عرض للطباعة
اخيراا والحمد لله جبت البرافا 2001 بعد مشوار طويل من البحث واخ فاضل من الموقع هنا تم الشراء عن طريقة
عايز اقولكم ماشاء الله رغم ان السيارة 1300cc بس قوية جدا وثابتة وعلى راى صاحبها كالزوجة التى ترغم بالعيش (مبتقولش لا ابا يعنى) المهم بقى يا شباب الفيات الكرام عايز اعملها صياناتها لو حد يعرف حد كويس بفيات ياريت لو يدلنى لانى معلوماتى قليلة جدا عنها
مبروك عليك العربيه بجد أنا ركبتها مره واحده إتوهمت مع إن راكب اللينيا بس بجد وهمتني إنه بالكماليات والفخامة دي من زمان أما مين يشتغل فيها معرفش إستنى بقيت الأعضاء لإن تعاملي كله مع التوكيل
مبروك عربية محترمة
الف مبروك عليك العربية وربنا يديك خيرها ويكفيك شرها
وانا واحد صاحبى بردو بيدور على واحدة بس بيدور على ماريا عشان هو بيحب السيدان
وبالنسبة للصيانة فمعانا الاخ toteda معاه الماريا 2001 وعمل الصيانة اخر مرة فى مركز البرقان فى الهرم وشكر فى الناس هناك
انا برضه كنت حاقولك لو الصيانه يبقى البرقان ناس بجد قمه الذوق وفاهمين كويس اوي وسعرهم حنين جدا
اما بالنسبه لو لقطع الغيار في منها استيراد وقطع الغيار الدوريه في الحرفيين كتير ما شاء الله
شكرا لردودكوا واهتمامكو بجد عربية تحفة جدا وائتريتها بعد معاناه طويلة بس هيات تستاهل وياريت نتبادل المعلومات بقى عن الفيات اللى بجد مظلومة جدا فى بلدنا الحبيبة مصر
تمام بس ممكن تدينى العنوان بالظبط ا خالد واسماء المحلات بالحرفيين اللى بتبيع الاستيراد ولو كنت اشتريت قطع قبل كده وتقدر تقولى على الاسعار اكون شاكر.اقتباس:
المشاركة الأصلية كتبت بواسطة khalid_adel
اسف انا بتقل يا جماعة بس بجد العربية ديه من العربيات اللى مش اى حد يشتغل فيها لانها مش سهلة وتحتاج للمعاملة الجيدة
الف مبروك وربنا يعطيك خيرها ويكفيك شرها.
اولا مركز البرقان ده في شارع العريش وده الشارع اللي مابين فيصل والهرم - او اول شارع يمين كبير بعد سينما ومسرح الهرماقتباس:
المشاركة الأصلية كتبت بواسطة mr_hamed_s
بالنسبه للحرفيين عارف الشارع اللي نازل لتحت كده وشارع طويل في اوله بتوع اوبل وفولكس وبعديهم ياباني
المهم قطع الاستيراد هتلاقي الابيض وده على الشمال ماسك ناصيه
وفيه قبليه بتاع قطع غيار بس ده جديد مش فاكر اسمه بس هو باين على الشمال برضه
وفيه في الاخر واحد تاني او اتنين على اليمين (التاني كان قافل ) ودول بتوع استيراد برضه بس اعتقد الابيض ده افضلهم
بص على العموم متقلقش انت بس اوصل الشارع ده وحتلاقيهم يمينك وشمال مليان والبرافا ليها هناك كتير ان شاء الله
الف مــــــــــــــــــبروك ياباشا على التحفة بجد
عقبالى يا رب انا كمان انا نفسى فيها من سنتين وعمال احوش فلوسها بس انا عاوز واحدة 1997
1600 cc
ممكن اعرف خلصتها بكام البرافا ؟ويا ريت تقولى كشفت عليها ازاى وفين؟
