الموضوع: نصائح تلين الصنى

مبروك استلام العربية , وربنا يعطيك خيرها ويكفيك شرها

بخصوص التلين , متقرص على اى غيار ابدا وخالى الار بى ام ميزدش عن 3000 لفة , وكمان نوع بين الغيارات , ومتعديش السرعة عن 100 فى فترة التلين وخالى سرعاتك منوعة

وبخصوص التكيف هو اللى اعرفه انه لايفضل استخدامه فى فترة التليين , بس فى اعضاء شغلوه وقالوا عادى
فاستنى راى باى الاعضاء

جرب فول مرة تانية وشوف الوضع معاك ايه

وبخصوص اى شكوى ليك فى العربية دونها عندك اول ما تروح تعمل الصيانة تاكد انهاحتتحل على مايرام

اولا مبارك عليك الصني وربنا يبارك لك فيها ويحفظك
نصيحة مني اقرأ دليل الإستخدام من الجلدة للجلدة فعلا كله معلومات مفيدة جدا جدا .

فترة التليين كما هي في دليل المستخدم 1000 ميل يعني حوالي 1600 كيلو متر
في فترة التليين مطلوب من حضرتك متمشيش على سرعة ثابتة لمسافة طويلة حتى لو سرعة منخفضة يعني تغير ولو على كريق سفر من 90 إلى 100إلى 80 إلى 70 وهكذا بالضافة ان حضرتك تغير بين نقلات الفيتيس كل شوية ومعليش ال rpm عن 3000 لفة قدر الإمكان بالإضافة لعدم جر مقطورة في بداية التليين.
حاجة ثانية مهمة جدا هو عدم الإستخدام القاسي للفرامل (طبعا إلا عند الحاجة طبعا) ويفضل الضغط بقوة متوسطة لإيقاف السيارة وليست بقوة كبيرة مفاجأه.

طبعا مخالفة التعليمات ديه مش هتتلف السيارة لكن إتباعها يضمن لك بإذن الله محرك ممتاز قوي يدوم قوة أداءة عمر طويل إن شاء الله.

لم اجد في دليل المستخدم ما يشير إلا عدم تشغيل التكييف ولذا أرى انك تشغل التكييف عادي خالص وتستمتع بيه في الجو الحر ده ربنا يلطف بينا وده طالما ان لا يوجد مايمنع إستخدامه سواء في دليل المستخدم او من اراء المهندسيين المتخصصين في هذا المجال.

واستمتع بالصني:)