الموضوع: ابعد عن العربية ام توكيل

طب وايه المشكلة انت قدامك الرخصة والتوكيل والعربية نفسها يعنى تقدر تطابق كل البيانات مع بعضها وكمان تبص على اللى انت بتشترى منه لان الشكل واسلوب الكلام والمعاملة عليه عامل كبير بالاضافة لحالة العربية وسعرها ايضا وكل شيئ نصيب انت ممكن تاخد العربية برخصة و بدون توكيل وتطلع مسروقة او بموتور منسقط وغير مثبوت على الرخصة وماتكتشفش الموضوع غير عند اجراءات نقل الملكية يعنى تكون اجراءات البيع بالشهر العقارى انتهت والبائع خد فلوسه ومشى وانت لاحول ولاقوة من الآخر اللى عايز ينصب بينصب ويسرق بأى طريقة سواء بتوكيل او بدون وفى الحالة المذكور ممكن يكون رقم الشاسيه اتنقل غلط من الرخصة والموظف خد اكراميته عشان يصلح الخطأ سواء قى ورقة التوكيل او فى الدفتر واكيد مش للتزوير لانه كده مش معقول يخاطر بمستقبله عشان 100 جنيه والله اعلم

المشاركة الأصلية كتبت بواسطة walidadel81

استاذي انا متفق معاك بكل اللي قولته بس انت كده كده لازم تنقل ملكيه بوقت الرخيص عشان الرخصه تطلع باسمك ممكن وقت شراء السياره تكون الحاله مزنقه مع اللي بيشتري العربيه شويه ويعمل توكيل ودي حصلت معاي بس ساعه الترخيص اكيد هتعمل نقل ملكيه ولا راح تخليها زي ماهي باسم صاحبها القديم وكمان ممكن العربيه يكون فيها توكيل واحد مش اربعه ونقول مش تجار؟؟

انا عن نفسى باحاول آخد رخصة فيها مدة كبيرة يعنى مرة عربية فضلت معايا اكثر من سنتين ونص بتوكيل وقبل ماتنتهى بشهرين بعتها بتوكيل برضه

المشاركة الأصلية كتبت بواسطة أسد

انا عن نفسى باحاول آخد رخصة فيها مدة كبيرة يعنى مرة عربية فضلت معايا اكثر من سنتين ونص بتوكيل وقبل ماتنتهى بشهرين بعتها بتوكيل برضه

كان توكيل واحد واعد معاك سنتين ونص من لما تلاقي عربيه فيها رخصه سنه وتلاقي الرخصه فيها لسه ست شهور وتلاقي اللي بيبعها معاه تالت توكيل او رابع توكيل من اللي الرخصه باسمه اظن دي باينه جدااا انهم تجار في بعض اربع توكيلات بست شهور تبقا ايه؟؟؟

المشاركة الأصلية كتبت بواسطة walidadel81

كان توكيل واحد واعد معاك سنتين ونص من لما تلاقي عربيه فيها رخصه سنه وتلاقي الرخصه فيها لسه ست شهور وتلاقي اللي بيبعها معاه تالت توكيل او رابع توكيل من اللي الرخصه باسمه اظن دي باينه جدااا انهم تجار في بعض اربع توكيلات بست شهور تبقا ايه؟؟؟

اذا العبرة ليست فى وجود تو كيل ولكن العبرة بظروف التوكيل والعربية وسعرها والتجار الشرفاء بيدوك العربية بسعر مناسب لانه عايز يبيعها بسرعة عشان يشوف غيرها وانا احب اشترى من تاجر لانى بكون متأكد انه فحص العربية باحتراف قبل مايشتريها المهم أكون متأكد من ان السعر مناسب وفى نفس الوقت ماحبش ابيعله لانه عيطلع عينى فى الفصال بس برضه كل قاعدة ولها شواذ يعنى آخر عربية بعتها خدها تاجر هو طبعا مابيقولش انه تاجر لكن بيبقى باين عليه بس خدها بسعر اعلى من اللى المشتريين العاديين قالولى عليه واللى كان جاى معاه ميكانيكى واللى ياخدها يجربها وقصص وحواديت والتاجر كان خلال نص ساعة مخلص ودافع الفلوس بالكامل ومش مبقى ولامليم وقالى ابقى اعملى التوكيل وكلمنى آجى آخده ومشترى قبل كده يقولى مش هادفع ولامليم غير فى الشهر العقارى بعد متمضى بالبيع فأحيانا يكون التعامل مع التجار اريح لانهم فاهمين اما المعارض فدى قصة تانية اعتقد ان دول اللى سمعتهم سيئة لانهم وسطاء ومش خسرانين حاجة فقط يعرض العربية حتى ولو كانت نصين المهم هو له عمولته وينحرق اللى اشترى فأنا من رأيى البعد عن المعارض سواء المستعمل او الزيرو الذى يجب شراؤه من وكيله مباشرة

بارك الله فيكم

انا بعتبر اللى بيوافق يبيع بتوكيل بيكون ميزة تضاف الى مزايا السيارة واللى بيرفض ويصر على التسجيل ربنا يوفقه