شكرا جدا ياكبير على المعلومات القيمة ديه وانت كده طمنتنى لانى كنت قلقان قووى من موضوع قطع الغيار دهاقتباس:
المشاركة الأصلية كتبت بواسطة khalid_adel
بص ياباشا انا تعبت جامد وشفت كتيير برافا لحد ماوصلت للعربية بتاعتى بس بصراحه مشفتش موديلات غير 2001 كلها عموما انا سمعت ان 2001 شكلها من جوه مختلف تماما عن 199* فيارايت تتاكد من المعلومة ديهاقتباس:
المشاركة الأصلية كتبت بواسطة fiatbrava
بالنسبة للسعر انا ربنا كرمنى بواحد محترم جدا صديق لعضو بالمنتدى واتفقنا انى اخدها منه ب 32000 الف بالنسبة للكشف ف انا كشف فبنتزينة التعاون اللى ف اول عباس العقاد بمدينة نصر لو تعرفها الوحيدة اللى كنت عارف انها بتكشف لانى صديق ليا كشف على عربيته هناك قبل ما يشتريها برده
بس بصراحه انا كنت مطمئن للشكل العربية وحالتها اللى بتدل على انها استخدام محترم جدا لان الراجل بصراجه صاحب العربية بصراحه كان شخص صريح العربية طبعا فيها شوية مصاريف بس بسيطه انشاء واول ما هبتدى اظبط هقولكم التفاصيل والاسعار
مستر حامد مبروك تانى على العروسة وسعرها ماشاء الله جميل
احنا لازم نكون اصدقاء فى البرافا ونظبط مع بعض عشان انا ان شاء الله هشتريها فى ابريل 2011
[QUOTE=Fiatbrava;3872992787]مستر حامد مبروك تانى على العروسة وسعرها ماشاء الله جميل
احنا لازم نكون اصدقاء فى البرافا ونظبط مع بعض عشان انا ان شاء الله هشتريها فى ابريل 2011[/
ده هيبقى شرف ليا اكييد ف اى وقت وان شاء الله ربنا يوفقق وتجيبها
مبروك عربية محترمة
اولا كل سنة وانتم طيبين جميعا
ثانيا الف الف الف مبروك ياباشا علي العربية المحترمة دي وخد عند بقي ياسيدى شوية الحاجات دى علشان تطمن وطبعا انا لسه عند كلامي ان احسن مكان تعمل فيه صيانة هو مركز البرقان
- لو عايز قطع غيار جديدة يبقي الكيلاني في شارع شمبليون وانت مغمض وكل حاجه موجودة .
- لو عايز قطع غيار استيراد يبقي الحرفيين ( قليلة ) ووكالة البلح ( كتيرة ) وعزبة شلبي ( قليلة جدا جدا )
- عايز صيانة واصلاح مثل التوكيل تماما واحسن يبقي مركز البرقان ( اول شارع العريش من ناحية شارع فيصل )
- عايز صيانة واصلاح وواحد فاهم وحافظ كل مسمار في العربية ( ناقصة بس شوية امكانيات يعني مثلا سكانر ) عليك وعلي الاسطي صابر وده مكانه في شارع القومية العربية ( وانت علي الدائرى ورايح علي منزل الوراق تنزل نزلة القومية وتدخل اول شارع يمين بعد النزلة علي طول تمشي شوية هتلاقيه علي الشمال وهتلاقي عند ميكانيكا وكهرباء وتكييف وهو متخصص في الفيات واللانشيا والالفاروميو
- نصيحة تحطيلها بنزين 92 اداءها يبقي احسن
