الموضوع: استفسار من خبراء ال بي ام

المشاركة الأصلية كتبت بواسطة thebuccaneer

السلام عليكم اولا! :)

أنا بصراحه من هواة المحركات مثل الألبينا و المحركات الكبيره! فبصراحه أنا إذا كنت فى موضعك و كل الموضوع هو زهقى من الفتيس العادى, يبقى ممكن تشترى فعلا الفتيس الأتوماتيك بمشتملاته و تركبه! بالنسبه للسيارة موضوع بيعها إلخ... انا شاهدت 3 سيارات e36 فابريكه بالكامل و بصراحه كانوا 3 سيارات ألماظ. أنا شاهدت إعلان لسيارتك قبل ذلك تقريبا هى لونها أسود و بها جنوط ألبينا بالأضافه الى المحرك بالتأكيد!

عالعموم انا هسأل لك و ربنا يكرم! لكن انا كنت عاوز اعرف منك بالضبط مواصفات المحرك الألبينا عندك!

والله هو الميكانيكي كان قالي انها اللي بيقولوا عليها المكنه البيضا موديل 90 موديل سنة غير كده الله اعلم و هيا انجيكشن كمان باين يعني من شكل المكنه و بس

ايه دا بقي الكلام عمال بيكتر وانا مش فاهم حاجه و الحمد لله واحده واحده عليا ياستاذ لحسن كده لموضوع كبر اوي
اولا اعرف منين انها b3 ولا b2
و ثانيا اكيد اكيد لو هغير المكنه كلها يبقي هياخد العفشه كلها و اجيب مكنه اربعه سياندر بالعفشه بتاعتها ولا ايه رايكوا
ثالثا ايه الفرق بين المكنه ال m40 و ال m43 ولا هو علي اساس نوع العربيه
العربيه تقريبا تقريبا m40 فهاجيبلها المكنه بتاعتها ولا ايه

المشاركة الأصلية كتبت بواسطة matrixco

m40 دة اسم الموتور مش العربية اعتقد عربيتك E30 alpina b2 والله اعلم

http://www.nilemotors.net/Nile/16751...ll-90-a-2.html

المشاركة الأصلية كتبت بواسطة hisham80

بس كده حضرتك بتبوظ العربيه ازاي تحول البينا أصلي لعربيه عاديه الناس بتعمل العكس أنت أحسن تبيع العربيه لواحد يكون عايزها وغويها وبعد كده تشتري.

مانا اصلا مش عارف اذا كانت اصلي ولا لأ لان الصالون بتاعها مافيش فيه مساحه للرجلين خالص ورا فانا حاسس انها عربيه استيراد و متفضيه فيها مش اكتر بس معموله نضيف و بعدين منا عاملين اعلان في الوسيط و هنا في المنتدي و علي كونتكت كارز و محدش فكر فيها
انا بفكر اغير الفتيس بس علشان مابقاش بوظت فيها اوي