التاكسى الأبيض و مغامراتك ... ساعدونى محتاج المعلومات دى إنهاردة

**SeiffoZ** · 29-08-2010 04:56 PM

أنا بعمل تقرير عن التاكسى الابيض و مطلوب منى دلوقتى أعرف التاكسى ده إيه رأيكم فيه ؟؟

و إيه ملاحظتكم عليه ؟؟

و العداد هل فعلا بيتلعب فيه ؟؟؟ و إزاى؟؟

طب إيه المواقف إللى حصلتلكم معاه ؟؟؟

و و أول تاكسى أبيض ينزل فى البلد فعلا كان سنة كام ؟؟؟

و يا ريت تكتب إسمك و سنك و شغلتك ..

و شكرا يا جماعة

**Eng.Geo** · 29-08-2010 05:17 PM

المشاركة الأصلية كتبت بواسطة SeiffoZ

أنا بعمل تقرير عن التاكسى الابيض و مطلوب منى دلوقتى أعرف التاكسى ده إيه رأيكم فيه ؟؟
كويس مش بطال
و إيه ملاحظتكم عليه ؟؟
بحتاجه في الطرق السريعة فقط
لو طريق زحمة بنقي أسود عشان الوقفة بتاعة الأسود مش بفلوس
و العداد هل فعلا بيتلعب فيه ؟؟؟ و إزاى؟؟
معرفش الحقيقة
طب إيه المواقف إللى حصلتلكم معاه ؟؟؟
فمرة السواق خبط عربية فا مرايته أتكسرت ( السواق غلطان جدا )
يعمل أيه بقي .... ينزل يتخانق بتاع ربع ساعة
عشان أيه ؟
العداد يعد وفي الفترة ده يعمل تمن المراية
كانت لادا
وانا دفعت ومردتش أتكلم معاه
كنت ببدلة ومش عايز أتخانق :(
و و أول تاكسى أبيض ينزل فى البلد فعلا كان سنة كام ؟؟؟
مش فاكر الحقيقة
بس تقريبا 2008 علي ما أفتكر
و يا ريت تكتب إسمك و سنك و شغلتك

..
هههههه
و شكرا يا جماعة

**hazemhany** · 29-08-2010 05:22 PM

انا لسه حاصلي امبارح موقفين ..انا اسمي حازم 22 سنة طالب

الموقف الاولاني ركبت التاكسي وكان معايا والدتي واختي ..المهم بقله شغل التكييف قالي الجو مش مستاهل قلتله مستاهل مش مستاهل انا بقلك شغله قاللي مش مشغل حاجة !!! وع فكرة الكلام ده مش من اول ما ركبت يعني كان العداد عامل بتاع 8 جنيه ..طبعا اتخنقت منه قلتلوا خلاص نزلني ونزلت ..

الموقف التاني ركبت مع سواق تاني وكان مشغل التكييف وتمام ووصلت البيت عداده عامل 15 جنيه اديته 16 ..اذ به يقولي مفيش حاجة عشان التكييف !!!!!!!!!!!!!!! قلتلوا يعني ايه مفيش حاجة عشان التكييف هوا مش كله ع العداد ..قالي لأ مالوش دعوة بيه !!!!!!!! ..قولت ياواد خليها عليك وطلعتله كمان جنيه ..قام بص بقرف كده ويقولي خلاص شكرا قولتلوا شكرا شكرا اتكل ونزلت .... يعني هوا واخد عداده وزيادة وبرضه مش عاجبه ...تقول عليه ايه ده ؟؟

**x512** · 29-08-2010 05:26 PM

فمرة السواق خبط عربية فا مرايته أتكسرت ( السواق غلطان جدا )
يعمل أيه بقي .... ينزل يتخانق بتاع ربع ساعة
عشان أيه ؟
العداد يعد وفي الفترة ده يعمل تمن المراية
كانت لادا
وانا دفعت ومردتش أتكلم معاه
كنت ببدلة ومش عايز أتخانق :(

لو مكانك...اسيبو و امشي....كان هيطلع يجري و راك زي ال...

