ايه هو انسب زيت لمتور الأكسارا 1 ودرجته لزوجته كام؟؟؟
عرض للطباعة
ايه هو انسب زيت لمتور الأكسارا 1 ودرجته لزوجته كام؟؟؟
ياااااه ودا غالي علي كده ؟؟؟؟
حط توتال 5000 او موبيل xhb و غيره كل ٢٥٠٠ كم
15w50 ولا 10w50 ????
مش هتفرق كتير... بس 10w50 احسن شويه.
و الاكسارا 2 1600 سيسي احسن زيت ايه
و عندي مشكله في المياه انا بجيب ميه خضراء سعودي و لكن تقريبآ بزودها كل يوم مفيش ميه بتنقط و العربيه مش بتسخن الا لو شغلت التكييف يا ترى العيب فين
عربيتك ماشيه كام الف؟! لو الموتور حالته كويسه و ماشي اقل من ١٠٠ او ١٥٠ الف ممكن تستعمل زيت تخليقي (١٠٠٠٠ كم) بس علشان تعرف هتحطه مره و تتابعه لانك ممكن تحتاج تزوده مره او اتنين لو الموتور بياكل زيت. لو الموتور حالته مش قوه هتلاقي الزيت بينقص جامد و في الحاله دي خليك في الانواع اللي بتتغير كل ٣٠٠٠ كم.
بالنسبه للتكييف انا مش عارف عندك مروحه و لا اتنين. لو اتنين اتأكد انهم بيشتغلوا مع التكييف. لو عندك مروحه واحده ممكن يكون فيها مشكله في السرعات
شكرآ للاهتمام العربيه عامله حوالي 156 الف كيلو
و هشوف المروحه لأني انا كمان مش عارفه واحده ولا 2
شكرآ للاهتمام و ان شاء الله حجرب
اهلا ياشباب حد فيكم بيدخل علي citroen xsara owners club ده موقع هايل جدا المهم انا بجيب سيرته لاني سألت السؤال ده هناك والردود كانت غريبه
اولا ماحدش بيستعمل زيت معدني كله تخليقي حتي لو العربيه ماشيه ٢٦٠ الف كيلو
ماحدش بيغير زيت قبل ١٠٠٠٠ ميل يعني حوالي ٢٠٠٠٠ كم وقالولي غير المعدني اللي بتحطه كل ٥٠٠٠ ميل
الاراء دي مش من بلد واحده لأ دي من انجلترا وهولندا وكرواتيا
قولتلهم ان الزيوت عندنا زباله وكلها بتتعبي في مكان واحد وطبعا شركات البترول مستفيده من اعادة التكرير
قالولي خلاص يبقي استعمل ارخص زيت لو كلهمم زي بعض وبعدين ما انت عندك مقياس للزوجة الزيت فالتابلوه لما ينقص معاك ابقي غير وشوف الزيت بيقعد معاك اد ايه ؟
وبعدين سألوني بتحط زيت ايه قولتلهم شيل ٥٠٠٠ قالولي لأ ده زباله وقالولي انواع كده كتير ماعندناش منها في مصر غير توتال كوارتز ٧٠٠٠ 10w40 و موبيل ١
فإنشاء الله اجرب توتال المره اللي جيه
مفيش توتال ٧٠٠٠ في مصر. قصدك توتال ٩٠٠٠ و ده المكافيء لموبيل ١.اقتباس:
وبعدين سألوني بتحط زيت ايه قولتلهم شيل ٥٠٠٠ قالولي لأ ده زباله وقالولي انواع كده كتير ماعندناش منها في مصر غير توتال كوارتز ٧٠٠٠ 10w40 و موبيل ١
فإنشاء الله اجرب توتال المره اللي جيه
عموما انا بستعمله و ممتاز
اعتقد ان الزيت المخلق زي موبيل وان هو الافضل....وبيتحمل مع الحمل الزائد....وفيه كمان زيت الامارات حد جربه؟؟؟