السلام عليكم ورحمة الله وبركاته ...
اخواني الاعزاء ارجو مساعدتي في المشكلة دي لانها اول مرة تحصل لي ومش عارف اتصرف فيها في بعض الحاجات...
المشكلة تتلخص في اني كنت راجع علي طريق مصر السويس .والطريق كان فيه جزء متسفلت وجزء لا... وانا طبعا مكنتش عارف الكلام ده وفاتح علي 100كم عادي....
المهم الفرق اللي مابين الجزء المتسفلت والغير متسفلت كان في حدود 7سم وهي دي المشكلة ... العربية خدت الفرق ده علي سرعة عالية وبالتالي سمعت صوت ضربة جامدة لما نزلت لقيت ان الكاوتش الهوا اللي فيه طلع عشان الجنط اتعوج.... والكلام ده حصل في العجلتين الشمال اللي ورا واللي قدام...
المهم انا رحت عدلت الجنط ورصصت بس المشكلة لعدم خبرتي في امور العربيات بشكل كافي اني مش عارف....
هل فيه حاجة حصلت كده في المساعد ولا لا؟؟؟
هل فيه حاجة حصلت في العفشة تخليني اروح اكشف عليها ولا لا ؟؟؟
ولو مطلوب مني اني اروح اتاكد من الحاجات دي.. هل لازم اروح اكشف عليها في التوكيل او مراكز الخدمة المعتمدة ولا عند اي حد متخصص وخلاص؟؟