- لو هتغير زيت اول مرة حط موبيل اكس اتش بي وغير فلتر واعمل بيهم الفين كيلو وبعدين روح غير وحط موبيل وان 10000 كيلو مع فلتر جديد ومش هتسمع صوت للموتور ابدا ( مرة واحد صاحبي واقف معايا وكانت العربية دايرة وقالي سيبني اركنهالك وركب ولاقيته بيدور العربية مع انها دايرة واما اكتشف انها دايرة شوفت في عينه لمعه غريبة جدا طبعا عارفينها
- اهم نصيحة ممكن اقولهالك واوعى علشان خاطرى ما تنفذهاش
((( اوعي تغسل حوض الموتور في محطة البنزين ابدا )))
ممكن تعمله بالهواء فقط وتلمعه بفوطه مبلولة كده علي الماشي
- نيجى بقي للاطمئنان اللي بجد ((( الفلوس )))
- طقم مساعدين خلفي جديد الماني 600 جنيه
- طقم مساعدين امامي جديد الماني 900 جنيه
- طقم كبالن اصلي جديد 500 جنيه
- مرايه عادة جديد 120 جنيه
- رفرف امامي جديد 350 جنيه
- اكره باب جديد 200 جنيه
- كونترول يونيت جديد اصلي 2900 جنيه ( ربنا يبعد عنك الشر يارب )
- طرمبة بنزين كاملة اصلي جديدة 1600 جنيه
- طقم البوجيهات بتاعتها من عند الكيلاني علشان ما تلفش كتيير 80 جنيه ان جيه كيه وطبعا موجود الاصلي اللي مكتوب عليه فيات عند البرقان ب 160جنيه
- نصيحه مني برده لو مفيهاش جنوط سبور ادها طقم حلو كده هيزودها حلاوة علي حلاوتها
- وطبعا ماتنساش صورة البقرة تشغلها فيها علي طول علشان صالون العربية من جوه هيلحس مخ كل اللي هيركب معاك وهتلاقي عينه زايغه يمين وشمال في العربية ( ولا السيراتو )
- اخر حاجه بقي ماتنساش شماسة المنتدى بلوجو فيات واول ماتركن العربية تروح حاططها علي طول حتي لو ما فيش شمس ودى طبعا سهل جدا ان تيجيبها بس انت قول انا عايزها وهتلاقي عضو زميل اقل ما يقال عنه انه محترم بيساعدك لغاية اما تبقي معاك ( damasry ) باشا
اخيرا مبروك مرة اخرى علي العربية وربنا يباركلك فيها ويحرسهالك
اقتباس:
المشاركة الأصلية كتبت بواسطة toteda
انا يجد سعنى مش عارف اقوللك ايه انت استاذ هوه الكلام ولا بلاش
طبعا كلامك طه مطمئن جدا الاسعار معقوله نسبيا بالنسبة لندرة العربية وامكانياتها
العربيةياباشا فيها طقم الجنوط واعتقد انه مكنش راكب مكونتش هشتريها هههههه بهزر طبعا
بس هيا فعلا عربية جميله قووى لدرجة انى بدات اقع فغرامها :d:d
المهم بقى احنا لازم نبقى مع بعض فكل حاجه تخصها وانا ان شاء الله مستنى بعد العيد علشان اظبط شويه حاجات كده وطبعا هحط كل الاسعار واللى تم
عندى بس سوال انواع المساعدين ايه ؟؟
لو تعرف سعر الكبوت كام ياريت لو تقولى علشان انا بفكر اغيرة علشان عاملى مشاكل
ربنا يكرمك على المعلومات الغاليه ديه وان شاء الله اقدر افيدكم
انا تحت امرك ياباشا اما بالنسبة للمساعدين فهي مونرو والكبوت مش عارف بصراحة بس هاسأل واقولكاقتباس:
المشاركة الأصلية كتبت بواسطة mr_hamed_s
toteda انت بجد استاذ و عملت الواجب مع الراجل و اديتنا معلومات مفيده جدا الف شكر ليك
مساء الفل يا صديقى ممكن تقولينا البرافا عاملة معاك اية
وظبط فيها ايه عشان انا مشتاق اسمع منك