عاوز اجيب التلفزيون بأ

**dramyd** · 29-08-2010 03:26 PM

بعد حيرة ولف ودوران عاوز اجيب با التلفزيون وفى النهاية استقريت على....
LG lcd موديل lh70 32
او سامسونج s5 1080p

بس بصراحة كان ليا سوال هو فى من ال جى دة 37 بوصة وياريت لو حد يعرف انو موجود يارب يكون عارف سعرة كام ويقولى ربنا يخلية عشان انا تهت فى الاسعار اليومين دول ......
وقولولى اية رايكو انهو احلى فى الاتنين انا عارف انو السامسونج اغلى من ال جى بحوالى 300 جنية فلو اقدر اجيب ال جى 37 بدل ما اجيب السامسنج 32 بيتهيقلى كدة احسن.....
بس ياريت لو حد عارف اسعار...
وكمان فى 37 بوصة من ال جى .
شكرا ...

**elgabry1977** · 29-08-2010 04:27 PM

انا كمان بدور و شبه استفريت على lg ld 460 مقاس 42 يوصه و دى عامله حوالى 5700 جنيه فى كارفور بس مستنى الاقى مكات ارخص شويه

**MaZaGAngeE** · 30-08-2010 04:27 AM

شوف عبد العزيز ممكن يكون ارخص

**opelawy** · 30-08-2010 04:02 PM

انا من اسبوعين جبت سامسونج 32
s5
من كارفور اكتر من ممتاز

**dramyd** · 30-08-2010 04:21 PM

انا من اسبوعين جبت سامسونج 32
s5
من كارفور اكتر من ممتاز

بقا بكام دلوقتى
وهل ياترى عرفت اسعار ال جى كمان ولا انت كنت مختار السامسونج على طول ورحت علية

**mr_kenawy** · 30-08-2010 06:10 PM

انا لسة من شهرين جايب lg lh70 42 بوصة ب 6300 من بى تك , شاشة ممتازة بس خللى بالك ان موديل lh70 ده اوقف انتاجه من المصنع يعنى لو عاجبك و لاقيه فى اى محل الحق اشتريه , لانه من وجهة نظرى اشيك موديل فى ال جى و موديلات 2010 لا تقارن بيه من حيث شكل الشاشة الخارجى , و بالتوفيق.

**opelawy** · 30-08-2010 06:19 PM

انا كنت بدور علي سامسونج
ال جي مش مقنع اوي بصراحة و لا وجه مقارنة بين السامسونج و الل جي !!!

بحترم الاثنين بس ميال للماركة المحترمة ( ممكن الل جي محترم بس تقفيلوا في مصر مش تمام )

كان ب 3850 او 3800
حاجة كده

نصيحة بص علي الباناسونيك !!!!
خرافة و الوحيداللي ماليزي بس مش لقيتو في اي مكان ابدا

**l0new0lf** · 30-08-2010 06:43 PM

الباناسونك موجود فى عبد العزيز و محلات باناسونك و كارفور
بس الاحسن منه السونى
انزل كارفور المعادى و اتفرج على كل الموديلات هناك
و لما تحب تشترى انزل عبد العزيز هتلاقى ارخص 150 جنيه اقل واجب و ده من تجربتى فى شراء تلفزيون السنه الى فاتت

**MaZaGAngeE** · 30-08-2010 09:39 PM

امبارح كنت في كارفور و كان عارض تلفزيون سامسونج تحفة ليد و 3 أبعاد و انترنت ... بس النت بتشتغل ازاي بقى ؟
طبعا مش حاطين سعر بس شكله كده تحفة فنية ....

حد عارف النت بتشتغل ازاي ؟ هل بيتوصل على الشبكة ؟ طب بيركبله كيبورد ؟

**anaskhal** · 30-08-2010 10:02 PM

انصح كل الاخوة قبل ما تشتروا اى حاجة خاصة التلفزيونات lcd ادخل على موقع moshtry.com انا استفدت منه جدا لان ممكن الماركات المختلفة تتشابه فى مقاس البوصة لكنه يوجد اختلاف كبير جدا فى باقى المواصفات وكمان شارح كل خاصية معناها ايه وطبعا ده سوف يؤدى لاختلاف الاسعار ادخلاوا على الموقع ومش هتندموا.