**Moh.Abdelbaset** · 29-08-2010 05:26 PM

الموضوع ده هيفيدك إن شاء الله
http://www.nilemotors.net/Nile/97856-a.html

**yyy** · 29-08-2010 06:12 PM

معظمهم نصابين

يعد يلف و يدور علشان يزود المسافه ال هوا ماشيها يعني المشوار ال يتاخد في 10 دقايق ياخدو في 20 دقيقه و حجته ان الطريق المختصر زحمه

**Ahmed Nouh** · 29-08-2010 08:50 PM

انضميت للمهنه

ههههههههههه , مرحب يا زمل

بدأنا نتفشى فى المنتدى اهه

**abdo_general** · 29-08-2010 09:38 PM

المشاركة الأصلية كتبت بواسطة hazemhany

الموقف التاني ركبت مع سواق تاني وكان مشغل التكييف وتمام ووصلت البيت عداده عامل 15 جنيه اديته 16 ..اذ به يقولي مفيش حاجة عشان التكييف !!!!!!!!!!!!!!! قلتلوا يعني ايه مفيش حاجة عشان التكييف هوا مش كله ع العداد ..قالي لأ مالوش دعوة بيه !!!!!!!! ..قولت ياواد خليها عليك وطلعتله كمان جنيه ..قام بص بقرف كده ويقولي خلاص شكرا قولتلوا شكرا شكرا اتكل ونزلت .... يعني هوا واخد عداده وزيادة وبرضه مش عاجبه ...تقول عليه ايه ده ؟؟

+11111
لسه امبارح برضه

نفس الموقف

بس الموقف بتاعي كان عمال يمهد في الاول

ويقولي التكيف عامل شغل

ومش تلاقيه في اي عربية

ودا العربيات دلوقتي ما تستحملش تقعد جواها

ونادي لما تلاقي بتكييف

بس علي فكرة انا اعتقد ان قراءة العداد بتفرق لو مشغل التكيف او لاء

لاني برضه اخدت حته صغيرة علي الدائري
وطبعا ما اقدرش امشي في الشمس والصيام

وكانت 10 جنيه

وهي فعلا حته صغيرة خالص

وانا ببص اول ما بركب وبتاكد من انه جاب العداد من صفر

**Ralliart** · 29-08-2010 09:47 PM

العداد بيتلعب فيه عن طريق انه بيشغل عداد الوقت مع الكيلو وبيخبي عداد الوقت باي طريقه زي فوطه صفرا مثلاً ولما توصل تلاقي العداد ضعف اللي انت متعود تدفعه ودي حصلت معايا في عربيه لادا
وفي كمان سواقين بيقفو لاكتر من زبون في وقت واحد وبيتخانق مع الزبون التاني ويدفعه نفس العداد والاولاني بيتحسب عليه الوقت اللي وقفه وفي ناس معندهاش دم بيقفو عند بتاع الكاوتش !! ودا تصرفي معاه اني بمد ايدي واوقف العداد لحد ما ييجي يمشي بشغله تاني ولو فتح بقه بنزل من العربيه فوراً

والعربيات البيجو فيها اوبشن عداد سياحي اغلى من العادي
ولسه هنشوف بتوع الالكترونيات اللي معندهمش دم اللي هيلعبو في العدادات ويخلوه يحسب مسافه اكتر من اللي بيقطعها مثلاً .....

وفي سواقين اغبياء زي مرره واحد عايز نص جنيه زياده بحجة ان العداد فاضله شويه ويقلب مع اني اديته الفلوس ونزلت من العربيه ومشيت شويه ودا عمال ينادي عليا ويقولي استنى العداد هيقلب اهو !!!

**windofchange** · 29-08-2010 09:49 PM

ركبت لادا من الحرفيين عند موقف العاشر كده ونزلت عند النزهة الجديدة وطول ماهو ماشي العداد بيجري بسرعة انا استغربتلها يعني 2,25 بعدها ب10 ثوان 2,50 وهكذا والطريق كان ساللك لسه اول النهار ده كان تبريره والعداد بيجري بطريقة بشعة المهم حسبتها في الآخر الكيلو ب1,25 واحنا عملنا 8 كيلو يبقي 12,50 مع فتحة العداد اللي هي 2,50 مش عارف انا اللي صح ولاهو بس حسيت ان العداد ملعوب فيه وقلتلله عدادك مش مظبوط واديته 10 جنيه ورضي بيهم

الموضوع: التاكسى الأبيض و مغامراتك ... ساعدونى محتاج المعلومات دى إنهاردة

LinkBack

أدوات الموضوع

عرض

التاكسى الأبيض و مغامراتك ... ساعدونى محتاج المعلومات دى إنهاردة - انشر الموضوع فى :

-

-

-

-

-

المواضيع المتشابهه

ساعدونى محتاج اعمل عدة صوت جبارة

مواقف مع سواقين التاكسى ادى لحيرة . التاكسى احسن ولا عربيتك

التاكسى الأبيض أكثر شعبية من الأسود

مغامراتك مع العفاريت

:: محتاج مساعدة بخصوص الكاوتش الخارجى وبعض المعلومات عن البطارية :: لانسر شارك

الكلمات الدلالية لهذا الموضوع

المفضلات

المفضلات

ضوابط المشاركة