي في الحارة تمام لكن تبقي عامل الرصيف الوسطاني 10 متر واكتر ولما اجي الف لازم بوز العربية يقطع الحارة وانتبه من اللي جاي ورايا بجد نفسي يعدموا اللي بيعمل الطرق في مصر


انا عندي اقتراح ممكن حضرتك قولت عندك سيديهات ومعلومات فلو تنشرها علي المنتدي هنا احنا نستفيد ونفيد الناس بعدينا واهي خطوة للامام ونبدا بنفسنا

اقتباس:

---

المشاركة الأصلية كتبت بواسطة smsm_nabawy

موضوع جامد أوي ،، و حيوي ،، طيب ليه مجرتش تعرضه على الحكومة الجديدة حالياً ؟؟؟

---

هما فاضيين لمين ولا لمين
انتى عارف السلوك المصرى ادامو شويه عبال ما يتطور و يردو بايجابيه و تعرف تسألهم ملفى وصل لفين
فاهمنى؟
انا بعت اقتراح لرئاسه الوزرا اولتلهم بدال ما تحطوا صندوق اسود فى العربيات النقل و الاوتوبيسات للتجسس و ليس له اى فائده لتقليل الحوادث
حطو جهاز يحدد سرعه العربيات النقل ب 90 و الاوتوبيسات ب 100 لان اسرع من كده مش مسموح على الطرق المصريه
اولى احنا بنعتبرها شكوى و بعتناها للجهات المختصه
و حلنى!!!!!!!!!!!!!!!!

اقتباس:

---

المشاركة الأصلية كتبت بواسطة Ahmed_Lada

متشكرين جدا يا باشا على الاقترحات الحلوة دى

ويا رب البلد تاخذ بالافكار القيمة دى لان البركة فى شباب مصر

واخيرا السلام عليكم ورحمة الله وبركاته

---

يا رب